رواية فتاتى المشاغبة بقلم أميرة السمدونى كاملة

الفصل ال 13

لفصل ال 13

أرائكم مهمة

"لا مش موافقة ،يعني أيه عاوزة أوضة النوم ال لسه بشوكها،لا شوكها أيه ده أنا مدفعتش غير عربون تروح شقة العريس فى أقرب فرصة ،ده لا فى شرع ولا عرف "

ردت طنط رمزية توحة وهي بتهديها:_
_ توحة،مايني ومتنشفيش دماغك الست بتقترح يعنى مش بتجبرك

علقت بعصبية :_
_لا ما هو الو ال بيتكلم مجنون فالمستمع عاقل ،واحدة لسه لابسة دهب ملهاش أسبوعين عزال أيه ال هيروح فى خلال شهر ده

بررت والدة أشهب:_
_ ما أنتي عارفة أني مستعجلة وأتفاقنا معاكم فى قراية الفاتحة أنهم هييجوزوا  فى خلال 4 شهور،عشان والده رجل بره ورجل جوه ،وبعدين ما أحنا جبنا الاجهزة الكهربائية ومرزوعة فى شقتهم ومشكناش فيكم يعني

وضحت توحة وهي غضبانة:_
_ أسمعي بقى يا حبيبتي عشان نبقى على نور ،كونك تجيبي إن شاء الله تملي شقة ابنك لأخر زورها،فهي فى الأخر شقته وضامنة أن ال بتجبيه تحت أيدك،إنما أنا مش هجيب فلوس أرميها البحر،بعد ما تساوميني على الشبكة حركاتك دي محفوظة ،عاوزة أوضة النوم هتجي لك وفوقيها بوسة بس بعد كتب الكتاب أه ،مبقاش في حاجة مضمونة الزمن ده

نفخت بإستياء وهي بتقولها:_
_ بكرة لما تعنس وتقعد جنبك ومتلاقيش كلب يبص فى خلقتها من عمايلك دي ،هتيجي لي وتعتذري لي،بس ساعتها هقولك خلاص شطبنا

ردت توحة بإنفعال وهي بتقول:_

مين دي ال هتعنز أنتى عبيطة ،بنتنا ضكتورة وقد الدنيا وألف من يتمناها مين شهب ولا نيزك ال هنبص عليه  ده"

كنت واقف مذهول من الموقف ،فهمست في ودنها :_
_يا توحة عيب الناس في بيتكم ،ميصحش ال بتعمليه

ردت وهي بتقولي بعصبية وأختها وأشهب خارجين من جوه يشوفوا فى أيه:_
_دي أمور عائلية متدخلش فيها واركني لي على جنب كده أما أشوف أم أربعة وأربعين دي..!!

أول ما توحة بتقول"أوعى لى على جنب كده "ببقى ميقن أن فى مصيبة فى الطريق،قرب أشهب وهو بيقول بإندهاش:_
_خير يا ماما في أيه صوتكم جايب أخر الشارع

ردت عليه وهي بتسحب شنطتها وبتقوله:_
_ أنت جايبنا نتهزق هنا ولا نقضي واجب ومصلحة يا أشهب...؟

ردت شكرية وهي بتعتذر لحماتها وبتبص لتوحة عشان تتأسف ولا تصلح ال عملته أبداً:_
_ لا عاش ولا كان ال يدوس لحضرتك على طرف يا ماما،اكيد توحة متقصدش ..

زقتها بغضب وهي بتقولها:_
_ وهي أختك خلت فيها ماما ولا زفت،غوري من وشي

علقت توحة وهى قاعدة على الكنبة وطنط رمزية بتلومها :_
_ يا أختي ، جاية تعملي فيها حما من أولها واحنا لسه على البر...؟ اسمع يا شوهب أنا قولتها كلمة وكلمتي مهتنزلش الارض ابدا اوضة النوم بعد كتب الكتاب غير كدا خالتي وخالتك واتفرقوا الخلات

بصت لها والدتها وهي بتقولها:_
_ ليه كده تخربي على أختك وتمشي الناس غضبانين من بيتنا

أشهب مشي وراء والدته يراضيها ،و شكرية بتعيط وزعلانة من موقف أختها جداً وهي بتقولها:_
_طبعاً وهي يفرق معاها أيه،أزعل ولا أولع ،واحدة مجربتش الحب ولا أنها تتعلق بحد ويبقى لها كل حاجة هتحس إزاي وقلبها حجر ،بسبب ال أبوها عمله زمان هتطلع عقدها علي

فى اللحظة دى توحة ضربتها بالقلم وهي خلاص فقدت أعصابها وبتقولها:_
_المعقدة دي هي ال رفعت رأسك قدام حماتك،وخلتها قعدت حطت رجل على رجل وبتتشرط وكأنها أم العروسة ،وقبلت وقولت معلش يا بت أشتري خاطر أختك،المعقدة دي ال كانت بتصرف عليكي من لحم الحي فى تعليمك وعملت لك ال أبوكي نفسه معملهوش

قولت لها وأنا بغمز عشان تسكت بعد ما لاقيت شكرية بتعيط:_
_ خلاص بقى يا تتح متبقيش بقلب أسود

علقت ببحة صوت:_
_ أسكت أنت متعرفش أن الهانم ضغطت علي عشان حماتها ،ال مراعتش أني أيد وراء وأيد قدام،وأنى على باب الله،ال خلتني أمد أيدي لأول مرة على حاجة مش بتاعتي وأسرق عشان ترتاح وتستت،وفى الاخر جاية تقولي معقدة

ردت عليها شكرية وهي بتتحسس على موضع الصفعة وبتقولها بغضب:_
_ بتعايرني يا توحة..!،ماشي فلوسك هتوصلك على الجزمة القديمة من شغلي ومش عاوزة من خلقتك مليم ،بس هي غلطتى أشهب قالي كتير أنك عرضتي نفسك عليه ورفضك عشان كده هتطقي وبنار عاوزة تعطلي الجوازة بأي شكل بس انا مش هسمح لك

شهقت بخضة علقت فيها طنط رمزية:_
_ بس عيب أختشي أختك عمرها ما تبص على حاجة غيرها أبداً،ولو كان ده أخر واحد فى الدنيا

فتابعت توحة بعصبية وهي بتشد شعرها وأختاه بتصرخ:_
_أشهب مين يا أم أشهب ما أتقدم لي سيد سيده وأنا ال رفضت،بقى الكحيان ده ال أبوه بيقسط تمن الفطار هبص له على عنيه الزايغة جتك ستين وكسة أنتي وهو فى ساعة واحدة

علقت وهي بتدافع عنه:_
_ لازم تقولي كده بعد ما رفضك وأختارني وحبني ،أنا عاوزة أفهم أنتي إزاي عقلك يصور لك أنه ممكن يبص لواحدة بدبلوم زيك،شوراعجية ،و....

توحة عنيها وسعت بصدمة وهي بتضرب أختها بالأقلام وزقتها الاوضة دخلتها وصويتهم واصلنا بره ،وطنط رمزية يا عيني تعبت جداً وهي بتترجانى أخش أسلك الدنيا ما بينهم،فتحت الباب لقيت توحة"ماسكة الشكمجية ال فيها الدهب "وهي بتقفل الباب بالمفتاح على أختها وأمها بتهديها وهي بتقول بصوت عالي لأختها:_
_ ماشي يا بنت صبحي،...

نزلنا السلم بسرعة وهى بتقولي على عنوان عمارة فى القاهرة وأنا مش راضي أروح وبقولها:_
_ كفاية فضايح بقى ولمي الدور

ردت بعصبية:_
_ وحياة أمي ما هيحصل طيب

اضطريت أخضع ها ووصلنا وركنت العربية وطلعت جري الخمس أدوار وهي بتلهث ومش راضية تاخد نفسها وبتخبط بأيديها ورجليها وبتقول:_
_ أنتي يا أم شهب أفتحي ...

فتحت لها وهي بتفرك فى عنيها وشكلها كانت نايمة،وتوحة بتجري فى الشقة وهي بتسأل :_
_ هو فييييييييييييييييييييييييين..!!

سألتها بعدم فهم:_
_ هو مين ...؟

جاوبتها بعناد وغضب وإستياء:_
_ الفلانتينو ،المصدي ،رجل المعزة ال شايف نفسه

لسه هترد عليها وتهزقها كانت توحة لقت أوضته وأشهب أتفزع أول ما سافها وبيقول:_
_ بسم الله الرحمن الرحيم أيه ده فى أيه.!!

ردت وهي بتديه بالبونية فى وشه بعصبية :_
_ أيه شوفت عفريت ،رقاب هتطير ..!