أرائكم مهمة جدا
توحة بتصوت وبتصرخ وهي بتلطم، بعد ما شافت ديب نط على العربية قفلت الشبابيك بسرعة ،وأمنت الأبواب ،وأنا بحط المفاتيح وبحاول أشغل متور العربية ،وبدعي ربنا ينجدنا من الورطة ال أحنا فيها،وكانت المشكلة وأنا بضغط برجلي على الفرامل والعربية مش راضية تتحرك،والهانم ضامة ركبتها بكفوفها الاتنين ال شبكاهم وهي بتعيط ومنهارة ،خدت نفس عميق وأنا بقولها :_
_ يا بنتي كفاية شحتفة ،مش عارف أركز هعمل أيه فى المصيبة دي من زنك
مسحت بكومها دموعها وهي بترفع لي وشها ال لونه أحمر لون التفاح وهي بتقولي :_
_لا وأنت هتجيب الديب من ديله..سكت أهو..لما أشوف
رديت وأنا برفع حواجبي فى إستياء بحاول أشغل المتور تاني:_
_ على أساس أنك مش السبب فى ال وصلنا له...؟،عملتي لي فيها ميكانيكي محصلش..والنتيجة أيه واقفين فى عرض الصحراء و...
قاطعتني وهي بتقول :_
_ عرض صحراء أيه أنت هتكفر....أحنا فى عرض وكرم ربنا.. أفتح لي لوك العربية بس كده
وكلمة"لوك" تقصد تأمين الأبواب ،الهانم عاوزة تنزل عقبت بعصبية :_
_ توحة مش وقت التاتش بتاعك خالص....أنا جبت أخري منك ومن تصرفاتك الطايشة ..مممكن أفهم هتنزلي تعملي أيه....؟
جاوبت وهي تبخبط بكفها على قفصها الصدري بثقة :_
_ نازلة أجبها ..مش بيقولوا ما يجبها إلا ستاتها...بس أيدك معايا بقا وحياة والدك...!!
سألتها بفضول:_
_ أيدي معاكي فى أيه يا أخت توحة
ردت بمنتهى التلقائية ال فى الدنيا:_
_ هنزوقها زقة ...وهتلاقيها أيه أوز اللوز...بترمح كده..مش هتعرف تتحكم فى الفرامل من السرعة ..هي بس عاوزة الطلعة الأولى..!!
علقت :_
_ لو على زقة ماشي...وبعدين بصيت على مراية لمحت الديب بيتنطط على شنطة العربية من ورا فقولت لها:_
_ يطلعوا عليكي الترب يا توحة فى يوم ملهوش معالم ولا طلعت له شمس...أنتي إيه.....مبتحسيش ..مخك ده لغياه....؟ ناوية تجلطيني ..؟ حد مسلطك عليا...؟
جاوبت ويه بتقولي :_
_ طيب أوعى لى كده...وفضي لي كرسي السواقة ده..ولو متصرفتش أبقى أرميني ليه..يقرقشني وعلى ضمانتي المرة دي
تنهدت بإستسلام وبدلنا الأماكن طبعاً من غير ما نفتح الابواب ،فضلت تلعب شوية فى الفرامل ،معرفش بتعمل أيه،ورجعت شالت المفتاح وحطته تاني وحصلت المٌعجزة أخيرأ أتحركنا فلقتها بتقول وهي مٌنشكحة وبتشرح سبب العطل:_
YOU ARE READING
رواية فتاتى المشاغبة بقلم أميرة السمدونى كاملة
Romanceفى باحة إحدى أكبر شركات الأزياء توحة:_ _ يا نهار أبوك مش فايت كبيت المدعوق ال بتطفحه على الشي في بتاعي...! زياد بملابسه الرياضية البسيطة لكونه لا يحب البهرجة الزائدة عن الحد ويميل للبساطة:_ _ أسف توحة:_ _ أصرفها من أنهي داهية دي،استغفر الله العظيم ،...
