لفصل 11
أرائكم مهمة جداً
مدتهاش إهتمام وطلعت بعربيتى على الشركة وأنا ناوي أسيب لها فلوسها على مكتبها،ركبت الأسانسير وقبل ما تدخل لوالدتها وأختها غسلت وشها ،وأمتزجت دموعها بحبات المياه وهي بتعيط ومنهارة لأول مرة من ساعة ما عرفتها،وجعها أوي إهمالي و لها ،قفلت الحنفية وهي بتجفف وشها بالكم،وخرجت على غرفة طنط رمزية ،لسه بتفتح الباب حضنتها شكرية ال كانت بتتابعها من شباك الأوضة من وهي تحت وبتقولها:_
_ حبيبتى ..حمد لله على السلامة
ردت عليها :_
_ الله يسلمك،عاملة أيه دلوقتي يا حاجة ...؟ مش أحسن
جاوبت وهي بتكح:_
_فى نعمة نحمده،بس أنا زعلانة منك بقى تسيبي أمك 5 أيام فى المستشفى ومتسأليش فيها...؟
أستنتجت من كلامها اناه متعرفش ال هي مرت بيه قالت لها:_
_ ظروف الشغل معلش بقى يا حجوج،المهم أتغديتي عشان تاخدي الدوا...؟
علقت بنفي فتوحة طلعت مبلغ بسيط وهي بتقول لأختها :_
_ 3 كشري من الحجم العائلى ده ها،و 3 أزوزة خلينا نبلع
شكرية بصت لأختها بقلق لأن كان باين عليها أنها معيطة بس مرضتش تفاتحها قدام طنط رمزية ،فسألت:_
_ ها هتنوري بيتك من أمتى...؟
جاوبتها شكرية :_
_ يادوب نتغدى ونمشي،ماما خلاص بقت أحسن ،بقولك أيه يا توحة عوزاكي فى كلمتين بره
وأول ما طلعوا سألتها :_
_ قولي لي بأمانة أنتي في حد مزعلك..؟
جاوبت بإبتسامة مٌزيفة :_
_ حد مين يا بت..؟ لسه متخلقش ،أنا بس مرهقة شوية ،المهم قولي لي عاملة أيه مع خطيبك....؟
ردت :_
_ الحمد لله ،هيجي لنا النهاردة مع طنط ،يطمنوا على ماما
نصحتها بلين:_
_ عاوزاكي تخلي بالك كويس أوي منه،أشهب بحوره غويطة يا شكرية وأنتي على نياتك،متخلهوش يضحك عليكي بكلمتين وياخد الشبكة
رفعت حواجبها بإستغراب:_
_ أنتي ليه بتقولي كده...؟
جاوبتها بألم:_
_ عشان هو راجع بسببها وبكرة تقولي توحة قالت،بالمناسبة كنت قصداكي فى خدمة يا شوشو بعد ما ناكل تكتبي لي إستقالتي..!!
شهقت بخصة :_
إستقالة..!،ليه كفى الله الشر...!!
قبل ما تجاوب كان أشهب بيتصل ،وتوحة فى الحمام بتكلمني كتير ولسه زعلانة ....
فى الشركة
عمي كان سايب لي خبر أول ما أوصل أطلع له ،لأنه كان قلقان جداً على توحة وعاوز يعرف وصلت لأيه ،حكيت له عن ال حصل وكان بيضحك بس بقهر على تصرف بنته،حاسس بتأنيب ضمير لأنه بتخليه عنها من وهي حتة لحمة حمراء ،كان سبب رئيسي فى شخصيتها ال أقل بكتير من عيلة الراوى ،وخالد كان بيقوله على زعل توحة مني وأنها واخدة على خاطرها ،فخد نفس طويل قبل ما يقولي:_
_ زياد ،خلاص فات أسبوع ونصف مش باقي غير زيهم ،والمٌهلة تخلص ونبدأ فى الإعلان ،ياريت تطول بالك شوية عليها
أنت تقرأ
رواية فتاتى المشاغبة بقلم أميرة السمدونى كاملة
Romanceفى باحة إحدى أكبر شركات الأزياء توحة:_ _ يا نهار أبوك مش فايت كبيت المدعوق ال بتطفحه على الشي في بتاعي...! زياد بملابسه الرياضية البسيطة لكونه لا يحب البهرجة الزائدة عن الحد ويميل للبساطة:_ _ أسف توحة:_ _ أصرفها من أنهي داهية دي،استغفر الله العظيم ،...
