فى بيت أم فاروق
سكتت دقيقة كده بتستوعب أخر جملة قولتها،قبل ما تستنتج أني ال رميت القماشة وولعت فى هدومها،فلقتها بتقولي بغضب ،ومتعصبة،وماسكة ياقة القميص بحدة :_
_ أه قولت لي شورط وطرحة،يبقى أنت بقى ال حرقتهولي .ده أنت...
ردت عليها توحة وهي بتسلك ياقة قميصي من أيدها :_
_جرى أيه يا ست الراجل هيروح في أيدك ،مكنتش زلة اللسان يعني
فبقولها بحماس :_
_ شاطرة يا توحة هرفع ..
كنت لسه هكمل وأقولها "هرفع لك مرتبك"،لكزتني على دراعي وهي بتلومني:_
_ ترفع أيه ..؟ مش لما تصلب طولك الاول بدل ما هي مرمطاك وأنت خايب وطيب كده
بصت لها بإستغراب فكملت بجدية وهي بتنصحني:_
_ لا يا حبيبي الحياة مش عاوزة الطيب،عاوزة المخربش ،يلا قوم خربشها،قصدي قوم أديهملها فى جنابها،خليها تقف عوج وتتكلم عدل
بصت لها أم فاروق ومش عاجبها وأنا بستفسر من توحة:_
_ هما أيه يا حبيبتي...؟
جاوبت وهي غضبانة مني :_
_ تديها على دماغها طبعاً الجربوعة .. ،
قالت لها جارتها بإنفعال وأيديها فى وسطها وأنا مذهول من الموقف:_
_ أسمعي يا بت رمزية يمين بعظيم ما أنا متنازلة ،والبيت أمك هتسيبه النهاردة قبل بكرة أه الجيرة السو دي متنفعنيش،اخلي المطرح خليه ينضف
رفعت لها حواجبها بإستياء وهي بتقولها وأحنا على باب الشقة :_
_ نعم...!،ي ست يا ....؟
هتفت بحدة وسخط:_
_ كلمة زيادة وحياة ماماتك لأشرحك هنا يا بنت رمزية ،أه ما بقاش إلا النصاص قامت والقوالب نامت ،يا بت ما أنتيش عارف لك أب...!!
جملتها خلت توحة تحولت 180 درجة وعنيها أحمرت وأتعصبت جداً،ونزلت الشارع كنت فاكر سبقتني على العربية وأنا بعتذر لأم فاروق وبوضح لها أبعاد الموضوع واني فعلاً رميت القماشة عن غير قصد،أتفاجأت بتوحة داخلة وفي أيديها قالب طوب أحمر وهي بتصرخ وتقولي:_
_ أوعى لى كده والله لأبطحها وأسيح دمها
وقفت وراء أم فاروق عشان متخبطش وبهدي الدنيا وبقولها :_
_ توحة أعقلي ماأحناش ناقصين مصايب ها ،عشان شوشو حت..
ملحقتش أكمل جملتى كانت ام فاروق وطت عشان تفادي نفسها ،وأيد توحة الطرشة بطحتني ...!
حطت أيديها على بوقها بصدمة وطنط أم فاروق بتشهق بخضة ،لقيت توحة بتعتذر:_
_ والله مقصدتكش يا بيه ،معلش بقا قضاك ال كده ،أنا أسفة
حطيت أيدي على رأسي وأنا متضايق جداً ومتعصب وبقولها:_
_ دم...!!، سيحتي دمي يا توحة..؟ هديتي كده...؟
ردت بتريقة كانت أم فاروق دخلت فيها جوه تجيب لي الإسعافات الأولية :_
_أمال كاتشب ،،واحد أتبطح عاوزه ينزل أيه عصير فراولة ،والله أنت عليك حاجات غريبة يا جدع
YOU ARE READING
رواية فتاتى المشاغبة بقلم أميرة السمدونى كاملة
Romanceفى باحة إحدى أكبر شركات الأزياء توحة:_ _ يا نهار أبوك مش فايت كبيت المدعوق ال بتطفحه على الشي في بتاعي...! زياد بملابسه الرياضية البسيطة لكونه لا يحب البهرجة الزائدة عن الحد ويميل للبساطة:_ _ أسف توحة:_ _ أصرفها من أنهي داهية دي،استغفر الله العظيم ،...
