فى القصر المهجور
كنت مستني منها أي لمسة أي حركة إلا أن مفيش....فكملت وأنا ببث حزني:_
_ مدرك...أنك صبرتي وأحتسبتي...وكنتي طيبة أوي..وأنا لحد وقت قريب جداً...كنت زيك....عبيط..لحد ما خدت كام قلم محترم من الدنيا..وفوقت..وعرفت أن الضعيف ملوش عيش وسط الديابة...الحياة عاوزة الخبيث.....الألعوبان...مش عاوزة الطيب...الطيب في الزمن ده بينداس فى الرجلين يا أمي....وأنتي كنتي طيبة عشان كده أنداستي من ال يسوى وميسواش..بس أنا عاوز اطمنك...أنا هاخد لك حقك..ودلوقتي..من مازن ...ال أغتصبك..زمان...بحقنة هوا....هيكون مع الأموات....وعمي هقتص لك منه الليلة من غير بردو ما أوسخ أيدي....أنا عاو....
مع الجملة الأخيرة ال مكملتش دي....قلبي كان هينط من مكانه..وعيني وسعت جداً...بذهول....لما حسيت بصوابعها بتتحرك ببطء رهيب فى شعرى...قولت أكيد بيتهيأ لي دي شبعانة موت من سنين...جددت الحركة تاني مع دخول خالد...رفعت رأسي..من حضنها أبص لها وكانت أكبر مفاجأة فى حياتى....جفون عنيها ال بدأوا يتحركوا ببطء....شديد جداً......لحد ما فتحت...فرحت أوي ..وضحكت ..بهستيريا ...مش مصدق ..وأنا بسألها:_
_ ماما ده بجد..؟...أنا خايف لأكون بحلم...بصى لى أو ردى على ....طمنيني عليكي...قولي للدنيا كلها أيوة أنا عايشة وموجودة
بصت لي بطرف عنيها....بشرود...وحزن....منطقتش فيهم...بحرف...كأنها خرسا....قربت منها رضوى الممرضة بإبتسامة بتقولها:_
_ حمد لله على السلامة يا مدام
بردو ..معلقتش.......حطيت صوابعي تحت دقنها...وعنيها ال زي حبات اللؤلؤ فى عيني...وأنا خايف جداً...لتعيش ميتة..جسم بس معانا وبقولها:_
_ ماما...؟ أنتي سمعانا...؟..لو سمعاني حركي رأسك..أعملي أي إشارة تريح قلبي..متسبنيش في النار كده...ما تردي علي.....ومتقتتلنيش ببرودك ده..!!
هزت رأسها بالإيجاب وشفايفها متقوسة ..وكأنها متضايقة من حاجة....فسألت رضوى:_
_رضوى ده طبيعي ال بيحصلها....؟ ولا هي ممكن تنتكس تاني وترجع للوضع المرضي...؟
فقالت لي شكرية ال كانت لسه داخلة مع خالد فى اللحظة دي...وهي بتسحب كرسي بلاستيك ..تقعد عليه بطمأنينة:-
_ ده النورمل"الطبيعي"...يا زياد بيه....23 سنة غيبوبة ...وفقدان إتصال بالعالم ..مش شوية....هي دلوقتي ...زي طفل صغير ...بإختصار ذاكرة سمكة..مش بعيد خالص تكون مش فكراك....بس متقلقش.كل ده بيتحل بالعلاج النفسي...هي محتاجة إعادة تأهيل....تتعرف على الدنيا من منظور جديد...لدكتور نفسي ..يعرفها الحياة.....يقدر يمهد لها كمية التغييرات ال حصلت فى الفترة دي.
هنا أدخلت رضوى وهى بتقول بحماس:_
_ بنت أخويا...الدكتورة أميرة شاطرة جداً...لهلوبة ما شاء الله..لو حضرتك حابب ممكن أظبط لك معاد معاها
DU LIEST GERADE
رواية فتاتى المشاغبة بقلم أميرة السمدونى كاملة
Romantikفى باحة إحدى أكبر شركات الأزياء توحة:_ _ يا نهار أبوك مش فايت كبيت المدعوق ال بتطفحه على الشي في بتاعي...! زياد بملابسه الرياضية البسيطة لكونه لا يحب البهرجة الزائدة عن الحد ويميل للبساطة:_ _ أسف توحة:_ _ أصرفها من أنهي داهية دي،استغفر الله العظيم ،...
