Buti Pa Ang Leron Leron May Sinta by Jahric Lago (Published under TBC)

My Bestfriend's Lover

My Bestfriend’s Lover

“Sasaya ba talaga ako kung alam ko naman na ang relasyon namin ay galing sa nakaw?”

Sumagi na ba sa isip mo na agawin ang syota ng bestfriend mo? I know, it may sound cruel and immoral. Pero minsan, dahil sa pagiging desperada mo na makahanap ng taong iibig sa ‘yo, pati ang nanahimik na boyfriend ng bestfriend mo maiisip mong agawin... unintentionally.

Hindi naman talaga evil stepsister ang papel mo sa malla-Cinderellang relasyon ng bestfriend mo. Hindi ka homewrecker. Again, imagination lang naman eh na sana ikaw na lang. Siyempre may karapatan ka rin namang sumaya, ‘di ba?

Nangyari na sa ‘kin ito. College days. Nene days ko pa. Chos! Nakapapagod na kasing maghanap o maghintay pa ng iba, eh. Eh ‘di doon na ako sa madali kong makukuha. But then again, hindi ako tigang na desperada para gawin ‘yon. Imagination lang. Clear? Hindi ko naman talaga ipu-push na agawin ang boyfriend ng bestfriend ko. ‘Wag mo akong husgahan. Don’t judge me, I’m not a book.

Sobrang close ko sa bestfriend ko at pati na rin sa boyfriend niya. Kaya tuwing may problema sila ay sa ‘kin lagi lumalapit si My Bestfriend’s Lover at dahil do’n, dahil lagi ko silang natutulungang magkaayos naging close talaga kami ni guy. Alam mo ‘yong may mga eksenang binibigyan ko na ng meaning pati mga maliliit na bagay na ginagawa niya sa ‘kin katulad nang paghablot sa kamay ko para tumakbo dahil late na kami para sa klase. O pag-akbay niya sa ‘kin kapag magkakasama ang barkada. Alam ko namang walang meaning lahat ‘yon sa kanya pero sa akin, oo, mayroon. Alam kong mali, alam kong bawal. Pero kahit na ako lang ang nag-iisip na may kulay ang bawat kilos na ipinapakita niya sa ‘kin ang sarap pa rin pala sa feeling na may nagmamahal sa ‘yo. Talagang masarap nga ang bawal.

Isang gabi nag-overnight kami sa bahay ng bestfriend ko para gumawa ng project. Nagkatulugan na pagpatak ng alas tres ng madaling araw. Magkakatabi kami sa kuwarto: ako, My Bestfriend’s Lover, at ang bestfriend ko. Pinapagitnaan namin siya. Ang lakas nga maka-No Other Woman, eh. ‘Yong movie poster nila na pinagigitnaan nila Anne Curtis at Cristine Reyes si Derek Ramsey.

Alam kong mahimbing na ang tulog ng iba pero ako nakapikit nga pero gising na gising ang diwa. Iniisip ang katarantaduhang imaginations ko. Maya-maya naramdaman kong napayakap siya sa ‘kin, he cuddled me closer and I could feel he was breathing on my neck. Bumilis ang tibok ng puso ko. Hindi ko alam kung dahil sa kinikilig ako o kinakabahan na baka magising ang bestfriend ko at makita ang aming eksena.

Pagkalipas ng ilang minuto ng pagyakap sa ‘kin ni My Bestfriend’s Lover narinig ko siyang nag-i-sleeptalking. At alam mo kung anong sinasabi niya? Binabanggit niya lang naman ang pangalan ng bestfriend ko nang paulit-ulit. Ouch.

Tumayo ako sa pagkakahiga at lumabas ng bahay. Alam kong malamig ang simoy ng hangin pero hindi ko ito nararamdaman sapagkat damang-dama ko ang mabilis na pagtibok ng puso ko at ang marahan kong paglalakad. Nag-flashback lahat ng eksena ko with My Bestfriend’s Lover. Habang palayo na ako nang palayo sa bahay ng bestfriend ko, napahinto ako and I told myself, “Tama na! Ayoko na!”

Kung maghiwalay man sila at mapunta siya sa piling ko, sasaya ba talaga ako kung alam ko naman na ang relasyon namin ay galing sa nakaw? And I realized, oo, sa umpisa masarap ang bawal pero at the end of the day, ako pa rin ang talo kaya itinigil ko na ang kahibangan ko. Ayoko nang umabot na maging masama na ang idudulot ng bawal na pag-ibig na ‘to kasi katulad ng mga bawal na pagkain, sisingilin nito ang katawan mo at magdudulot ng sakit sa puso. Heartache.

*****

BE FRIENDS WITH JAHRIC LAGO! ❤
Facebook: /JahricLagoOfficial
YouTube: /JahricLago
Instagram: @JahricLago
Wattpad: @JahricLago