Buti Pa Ang Leron Leron May Sinta by Jahric Lago (Published under TBC)

The "Parang Kayo Pero Hindi" Feel

The “Parang Kayo Pero Hindi” Feel

“Nagseselos ka, wala ka namang karapatan. Nasasaktan ka, hindi naman kayo.”

Kilala niyo ba si Chelsea? Siya ‘yong babaeng naging syota ni David sa Pangako Sa ‘Yo na isang teleserye sa ABS-CBN. Hindi man main star o iconic ang role ni Chelsea pero tumatak siya sa isip ko. Kahit nakaiinis ang karater niya dahil panira siya sa mga eksena nila David at Yna ay naiintindihan ko siya. Because I was once in her position. At alam kong maraming Chelsea sa mundo katulad ko. ‘Yong taong pati bestfriend ng syota niya pinagseselosan. Kasi ba naman pa’nong hindi ka magseselos kung laging ang bestfriend ng syota mo ang kinakampihan sa halos lahat ng bagay kaysa ikaw. Sino bang hindi magseselos, ‘di ba?

Buti nga sa kuwento ni Chelsea sa Pangako Sa ‘Yo ay sila na ni David, eh. At least makararamdam siya ng guarantee na mahal siya. Eh pa’no naman ‘yong mga nililigawan pa lang o nasa landian stage pa lang pero nagseselos na sa bestfriend ng soon-to-be boyfriend niya. Kasi ba naman kalalaking tao ang bestfriend pa ay babae. Kaya makita lang na mag-post sa Facebook na magkasama sila ay magseselos ka na.

Mahirap malagay sa ganitong sitwasyon ‘yong wala ka pang assurance na ikaw na ang “the one”. ‘Yong feeling mo may karapatan ka na sa kanya pero wala pa. ‘Yong feeling mo kayo na pero hindi. Hindi ka naman nag-i-imagine na crush ka rin ng crush mo dahil totoo namang may nanunuyo sa ‘yo pero ang saklap lang dahil ang bilis mong na-fall kaya kahit hindi dapat makaramdam ng mga bagay katulad ng selos, galit o inis hindi mo mapigilan kasi mahal mo na ‘yong tao. Hindi mo malaman why you feel this way. Kasi kahit baligtarin mo man ang mundo, mali ka pa rin dahil hindi mo pa siya pag-aari. Hindi pa kayo.

Nagseselos ka, wala ka namang karapatan. Nasasaktan ka, hindi naman kayo. Tandaan mo, habang hindi kayo, wala kang karapatan. Ginusto mo ‘yang ganyang sitwasyon, ‘di ba? Then play by the rules, habang hindi pa kayo magpigil-pigil ka dahil wala ka pa namang kasiguruhan kung ikaw na talaga. Kahit magsabi man siya ng isang libong “I love you” pero hindi pa kayo, magpigil ka ng landi dahil sa huli ay masasaktan ka lang. Mamaya magulat ka na lang tapos na pala ang laro, game over na. Kung si Chelsea nga eh sila na ni David pero she still felt threatened na iwanan siya ni David for Yna, ikaw pa kaya? Kaya ‘wag kang kiligin ng todo dahil kapag nagdesisyon na siya na itigil ang landian niyo at iiwan ka na niya, malamang wasak ka.

*****

BE FRIENDS WITH JAHRIC LAGO! ❤
Facebook: /JahricLagoOfficial
YouTube: /JahricLago
Instagram: @JahricLago
Wattpad: @JahricLago