روح وريحان

34

----------------------

الصف الرابع ..

- ريحانة .. بنت خالتي وفي اولى ابتدائي .. رحبي بيها يلا ..

- انتي عبيطة يا بت .. هو انا اول مرة اشوف ريحانة .. ازيك يا ريحانتي ..

ابتسمت "ريحانة" وهي تنظر لـ"رنيم" قائلة :
- الحمد لله .. بس انا اسمي ريحان .. مش بحب ريحانة ..

ضحكت "ريم" وقالت "رنيم" :
- نسيت والله .. ماشي يا ريحان .. انتي كدة بقى بقيتي صاحبتنا التالتة ..

عقدرت "ريحانة" ما بين حاجبيها قائلة :
- ايه دة مش انا صاحبتك من زمان .. انتي نسيتي ..

ردت "ريم" قالة :
- خلاص يا ريحانة .. ريحان .. ولا تزعلي نفسك .. ويلا بقى على فصلك الجرس ضرب ..

---------------------

الصف الخامس ..

- رنيم .. متنسيش عيد ميلاد ريحانة ..

- حاضر ..

- واوعي تلبسي فستان احلى من فستاني يا بت انتي .. كدة اخواتي هيلعبوا معاكي ويسيبوني .. وانتي اصلا حلوة لوحدك ..

- حاضر ..

- وشعرك تلميه .. اوعي تسيبيه مفرود .. يوسف بيحب الشعر الطويل وهيفضل يعاكس فيكي ..

- حاضر ..

- اوعي تتاخري عن الساعة 7 .. باسل محضر مفاجأة ..

- حاضر ..

- يووووه هو كله حاضر حاضر .. اقفلي يا رنيم ..

- حاضر ..

- شت ..

في الحفل .. احتفال بالسنة السابعة لـ"ريحانة" .. كان أشبه ما يكون باحتفالاتهم العائلية البسيطة .. ولكن لأجل "ريحان" فقد دعا "باسل" البالغ من العمر أربع عشرة سنة كل زملائها وزملائه .. فكان الحفل يعج بالأطفال .. وجهزت كعكة كبيرة تتوسطها صورة لـ"ريحانة" وتعلوها كلمة "النهاردة ريحانة هتبتدي تصلي" ..

وصلت "رنيم" مع والدتها بإطلالتها الطفولية المتألقة وهي تضرب بكلام "ريم" عرض الحائط .. فقد ارتدت فستان يبرز جمالها يصل طوله لأسفل الركبة بقليل وبلا أكمام .. وأطلقت لشعرها العنان ..

وكانت "ريم" ترتدي فستانا لونه كلون عينيها مم أعطاها مظهرا رائعا .. وأرادت بذلك أن تتحدى صديقتها الجميلة "رنيم" .. ولكن بالطبع فستانها مع جماله كان أقل حشمة من فستان "رنيم" في نظر "يوسف" و"باسل" ..

وحضرت ملكة الحفل "ريحان" الجميلة .. تتأبط يد "باسل" في بذلته الكلاسيكية .. فهي تأنقت لتبدو جميلة في نظر "باسل" .. وهو تأنق لأن هذا ما يليق بحفل يخص "ريحان" ..

وانتظم الحفل وأقيمت مراسمه كما خطط "باسل" .. وقدمت الهدايا لـ"ريحانة" .. ثم انتظم الحضور في تجمعات .. والتفت "رنيم" و"ريم" و"ريحانة" حول بعضهن ..