خرج الجميع من الاجتماع فسيف الابتسامه تملء وجهه و هى متعبه حقا من كثره الجدال مع تلك العجوز
لكنه لا يبدو على محياه سوى الحزن
اسلام: ايه يا شباب الاخبار
سيف بفرحه: ادعى لاختك هى بصراحه كانت البطله اقنعت الراجل ينزل مليار دولار من المشروع مش متخيلها لحد دلوقتى
اسلام: وااااو والله و بقينا سيدات اعمال جامديين جدا
جينى بأبتسامه هادئه: علشان تعرف اختك مين بس
مى : الف الف مبروك , سيف عايزاك شويه لو سمحت
غادرهم سيف و مى و ذهب الى الكافيتريا
جينى : اسلام انا هطلع انام مش قادره صحونى على العشا
جومانا : ليك اسلام انا رح بدل تيابى و انزل البحر شوى مو معقول اجى لهون و ما انزل البحر
لم يبقى سوى اسلام و فارس
اسلام: مالك مكشر ليه
فارس: جينى بقت رفضانى من حياتها
بتعاملنى ولا اكنى عدوها
تتخيل بعد ما اطلع كل اللى جوايا ليها
و اقولها انى مش قادر اعيش من غيرها
تقولى مش انا الخاينه عايزنى ليه ؟؟؟
هى من الاول عاملتنى وحش
بس انت شفت من ساعه ما بدئت الرحله دى وهى كويسه معايا
و لما لقيتها مش بترد
و كنت هسيبها براحتها و امشى مسكت ايدى حسيت ان الدنيا دى رجعت تبصلى من جديد تانى
هى بتعمل معايا كده ليه؟؟ ليه؟؟ قاصده تعذبنى كل ده علشان بحبها انا ما استهلش منها كل ده
كلمها يا اسلام ارجوك خليها تسامحنى انا خلاص تعبت والله العظيم تعبت مش قادر اتحمل بعدها عنى
هى مستحيل مش حاسه باللى انا فيه
لوسمحت كلمها و اعرفلى ردها عايزانى ولا لا
و فهمها ان دى اخر مره هسئلها السؤال ده
ولو رفضت اوعدها انها مش هتشوف وشى تانى لحد ما اموت
اسلام: صلى على النبى بس ايه اللى انت بتقوله ده ما انت عارف انها بتحبك بس هى صدمتها فيك كانت قويه اوى
اعذرها يا فارس و زى ما قلتلك قبل كده انا هحاول معاها و انت كمان ما تيئسش ربنا رحمته كبيره وقادر يحنن قلبها عليك
فارس: يارب لان بجد خلاص تعبت
اسلام: بس وعد شرف و كلام رجاله انك تحافظ عليها
جينى مالهاش حد غيرى يوم ما هتضايقها انا اللى هتلاقينى قدامك مش حد تانى
فارس: هى توافق بس و الله و انا هخليها طايره من سعادتها
اسلام: لو سمحت عوضها عن الايام السوده اللى عاشتها البنت تعبت
و الكلام ده كنت شايفه بعنيه اوعى تفكر انها كانت كويسه اوى زى ما انت بتشوفها
جينى اضعف منك بكتير لو انت زعلان وتعبان من اللى هى بتعمله فيك
اعذرنى ده ما يجيش صفر على الشمال من اللى هى داقته منك
فارس: اوعدك بس هى توافق
نترك فارس و اسلام قليلا و نذهب الى مى و سيف
سيف: خير يا مى
مى: ممكن تغمض عينك
سيف بملل : ليه
مى : غمضها بقا
اغمض عينه و لقد قامت بأبدال محبس خطبتها من يدها اليمنى الى اليسرى ووضعتها امام عينه
مى: فتح
سيف: ايه ده
مى: ايه مش اخد بالك ان نقلت دبلتى يعنى موافقه على اننا نحدد معاد فرحنا
سيف:فى حاجات لما بتطلب و بعدين تتنفذ بتبقى وحشه اوى بتحسس الواحد انه رخيص اوى قدام شخص هو حياته كلها
مى: مش فاهمه قصدك
سيف: فكرى كويس يا مى و شوفى نفسك عايزانى زوج ليكى و شريك فى بقيت حياتك ولا لا
ادمعت اعينها العسليه عندما وقعت على مسامعها تلك الجمله
مى: انت بتقول كده ليه يا سيف
سيف: لما ننزل اسكندريه هتعرفى كل حاجه و ياريت تبقى تعرفينى قرارك النهائى
مى : سيف سيف يا سيف تركها ومضى فى طريقه الى غرفته
جلست تبكى فى مكانها لم تعلم لماذا هل عندما احست انها ستفقده ابدا ام ماذا لكن المؤكد انها تحبه بل تعشقه فهو ايها المتكبر انسيت تلك الفتاه الشقراء
تململت فى فراشها و فتحت اعينها بتثاقل لتجد الساعه السابعه و النصف قامت و اغتسلت و ارتدت فستان قطنى طويل و حذاء ارضى و جاكت قصير و لفت حجابها بطريقه (كاجوال)
و نزلت الى المطعم و جدت مى تجلس حزينه شارده
جينى: ميكى مالك
ارتمت فى حضن جينى و بكت بحرقه
جينى: مى اهدى شويه الناس كلها بتتفرج علينا
مى من بين دموعها : سيف هيسيبنى
جينى: ايه الجنان اللى انتى بتقوليه ده سيف بيحبك يا مى
مى: انا عارفه هو هو مش عايز يكلمنى حتى ولا يرد على تلفوناتى علشان انا كنت خايفه منه يطلع زى فارس و يطلقنى
شعرت بسكين بارد ينغز قلبها لحين تذكرها تلك الذكرى المؤلمه التى لم تفارقها ابدا
جينى: سيف و فارس غير بعض تماما و انا اقدر احكم عليهم بحكم عشرتى ليهم الكل زمان قال ان سيف مستهتر لكن انا بأكدلك انه الراجل المناسب ليكى و اهدى و بطلى عياط و اشربى كوبايه اللمون دى و هو اكيد هينزل على العشا
مى : بليز يا جينى خليه ما يزعلش منى
جينى : سيف عمره ما هيزعل منك يا عبيطه ده بيحبك
تقدمت منهم جومانا : كيفكون يا صبايا
جينى بابتسامه لاول مره فى وجه جومانا: الحمد لله كويسيين اتفضلى
اندهشت مى من اسلوب جينى لجومانا عجبا لكى يا صديقتى حتى الصباح لم تتقبليها والان تودى ان تحتضنيها
يدخل عليهم فارس: السلام عليكم
مى بلهفه : فارس امال سيف فين
فارس: بيقول مالوش نفس يتعشى
مى نظرت لجينى بحزن
انسحبت جينى من مجلسها واخذت هاتفها وضغطت ارقام سيف
سيف: ايوه يا جينى
جينى: انزل مى مضايقه اوى
سيف: لا مش هنزل و سبيها كده علشان تحس بالى هى عملته
جينى : بليز علشان خاطرى انا يا سيف البنت عماله تعيط جامد
سيف:لا يا جينى علشان تثق فيا انا هبقى جوزها ينفع ما تبقاش بتثق فيا هتبقى حياتنا جحيم الثقه اهم من الحب
جينى: لا انزل و حلوا الموضوع بتفاهم و هدوء عمر الاسلوب ده ما هيحل مشكله
سيف: حاضر هنزل بس هى مالهاش دعوه بيا ولا تيجى جمبى
جينى: انزل بقا و بطل غلاسه بقولك علشان خاطرى انا
سيف: حاضر
بالفعل قام و ارتدى ملابسه و ذهب الى المطعم و دخل عليهم تهلل وجههاا فرحا لمجرد روئيته
دخل عليهم اسلام هو الاخر و
اسلام: باركولى
الجميع ينظر الى اسلام عدا واحده
اسلام: انا هخطب جومانا باركولنا
الجميع : مبروووووووووووووك
جومانا بعد ان رفعت بصرها للحاضريين :الله يبارك فيكو
اسلام : مش هتباركيلى يا جينى
