عادت الى منزل والديها فلاول مره تجد المنزل مثل المقبره لا يوجد حياه لا يوجد صوت مظلم كئيب ظلت تنظر الى مقعد والدتها المفضل التى كانت تجلس تحتسى عليه قهوتها ذات الرائحه النفاذه ثم نزلت دمعه حاره من اعينها الخضراوتين ثم نظرت الى مكتب والدها المغلق و هنا انهارت مع احزانها و دموعها التى اذرفت كالشلاشلات اسندتها نعمات الى غرفتها التى قد اعادت الخادمات ترتيبها صعدت جينى الى الغرفه وقفت تنظر الى مضجعها و تذكرت يوم زفافها عندما قالت لها مى
مى: مالك يا جينى ؟؟؟
جينى: ابدا بس حاسه انى هرجع انام تانى فى السرير ده
و انهارت بكائا الى ان سبحت فى نوم عميق بملابسها
استيقظت فى الصباح وقامت اغتسلت شعرت بالهدوء نوعا ما و ارتدت ملابس الحداد و نزلت درجات السلم المؤدى الى الردهه و اخبرت نعمات انها ستذهب زياره لوالديها فى المقابر قادت سيارتها الى ان وصلت الى اشهر محلات الورود و اشترت باقتان كبيرتان من الزهور و قادت سيارتها الى ان وصلت الى مقابرهم و قرات لهم الفاتحه و وضعت بعض الظهور و رشت المياه البارده و غادرت تلك المكان هدئت و ارتاحت و تطمئنت بنسبه كبيره
اصبح لا ينغز قلبها سوى فراق الحبيب مسكت بهاتفها النقال و ضغطت بعض الارقام الدوليه الى ان اتاها صوت احبته دوما
اسلام: جينى وحشتينى جداا
جينى : انت فين كل الناس سابتنى وبعدت عنى ما بقاش ليا غيرك انا محتجالك وشرعت فى بكائها
مما جعله يقلق عليها بشده
اسلام: جينى اهدى و انا فى اقرب وقت هتلاقينى عندك بس انا فى يومين امتحانات
جينى : لا يا حبيبى خلى بالك من نفسك و من دراستك انت بس كنت واحشنى و كنت عايزه اطمن عليك
اسلام: طيب و فارس عامل ايه معاكى ؟؟
جينى بحزن يكاد يمزق قلبها : طلقنى يا اسلام
اسلام : نعم طلقك ازاى يعنى ايه الكلام الفارغ ده
جينى : لا ولا فارغ ولا حاجه طلقنى
اسلام : مش فاهم
جينى : هتصدقنى لو قلتلك و انا كمان مش قادره افهم لحد دلوقتى
اسلام : شيدى حيلك انتى قويه انتى اقوى من اى حد فينا هتعدى المحنه دى
جينى : ادعيلى يا اسلام مابقاش ليا غيرك كل الناس بعدت عنى
اسلام : وحدى الله و انا قريب جدا هجيلك
جينى : ماشى يا حبيبى خود بالك من نفسك
اسلام: لا اله الا الله
جينى : محمد رسول الله
اغلقت معه
عادت الى منزلها وهى فى حال احسن مما كانت فيه قبل الخروج
عندما راتها نعمات احتضنتها بقوه
نعمات : حبيبتى يالا نتغدى بقا
جينى : لا ماليش نفس
نعمات : لا هتاكلى انتى عايزه بابا وماما يزعلو منك
جينى انصاعت لكلمات نعمات و كأنها طفله صغيره و بالفعل جلست تاكل بعض اللقيمات الصغيره
نعمات و هى تجلس معها على الطعام : جينى عايزاكى فى موضوع مهم
جينى باهتمام : اؤمرى يا داده
نعمات : شغل ابوكى اللى انتى سيباه ده ما ينفعش المال السايب بيعلم السرقه
جينى : يعنى اعمل ايه
نعمات : يعنى تنزلى شغل ابوكى وتتابعيه و تديره الراجل الله يرحمه تعب جدا فيه تيجى انتى هتدمرى و هتسيبى كل اللى بناه فى سنين ده يضيع هدر يبقى حرام عليكى
هزت راسها بعدم اقتناع نظرا انها لا تعلم عمل والدها كيف يدار
لكنها فضلت الاتصال بالاستاذ على المحامى فهو الذى سيساعدها فى كل هذه الامور حتى تقسيم الميراث على اعمامها
جينى: الو عمو على
على : ايوه مين معايا
جينى : انا جينى يا عمو
على : اهلا اهلا جينى البقاء لله
جينى : البقاء و الدوام لله وحده
على : انا كنت على طول بطمن عليكى وانتى فى المستشفى الحمد لله على قومتك بالسلامه يا بنتى
جينى : ربنا يخليك انا بس كنت عايزه اقابل حضرتك على شان فى شويه امور كنت حابه انهيها
على : تمام انا هجيب كل المستندات ووصيه والدك و هاجيلك النهارده بعد المغرب لو يناسبك
جينى : اهلا وسهلا بحضرتك
ثم اغلقت الهاتف معه
جينى : داده استاذ على المحامى جاى بعد المغرب جهزوا نفسكوا و ياريت لو تخلى البنات تبقى مقيمه هنا بدل ما نبقى انا و انتى لوحدنا فى البيت هنا
نعمات : خلاص هقولهم و ان شاء الله خير
بالفعل مر اليوم فى هدوء فجينى حالتها استقرت لكنها لا تخلو من الحزن الدفين بقلبها
نذهب اليه فهو يجلس فى غرفته بعد ما سمعه يسم البدن من والديه و اخيه الاصغر فكيف لهم ان يتحكموا بحياتى بمثل هذا الاسلوب انا المتحكم هذا الشئ لم يخص احدا سوى يكفى انهم من عرضوا على التزوج منها
ثم يرد عليه ضميره : لا انت اللى كنت بتحبها ماحدش قالك اجوزها غصب عنك قول انك مش اد المسئوليه و اخدت البنت و بعد ما حبيتك رميتها كل ذمبها انها حبت واحد مالوش عزيز ولا غالى انت خسرت خسرت كتير اوى
اسكت صوت ضميره بصعوبه و قرر ان تسير حياته باسلوبه المعتاد فى منزل اهله لانه لم يريد الذهاب الى شقته كى لا يرى جينى امام اعينه
جاء الموعد المحدد للقاء جينى باستاذ على
جينى : اهلا وسهلا اتفضل فى الصالون
على : بوصى يا جينى يا بنتى انا عايز افهمك ان ابوكى الله يرحمه كتبلك كل املاكه بيع و شراء
جينى مصدومه : ليه بابا يعمل كده
على : لان والدك كان خايف من عمك عادل و عارف المشاكل اللى هيعملهالك بعد وفاته
جينى ببكاء هادئ: يا حبيبى يا بابا الله يرحمك
على : و بكده انتى بقيتى صاحبه مجوعه آل فخر
وكل حسابات البنوك هتتحول باسمك بس انا عايز توكيل منك بحيث انى اقدر انقلك كل ممتلكاتك
جينى : بس انا مش اد المسئوليه دى
على : انا معاكى وكل طاقم الشركات ورؤسائهم معاكى و كل اللى انتى عايزه تعرفيه هتعرفيه
جينى : على بركه الله كمان عشر ايام هنزل الشغل بعد الاربعين ان شاءالله
على : و انا هتلاقينى مستنيكى ان شاء الله
