بعدما انهت مهاتفاتها لوالدتها اتجهت نحو زوجها الذى يجلس ليشاهد التلفاز
جينى : فوفى بابى و مامى بيسلموا عليك
فارس: الله يسلمهم
نذهب الى مكان اخر
يجلس وسط رفقائه ساكت هائم فالكل ينظر له
معتز : مالك يا سيف انت بقيت كئيب ليه
سيف افاق من شروده : ايه بتقول يا ميزو
معتز : انت خليت فيها ميزو فكها بقا
سيف: تمام انا عايز اروح اصلا يالا سلام
معتز : اشرب يا ابنى قهوتك وامشى
سيف: لا ماليش نفس
معتز : سيف اوعى تنسى فرحى الخميس الجاى
بعد ما كان اتجهه خطوتيين فى اتجاه باب الخروج من المقهى
عاد له و اسارير وجهه تهللت فرحا
معتز : سبحان مغير الاحوال مالك
سيف: انت بتقول فرحك امتى
معتز : الخميس الجاى يا سيف
سيف: تعالت الضحكه على وجهه و ربط على كتف صديقه
و جلس بجانبه سيف: هاتلى بقا واحد رد بول على حسابك
معتز: ابو نتانتك يا اخى
سيف: اه ده انا فرحان بقا صاحبى هيجوز
معتز : عقبالك انت كمان تحصلنى انا و اخوك
سيف: ربنا يسمع منك يا اخويا
معتز : يبقى زى ما انا خمنت سيف واقع لشوشته
سيف: اه والله يا معتز بس هى مش بتحس بت الايه
معتز: صاحبه ولاء و جينى صح
سيف: عرفت منين
معتز : انت ما شفتش نفسك وانت بتبصلها شذرا فى الفرح
ده انا يتهيالى البت خافت منك دى طلعت جرت من غير ما تقول بعد اذنك يا معتز
سيف: اعمل ايه والله بحبها اوى و هى كده مصدرهالى
معتز : واظن ان هى كمان بتحبك
سيف: بتقول كده ليه يعنى
معتز: يا ابنى البت لما بتحب واحد و مش معرفاه مش بتستحمل توقف فى المكان اللى هوه فيه
بتحس نفسها هتتفضح من كلامها من نظره عنيها و ده اللى حصل مع مى يومها
سيف: انت شايف كده
معتز : مافيش غير كده
سيف: اشطه انا هظبط كل حاجه
معتز ايه هتبقى خطوبتك يوم فرحى
سيف:لا مش اوى كده
معتز: اوك
قام سيف و اخذ فى يده الريد بول و هو يشربه وركب سيارته و ادار الراديو ليستمع الى كلمات
يالليل يالليل
يالليل ياعين
يالليلى ياعينى
اه يالليل
ان متثبت قدامه
لا عارف …
ولا قد كلامه
واللى بيحصللى معاه
ده محدش قده ياعينى
لما يفوت قدام عينى
انا ببقى اقول
الله الله
دايما الصدفة ممكن تغيير حاجات كتير
وصدفتى مش اى صدفه
صدفتى هى الوردة الحمره
الله على الوردة الحمره
الورد الاحمر عودو
عودو عودو
فى جكمالوا عدى حدوده
والكلمة منه بتقتلنى
واللمسة منه تعيشنى
الورد الاحمر عودو
عودو عودو
فى جكمالوا عدى حدوده
والكلمة منه بتقتلنى
واللمسة منه تعيشنى
اصله حنين حنيه
دفا صوتوا بيسحر فيا
اصله حنين حنيه
دفا صوتوا بيسحر فيا
وان جت عينو فى عينيا
بنسى العالم و ما فيه
اصله حنين حنيه
دفا صوتوا بيسحر فيا
اصله حنين حنيه
دفا صوتوا بيسحر فيا
وان جت عينو فى عينيا
بنسى العالم و ما فيه
انا كل ما فيه بيغرينى
بيغرينى بيغرينى
بصراحه طالع من عينى
لو يبعد ثانية بيوحشنى
بيوحشنى بيوحشنى
فى اجمل دنيا معيشنى
معيشنى
انا كل ما فيه بيغرينى
بيغرينى بيغرينى
بصراحه طالع من عينى
لو يبعد ثانية بيوحشنى
بيوحشنى بيوحشنى
فى اجمل دنيا معيشنى
معيشنى
اصله حنين حنيه
دفا صوتوا بيسحر فيا
وان جت عينو فى عينيا
بنسى العالم و ما فيه
اصله حنين حنيه
دفا صوتوا بيسحر فيا
وان جت عينو فى عينيا
بنسى العالم و ما فيه
ارتسمت ابتسامه كبيره على وجهه لتذكره لحبيبته و لان كلمات الاغنيه شبيهه له فهو لا يستطيع التحدث امام عيونها
وصل الى منزله و ابتسامته مرتسمه على وجهه
سيف: فيرو حبيبتى
فريده: سبحان مغير الاحوال مالك ما كنت كنت خارج بوذك شبريين
سيف: فى حد يشوفك يا قمر و يكشر
فريده : عوض عليا يارب عوض الصابريين
سيف: ماشى يا سيتى انا رايح لسولم اشوفه
فريده وهى تمسك بفنجان قهوتها: هتلاقيه اعد فى مكتبه
سيف: اوك يا موزه
ذهب الى مكتب والده
خبط على الباب و اذن له والده بالدخول
سيف: حبى انا جيت
سالم: وايه الابتسامه اللى منوره وشك دى
سيف: هو عيب ولا ايه انت و مراتك ماسكينلى على الواحده ليه
سالم: لا يا اخويا اعد عايز ايه
سيف: انا خلصت كل الشغل المطلوب منى زى ما طلبت يا باشا
سالم: تمام بكره هشيك عليه فى الشركه و هستناك تيجى لان هحتاجك فى توقيعات مهمه
سيف: اوك عندى مشوار هخلصه لفارس و هجيلك على طول
سالم: صح عامل ايه الواد ده من ساعه ما اجوز ماحدش سمع صوته ده انا مانع امك عنه بالعافيه
سيف: لا ده كلمنى و هيسافر ايطالى هو وجينى علشان الهونى مون
سالم: والنبى ما تقولش لامك انه كلمك ده انا ماسكها بالعافيه احسن هنلاقيها نطت عندهم فى البيت
سيف: لا تقلق يا باشا مش هتاخر عليك
خرج من المكتب و ذهب الى غرفته و هو فى قمه سعادته
مر هذا اليوم بسعاده على جميع ابطالنا ما عدا واحد فالغل و الكره و الحقد يتزايد بداخل قلبه
و يعتصره انه يتجرع البغض على اخيه الكبير و يتمنى له اى مكروه
نام الجميع
اشرقت شمس يوم جديد فالكل له عمله الا فارس و جينى فهم يسعدون الان بايام زواجهم الاولى
و كالعاده يعيشون فى سعادتهم الدائمه لا يشوبها ولا يعكرها اى شئ
فريد: سهير بقولك انا احتمال اسافر على الاسبوع الجاى
سهير: هتسافر فين
فريد: ممكن اكون فى امريكا
سهير: خير ليه؟؟
فريد: فى صفقه حديد برخص التراب و ان شاء الله هحاول انى اكسب المناقصه دى
سهير: و هتسافر لوحدك
فريد: انا و سالم
سهير: وايه اللى دخل سالم فى الموضوع هو مش مقاولات
فريد: افهمك سالم جاى معايا علشان لو اى حد وقفلى فيها هناك يبقى هو البديل و كده كده الحديد للمصانع بتاعتى انا
سهير: طيب يا حبيبى ربنا يوفقكم
فريد: امين يارب
على جانب اخر ذهب الى احد الشركات السياحيه
سيف: لو سمحتى كنت عايز احجز رحله عمره خلال الاسبوع ده
الفتاه تنظر له باعجاب شديد زياده عن اللزوم و تتكلم بميوعه زائده تمضغ اللبانه : اوى اوى ومين اللى مسافر
سيف: نعم ما تكلمى عدل
البت حاول ان تضبط نفسها: كام شخص
سيف باقتضاب: 2
الفتاه : عايزه جوازتهم
سيف: و عايز بعد ما تخلص العمره رحله لايطاليا وياريت لو الطياره تنزل فى روما
البنت رجعت لدلعها : اوووووه روما ياما نفسى اروحها
سيف: وانا مالى اخلصى يا انسه لو سمحتى
البنت :يووووووووه انت مالك حمبلى اوى كده يا استاذ
سيف بتعجب و اشمئزاز منها: حمبلى
سيف: كام التكلفه ؟؟
البت حسبت حسبتها و ادارت له الورقه
اخرج محفظته واخرج منها كريدت كارد و اعطاه لها
البت : اوعدنا يارب
اخذ منها بعض الاوراق و خرج يلعن و يسب فى مثل هذه النوعيه من البنات
وصل الى مكتبه فى الشركه
ابلغته دعاء السكرتيره ان والده يريده فورا
خرج من مكتبه قبل ان يهاتف فارس و يبلغه انه تم الحجز
دخل الى والده
سالم: اعد يا سيف
سيف: خير فى ايه يا بابا
سالم: الشغل كله تمام اوى و اتفضل يا سيدى ادى تقرير ان الميت الف جنيه وصلوا فى حسابك خلاص
و كمان اتفضل امضى هنا
سيف: ايه ده
سالم: انت بقيت رئيس مجلس ادراه شركه من شركاتى وبقت ملك ليك
و فى وحده زيها لاخوك و فى الشركه دى بتاعتى و بعد عمر طويل هتبقى ليكوا شرك
سيف: بابا ربنا يخليك لينا و يديك طوله العمر
سالم: يا ابنى انا عايزكوا تعتمدوا على نفسكم فارس اجوز وانت كمان عايز افرح بيك
سيف: يا بابا انت سايب لنا اللى هيكفينا و يفيض وزياده
سالم: ريحنى و امضى و اول ما اخوك يرجع من شهر العسل هيمضى و ياخد شركته
سيف: يعنى حضرتك اللى هتمسك الشركه اللى والد جينى شريك فيها
سالم: بالضبط لان دى لسه جديده و لازم تتأسس كويس وانا و عمك فريد حاطيين امل كبير فيها
و دى بعد عمر طويل انت و فارس و جينى هتبقوا ملاكها
سيف قام من مجلسه واحتضن والده : ربنا يخليك لينا يا حبيبى و ما يحرمناش منك ابدا
سالم: امشى يا واد على شغلك مش جايين ندلع
سيف وهو يبتعد ماشى يا عم الواحد قال يديك شويه حنيه لكن يالا بقا اروح اشوف شغلى احسن
بما انى بقيت صاحب شركه و رئيس مجلس ادارتها
ذهب الى مكتبه
ارسل رساله الى اخيه اخبره بان كل شئ تمام و كان مضمونها
"done ya basha"
وصلت هذه الرساله فلنقل ان صوتها قلق جينى من نومها
تململت فى فراشها و حاولت ان تيقظ فارس لكنها لم تجده بجوارها فتحت اعينها بتثاقل
وجدت باب المرحاض مفتوح فانه لم يكن بالداخل
قامت من على مضجعها بتثاقل اخذت روبها و ارتدته فوق ملابسها العاريه
و فتحت الباب و خرجت سمعت صوته يتحدث فى الهاتف
فارس : خلاص يا حبيبتى ما تقلقيش من اى حاجه وانا هجيلك
صدمت صعقت لا تتكلم ولا تتحرك شلت فى مكانها زوجها يخونها
و يقول لها حبيبتى فى الهاتف من هذه
اذرفت شلالات الدموع من اعينها
