ادم فين رجع للدار لقا باه كيتعشا بكل برودة، طلع لبيتو و تبعاتو بسمة: خويا فين كنتي خلعتينا عليك
ادم: مشيت عند ناجي، كنت محتاج نبعد شوية، مكنتش مستعد نهدر مع بابا مزال
بسمة: دبا شنو الحل؟
ادم: معرفتش، اصلا عائلة حفصة غدي يجيو بعد غدا و انا غدي نمشي نطلب ايدها من عندهم و ما كيهمنيش يمشي معايا
بسمة: خويا ما بغيتش الأمور تدوز بحال هكا، هدر معاه بالعقل و حاول تقنعو، معمرو الغوات و المخاصمة كانو حل
ادم: اصلا بابا ما كيعطينيش فرصة نهدر، ديما قرراتي بالنسبة ليه تافهين و ما عندهم قيمة، امتى غدي يقتنع بلي ماشي ولد يتحكم فحياتي كيما بغا
بسمة: و لكن اخويا نتا غدي تتهنا إلا تزوجتي بحفصة بلا علمو، و إلا علم باها بلي بابا ما موافقش على زواجكم، كتوقع يعطيك بنتو
ادم: معرفتش اختي، المهم انا نمشي ننعس عيان
بسمة: مغديش تتعشا؟
ادم: معندوش فين يدوز، تصبحي على خير
بسمة: و انت من أهل الخير
عثمان ساد على راسو البيرو و كيهدر فالتلفون: الو حسن، شنو عرفتي فين ساكنة هديك البنت؟ مزيان يلاه صيفطلي العنوان، بسلامة
الغد ليه فقت درت روتيني اليومي جمعت الدار و طيبت الغدا، بقيت جالسة حتى العشية صونا عليا ادم: الو حبيبة بغيت نتلاقا معك ضروري
انا: وخا، لاش؟
ادم: انا دبا نجي عندك للدار وجدي رأسك
انا: وخا بسلامة
قطعت معاه و مشيت عند رقية: ختي ادم بغا يهدر معايا و هو جاي دبا، شنو نلبس
رقية: لبسي شي حاجة من دكشي الي شرينا داك النهار
انا: اجي عاونيني
بقيت كنلبس و نحط بسيف باش عجباتني واحد الكسوة طويلة فيها الغوز و البيض لبست فوقها جاكيطة خفيفة ديال الدجين و صندالة بيضة
جا ادم و هبطت عندو: أوو سلام يا احلى ما شافت عيني
انا: هههه و بقا صبغ فيا، فين غدي نمشو
ادم: من بعد و تعرفي
مشينا لواحد البلاصة فيها اللعاب، ولكن دكشي كيبان كبير بزاف فيه العجلة الدوارة و الطوموبيلات و واحد القطار طويل و كبير، المهم بقينا كنلعبو، ركبنا هداك القطار و انا كنغوت نغوت و آدم كيضحك عليا ، اصلا كلشي كيغوت، ما وقف القطار حتى ولا وجهي اصفر بالخلعة، من بعد شرينا لاكلاس و غزل البنات، المهم نشطت داك النهار من بعد مشينا لواحد الكافي تقهوينا و رجعني للدار، سلمت عليه و مشا، انا يلاه بغيت نفتح باب العمارة باش ندخل و هو يوقف عليا واحد الراجل
انا: نعم أسيدي شنو حب الخاطر؟
عثمان: نتي هيا حفصة؟
انا: شكون الي كيسول
عثمان: انا الأب ديال ادم
انا: اه سي عثمان، مرحبا بيك تفضل
عثمان: فين غدي نتفضل؟ ما علينا، اجي نجلسو فديك الكافي
انا: علاش؟
عثمان: بغيت نهدر معك
انا: وخا
مشينا لكافي الي تماك و جلسنا، بقيت انا ساكتة، خدا هو قهوة و انا طلبلي عصير، صراحة حشمت نهدر معاه، شوية هدر هو: احم احم، كيما سمعت نتي هي البنت الي كيبغي ولدي، و سمعت بلي هو طلبك للزواج قدام مئات الناس فالمعرض، و هدشي كامل انا آخر من يعلم بيه
انا غير حادرة راسي و ساكتة
عثمان: المهم بلاما نطول عليك، انا ما قابلش هاد الزواج
هنا انا تصدمت و هزيت راسي
عثمان: نتي ماشي من مستوانا ابنتي و انا مبغيتش نتناسب مع شي عائلة ما معروفاش
انا: سمحلي اسيدي، تقدر عائلتي تكون ماشي كيما متوقع، و لكن هدشي مكيعنيش أننا ما مزيانيش، حنا ناس بسطاء و لكن محترمين
عثمان: أنا مكيهمنيش تكونو محترمين و لا لا، نتي ما مناسباش لولدي، و هو مزال صغير و طائش و خاصو الي يوعيه و يفهمو، و إلا كان على حساب الفلوس انا مستعد نعطيك الي بغيتي
انا(بصدمة) انا ماشي كلبة فلوس، و ما كنبيعش راسي، ولدك هو الي ختارني ماشي انا الي تابعاه
عثمان: اكيد غدي تكوني سحرتيه بجمالك و الهدرة الحلوة، و الحداكة و الأدب قدامو، انا كنعرف اشكالك تابعين غير الفلوس و المظاهر، و باينة عائلتك معاوناك على فعايلك حتى طيحتو ولدي
انا: حتى لدبا كنت محتارمك و لكن نتا مخليتي ليا حتى حاجة نحترمك عليها، عايرني انا و لكن عائلتي لا
عثمان: بلاما ديري ليا فيها عزة نفسي و قولي شحال بغيتي
انا (معقلتش حتى طاحو دموع من عينيا) انا... نتا واش هداك الي عندك قلب و لا حجر، لاش هاد الإهانة كاملة، شفت ولدك ربح بيه و مشيت و خليتو اهئ اهئ اهئ الله ينعل بو الحب و واش يجي منو شداني انا لشي تخربيق كنت عايشة حياتي بكرامة و حتى واحد ما حل عليا فمو، براكة عليا من الإهانات الي خديت من هاد الحب اهئ اهئ
الغد ليه فقت و وجهي ورم من البكا، فقت و انا مقررة مع رأسي اني نتفارق مع حب حياتي، الشخص الوحيد الي بغيتو، و لكن انا مغديش نبقا نتلقا الأهانات و الاحتقار من الناس، اللهم نخلي عليا هدشي لأنو مستحيل نتهنا فحياتي، توضيت صليت و دعيت لربي يدير ليا الي فيه الخير، وجدت الفطور فطرت و مشا إبراهيم لخدمتو، انا حاولت نبين بلي ما وقع والو باش ما تشك رقية و تسولني، حيت إلا عاودت ليها غدي تمنعني، خملت الدار كاملة حيت غدا جايين عائلتي، ما ساليت حتى شي 2، طيبت الغدا و جلسنا نتغداو، ادم بطبيعة الحال كيصوني عليا و لكن انا كنتحجج بشي حاجة باش ما نهدر معاه، رقية: شتك غير كتهربي من ادم، مالكم ياك ما تخاصمتو عاود؟
انا: لا غير ما مسالياش و صافي
رقية: يلاه نمشو للسوق نتقداو دكشي الي خاص
مشينا للسوق و تقدينا و رجعنا للدار، اليوم كامل مهدرتش مع ادم نهائيا وخا هدشي كيقتلني ولكن كرامتي فوق كلشي
الغد ليه دوزتو انا و رقية فالتوجاد، وصلت 4 و هو يمشي إبراهيم يجيب با و مي و البنات، جاو استقبلانهم و جلسنا كنهدرو و نضحكو كيف أي عائلة
با: ايوا حفصة ولفتي كازا؟
انا: اه شوية
مي: و خاصها تولف، راه شهرين و نص
سكينة: با واش نقدرو ندورو هاد العشية
مي: بسم الله عليكم جينا بعدا
خديجة: كازا كتبان زوينة بزاف و كبيرة
رقية: اه زوينة و حتى البحر كيحمق
إبراهيم: غدا انشاءالله نخرجكم و ندورو
مي: مسكين ادم تفكرت بلي ساكن هنا و قالنا إلا جيتو هنا عيطولي، واش عمركم تلاقيتوه
رقية: اه تلاقيناه و جا عندنا شحال من مرة
با: بصح؟ شوفو الصدفة سبحان الله، الدنيا صغيرة
رقية: مسكين تهلا فينا و ديما كيخرجنا
ابراهيم: اه الله يعمرها دار
رقية: مي بغينا انا و حفصة نهدرو معك
انا نغزت رقية: لا مي ماشي دبا بلاتي حتى ترتاحي
مي: فاش بغيتو تهدرو معايا؟
حفصة: ماشي شي حاجة مهمة، رقية اجي معايا للكوزينة
مشينا انا و رقية للكوزينة: مالك زربانة باش تعاودي ليها،بلاتي حتى نشوف ادم شنو غدي يقول
رقية: وراه هدر معك على الخطبة و قالك قريب
انا: ماشي دبا بلاتي ما تقوليلهم والو
رقية: وخا
