انا: الو ادم؟ نتا التحت
ادم: وي كنتسناكم التحت
انا: وخا ها حنا جايين، رقية راه ادم جا
رقية: يلاه(خرجت رقية لابسة جلابة و شال
انا: زوينة جلابتك
رقية: شراها ليا إبراهيم فين جينا هنا
خرجنا لعند ادم الي كان فكامل أناقتو، وقفنا حداه والسيد كاع ما فهاد العالم: هيهو ها حنا جينا
ادم: ههه واش هدي حفصة و رقية
رقية: علاش ما عرفتناش؟
ادم: والله إلا ما عرفتكم
انا: أو لهاد الدرجة حنا تبدلنا هههه
رقية: ههه ولينا فشكل
ادم: بالعكس جيتو كتحمقو
رقية: شكرا، يلاه مشينا؟
ادم: اييه دبا، فتح لينا الباب و رقية دحاتني نجلس حداه
انا: لا غير خليني معاك
رقية(نغزتني) ههه لا حشومة جلسي حدا سي آدم، ردتيه شيفور عندنا
ادم: اه ركبي حدايا
انا: وخا، ركبنا الطوموبيل و ديمارا ادم: ايوا هي البحر؟
رقية: غير البحر
وصلنا للبحر الي معمري شفتو، واو كبير وزين، بقينا كندورو فالكورنيش و انا غير كنتفرج، هلي الي لابسة دو بياس هلي شاد فايد صاحبتو و يتباوسو، انا حشمت بلاصتهم، واحد الشوية و هي تقول رقية: اه عييت، انا غدي نجلس هنا ونتوما غير كملو
ادم: لا متجلسيش هنا، جلسي فالكافي طلبي الي بغيتي، وانا و حفصة نلحقو عليك
رقية: وخا، حتى هذا نظر
انا: و لا نجلسو كاملين هنا، منقدرش نخليك بوحدك
رقية: لا اختي نتي ما معمرك جيتي هنا، سيري دوري و غمزاتني
ادم: ختك عندها الحق، يلاه
انا: وخا، كملنا انا و آدم دوران ، بقينا كنتمشاو و ساكتين شوية كسر ادم الصمت: كي جاتك كازا؟
انا: صراحة من نهار جيت هنا ما درتش فيها
ادم: تبغي ندورك فيها شي نهار؟
انا: معرفتش
ادم: طبعا إلا مكان عندك مشكل
انا: ايوا نشوف، المهم كملت الكتاب؟
ادم: اه من شحال هادي
انا: ايوا شنو عنوانو؟
ادم: عرفتي غدي نشري ليك غزل البنات غدي يعجبك
انا: شناهوا هاد غزل البنات؟🤔
ادم: واحد الحلوة زوينة خاصة بالبنات
انا: بلاما تعدب رأسك
ادم: لا بالعكس، وقفنا عند واحد كيبيع غزل البنات خدا ليا وحدة، و كملنا الطريق
انا: اممم بنينة
ادم: بصحتك، شفتك لابسة السلسلة الي عطيت ليك
انا: اه عجباتني بزاف
ادم: مزيان، جا معك العصري
انا: بصح؟ هي البلدي مجاش معايا
ادم: لا ماشي هكاك، نتي كلشي كيجي معك
انا حشمت: يلاه نرجعو
ادم: خلينا شوية مزال الحال
انا: خلينا رقية بوحدها و هي مريضة
ادم: مالها؟
انا: غدي نقولك و لكن تبقا بيناتنا
ادم: وعد
انا: ههه رقية حاملة
ادم: وايلي كيفاش دارو ليها
انا حشمت اكتر
ادم (عاق براسو): زعمة مبروك عليهم
انا: الله يبارك فيك
ادم: ايوا إلا كان هكاك يلاه نرجعو عندها
رجعنا عند رقية لقيناها طالبة باناتشي و حلوة و كتخشي فوجها: ههه جيتو سمحولي ولكن تشهيت نأكل الحلوة
ادم: وايلي على سمحولي، بصحتك و زيدك وحدة اخرى، ما تقوليش هكاك
رقية: ربي يخليك
ادم: ونتي الالة حفصة شنو بغيتي
انا: والو شكرا
ادم: قولي شنو بغيتي ما تحشميش
انا: وخا، بغيت عصير الليمون
ادم: اوك مروان!!
مروان: وي مسيو ادم
ادم: واحد عصير الليمون و كافي نواغ
مروان: وخا مرحبا بيكم
ادم: شكرا
بقينا جالسين كنهدرو وصلت هديك 12:30 هي تقول رقية: حفصة يلاه نمشو
ادم: بلاتي تتغداو
رقية: لا خاصنا نرجعو، حيت إبراهيم جاي للغدا
ادم: وخا الي بغيتو، يلاه نوصلكم
وصلنا ادم للدار، سلمنا عليه و دخلنا، بدلت لباسي طيبت الغدا و جلست نتفرج حدا رقية: ايوا شنو قاليك ادم؟
عاودتلها شنو قال و قاتلي: شتي باينة ادم كيبغيك، خاصنا نبقاو نخرجو بحال هكا ولكن المشكلة مع إبراهيم كيجي العشية
انا: اختي واش بغيتي تخرجيني على الطريق
رقية: واش تسطيتي، علاش كنديرو شي حاجة خايبة، راه غير خرجنا درنا و صافي
انا: لا مجاتش نبقى نخرج معاه هكاك
رقية: ايوا شنو؟
انا: إيلا كان هو باغيني غدي يقلب عليا ماشي انا الي نبقى تابعاه
رقية: وعلاش قتليك تبعيه، راه ادم فشكل آخر ماشي بحال الرجال التانيين، ما باغيش يحرجك و يتبعك بحال هدوك المراض الي يندموك على الحب و ما يجي وراه، بغاك نتي تكوني باغية تلقاي بيه، يعني مخليك على خاطرك و عاطيك مساحة
انا: ههه وليتي محللة تبارك الله
رقية: وراه تعاشرت مع راجل شهرين، و وليت كنعرف لهدشي
انا: زعمة هو بغاني ولكن فنفس الوقت مبغاش يضغط عليا
رقية: اه تلقايه مسكين غدي يطرطق باش يشوفك مرة أخرى
انا: ههه صراحة كل مرة كيزيد إعجابي فيه كنحاول نقلبو ليه على شي عيوب و لكن والو
رقية: انا بغيتو ليك اختي و غدي نقاتل باش تتاحدو بجوج و نحضر لعرسكم انشاءالله
انا: مكرهتش اختي
نرجعو عند ادم الي جالس فالبيرو ديالو و ساهي: أوف مكرهتش نبقا نتلاقا بيك يوميا احفصة و لكن نخليك على راحتك، كنبغيك
احياتي ، شوية دق عليه الباب
ادم: دخل
هبة: هاي بيبي
ادم: هبة سلام
هبة (باستو فخدو) توحشتك بزاف
ادم: هبة عفاك متبقايش تعاوديها
هبة: وشنو فيها، عادي
ادم: ما علينا، مالك جيتي؟
هبة: انا كنعرف الناس كتقول جلسي شنو تشربي؟
ادم: وخا الالة جلسي، شنو تشربي
هبة: انا جيت غير نقولك يلاه نتغداو فشي بلاصة، على حسابي
ادم: dzl و لكن عندي خدمة ضرورية
هبة: ادم وليتي كتهرب مني بزاف، فينما كنقولك يلاه نخرجو كتقولي مشغول، كاع مبقيتش عاطينا وقت، حنا زعمة صحابك و عشرة عمر يا حسرة
ادم: أوف أهبة راه ما مساليش عندي بزاف ما نقضي والله خليها غير مرة
هبة: أوف منك اادم، خرجت و ضربت الباب بجهد شوية كانت غدي تحيدو
