با: مرحبا السي ادم، دخل الدار دارك
ادم: شكرا سي التهامي
دخل هداك ادم مع با للبيت، شوية هو يعيط با على مي و مشات عندهم، هدشي تحت انظاري، أما خواتي كاع ما فهاد العالم، حالين فمهم فالتلفزة، و انا بقيت كنتسنط عليهم
مي: شكون هاد الولد اسي التهامي
با: هدا كاتب قالك بغا يتعرف على حياة العروبية، ولكن ما لقا فين يجلس، و قلتلو انا يجلس معانا، و نعطوه البيت الي على برا يجلس فيه حتى يكمل شغلو
مي: ايه مرحبا بضيف الله
با: ايوا نوضي عمري لينا كأس ديال اتاي
ادم: لا بلا ما تعذبو رأسكم
مي: لاواه أولدي مكاين لا عداب لا والو
أو واش هدا المتعجرف غدي يجلس عندنا، و كاتب من الفوق ههه سبحان الله
خرجت مي و لقاتني ساهية كنضحك بوحدي: ههه تي مالك ضحكي بوحدك كي المسطية
انا: ههه غير تفكرت شي حاجة، شكون هاد السيد؟
مي: هادا واحد الكاتب مشهور قالك بغا يكتب على الحياة هنا و غدي يجلس معانا
انا: اويلي امي واش تسطيتو، غدي دخلو غريب معارفين عليه والو
مي: لا بنتي متقوليش هكاك، من امتى حنا كنجرو على ضيافنا، حيدي من طريقي نمشي نشوف شنو نحط للسيد، فين خواتك؟
انا: راه جالسين كيتفرجو
مي: عيطي عليهم
مشيت عيطت للبنات و مشينا للكوزينة
رقية: نعام امي؟
مي: جا عندنا ضيف و غدي يجلس فالبيت الي على برا، خديجة نتي و فاطمة الزهراء و حفصة غدي تخملو البيت و تفرشوه ونتي ارقية غدي تعاونيني فالعشا
مشينا على سعدنا و وعدنا لهديك الزريبة و بقينا كنخملو فيها، ناري شحال مغبرة و مسخة: أوف يا ربي ديما تمارة، و هداك كاع مكنعرفوه و جايبينو هنا
خديجة: انا كاع مشتو كيداير؟
فاطمة الزهراء: حتى انا واش شفتيه احفصة؟
انا: اه
فاطمة الزهراء : و صفيه لينا كيداير؟
انا: فاطمة الزهراء هدشي ماشي وقتو، خلينا نكملو شغلنا
كملنا التخمال و فرشنا هداك البيت، ولا كيشعل بالنقا و رجعنا للدار لقينا مي و رقية مضاربين مع العشا، عاونهم و دخلت سكينة كتعطيهم يغسلو، غير خرجت و هي تجي عندنا كتلهث و تحنقز
سكينة: البنات البنات
خديجة: مالك؟ بسم الله عليك
سكينة: ناري اختي غير سكتي، شتي هداك الضيف
خديجة و فاطمة الزهراء : مالو؟!!
سكينة: كيهبل 😍
انا: شوفو شوفو على البرهوشة
خديجة: كيداير قولي
سكينة: انا أعجز عن وصفه يا اختي العزيزة لذا أنصحك أن تشاهدي بنفسك
فاطمة الزهراء : يلاه نمشو نطلو عليه
انا: اويلي والا شافكم با
خديجة: متخافيش غير يلاه
مشينا كنطلو عليهم والبنات بغاو يهترو
انا: اويلي استغفرو ربكم
فاطمة الزهراء : ناري شدوني غدي نسخف، هاد الخير قليل فين كنشوفوه
انا: كاع مزين بزاف 😒
فاطمة الزهراء : تي سيري قالك، عمرك شفتو بحالو ولا احسن
انا: موجودين 🙄
مي: نتوما شكديرو هنا
خديجة (بتوتر) اه امم اه غير كنا
مي: كنتو كتشوفو فيه ياك، ههه عاذراكم
انا: اممم لالة حانا مبقيتيش سويهلة حتى نتي
مي: تي حشمي اهديك البنت، ووحدة فيكم تدخل تجمع الطبلة
خديجة: انا ندخل
فاطمة الزهراء : لا انا
مي: حتى واحدة فيكم، حفصة هي الي غدي تدخل تجمعها
انا: انا؟
مي: اه نتي، يلاه طلقي رأسك
ناري كيغندير حتى ندخل أوف معرفت مالي حشمانة
دخلت جمعت الطبلة و آدم غير كيشوف فيا بنص عين، با: بنتي سلمي على الضيف حشومة
انا: السلام عليكم، ك ك ك كيداير لاباس
ادم: لابأس الحمدلله ربي يخليك
با: هدي بنتي حفصة هي المتوسطة فبناتي
ادم: مشرفين 😊
انا: مرحبا بيك
خرجت من عندهم و ديت الماعن غسلتهم انا و فاطمة الزهراء، و دخلت ننعس و خليتهم هما شادين النميمة فيه
مشا ادم للبيت الي غدي يجلس فيه هو و التهامي: ايوا قبل علينا أولدي، هدشي الي عطا الله
ادم: بالعكس، انا هو الي قبلو عليا و سمحولي على هاد الدخلة
التهامي: لاواه أولدي مرحبا بيك
ادم: الله يخليك
التهامي: ايوا نخليك تنعس، إلا حتاجيتي شي حاجة عيطلي، راه نقدر نسمعك، و غدا انشاءالله انا كنمشي نحرث إلا بغيت تمشي معايا نفيقك و الا مبغيت، الدار دارك
ادم: شكرا بزاف، انشاءالله غدا نمشي معاك
التهامي: ايوا يلاه تصبح على غير أولدي
ادم: ونتا من اهله
مشا التهامي و آدم نعس و بقا كيفكر فحفصة: ههه صدقتي نتي بنت سي التهامي؛ و صدفة هدي...كتبان زوينة على اليوم الصباحصبح الصباح فقت صليت و خرجت نصاوب الفطور، عجنت الخبز و بديت نطيب فيه شوية هو يبان ليا هداك واقف حدايا و كيشوف و يكتب: ايه اسي شنو كدير هنا؟
ادم: والو غير كنشوف شنو كديري
انا: اويلي على نشوفك شنو كديري، كنطيب الخبز مكنصنعش فالصواريخ
ادم: و دكشي علاش بغيت نشوف، ممكن تقوليلي بحالاش كدوزي النهار؟
انا: كندوزو بحالي بحال كاع الناس
ادم: اه ممكن تقوليلي شكديري بالتفصيل فين كتفيقي؟
انا: واش بنتليك غير انا فهاد الصباح؟
ادم: ختي حفصة، انا كنحاول نألف كتاب على حياة ناس العروبية، و بغيت نعرف شنو كيديرو فحياتهم اليومية، و نتي وحدة منهم و بغيت نعرف بحالاش كتبداي نهارك
انا: انا دبا ما مسلياش، سير سول حد آخر
ادم: اوك حتى تسالي و نهدرو بسلامة
ادم كيهدر مع راسو: اه شحال قبيحة، مالها على هاد العصبية كاملة
انا: قالك بغا يعرف شنو كندير ههه زوينة هادي، نوض نعمر اتاي
وجدت الفطور و حطيتو، و جلسنا كناكلو و السيد ادم جالس كيفرنس بوحدو، هبيل صافي، مي: ايوا أولدي، شنو قلت سميتك عوتاني؟ راه مقدراتش تحفظ ليا
ادم: سميتي ادم اخالتي
مي: اه ادم، على سيدنا آدم عليه السلام، نعست البارح مزيان
ادم: اه صراحة هنا الواحد كيرتاح، و الجو زوين بزاف
با: اييه اولدي، أما المدينة التسليم، مشيت ليها واحد النهار و محملتهاش جاتني الغمة
ادم: نتوما وقيلة عمركم خطيتو هنا
انا: و علاش غدي نخطاوه، هنا احسن من هديك المدينة الي عاجباكم
مي: تي سكتي
ادم: باينة غدي يعجبني الحال هنا و غمزني 😉
انا(الدغمة الي كانت ففمي وحلات) كح كح كح
خديجة كضرب فظهري: بسم الله الرحمن الرحيم
با: عطوها الما
مي: بسم الله عليك ابنتي، اشوقع ليك
سكينة: غير الدغمة وحلات ليها
مي: تي نوضي لقرايتك، يلاه توصلي
سكينة: وخا، بلاتي نبدل لباسي
مشا با هو و داك المغرور الحقل و سكينة للقراية، و حنا فرقنا المهام كالعادة
كملت شغلي و جلست: ناري واش هداك غمزني ولا انا كنتخيل، لاش غمزني يا ربي لاش، اصلا ولاد المدينة باسلين و ما كيحشمو
