يلاه بغيت نبدا نقرأ و هي تعيط ليا مي: حفصة اجي حادة بغاتك
انا: سلام، مالك جيتي؟
حادة: جيت نشوفك، شتك كتجري عليا، ولا خايفاني نشوف هداك الولد الزوين
انا: ههه و الله إيلا هبيلة
حادة: ياك لمك كاع ما قلتيلي جا عندكم، حتى شفتو خارج مع عمي التهامي
انا: واش بغيتيني نجيك فالليل و نقولك راه ادم جا عندنا اجي تشوفيه
حادة: سميتو ادم؟😍
انا: ههه اه
حادة: الله الله على ادم، حتى سميتو زوينة
انا: و ناري كلشي هتر عليه
حادة: ختي راه عندنا الحق، حتى نتي سهيتي فيه داك النهار
انا: داك النهار، أما دبا لا
حادة: وعلاش؟
انا: وراه قلت ليك مغرور و عاجبو رأسو
حادة: بالعكس كيبان ظريف
انا: و نتي فين عرفتيه؟
حادة: وراه كتبان فيه، معرفتش إحساس
انا: سيري ابنتي ديها فشغلك خليني ندخل
حادة: هه واخا بسلامة
وجد الغدا و مشيت ديتو لعند با، وصلت عندهم و هو يبان ليا هداك ادم لابس غير سوفيتمة و كيعاون با
با: بنتي، جبتي الغدا؟ متنا بجوع، ادم حط دكشي أولدي و اجي تأكل
ادم: وخا، بلاتي نغسل أيدي
حطيت ليهم الغدا و رجعت للدار، مدام كاين سي آدم يعني بلاش ما نبقا انا
تغدينا جمعنا الدار و جلسو البنات كيهدرو كيما العادة و انا كنقرا فالكتاب
رقية: هه وخا مخصني نقول هاد الهدرة و لكن ادم زوين و ظريف
خديجة (تنهدت) اه اقلبي، شحال كيحمق
انا: ويلي حتا نتوما عيقتو، واش مكاين فاش تهدرو غير فيه
خديجة: هاد الساعة كاين غير ادم و الي معجبو الحال لا يسمع
فاطمة الزهراء : باغا غير نعرف مالك كتقرصي فين كنذكرو سميتو؟ واش قالك شي حاجة؟
انا: اصلا ما يتجرأش يقولي شي حاجة
سكينة: وانا برهوشة و تزعطت فيه فما بالك بحفصة، غير ما بغاتش تبين
انا: و باز ليك نوض ديها فقرايتك، الطفولة ضاعت يا حرام
مشيت انا لبيت آخر، سديت عليا و جلست كنقرا، واحد الشوية عيطو ليا ندير كسكروط
فالليل جا با و سي آدم الي لاصق فيه،
با: بنتي حفصة الله يرضي عليك، سخني لينا الما باش ندوشو
انا: وخا أبا
سخنت الما و حطيتو فالدوش و رجعت نعاونهم فالعشا، من بعد ما سالينا حطينا العشا و جلسنا كنتعشاو، با: سي آدم تبارك الله عليه، اليوم عاوني فالحرث
مي: بصح؟ علاش عمرك حرثي اولدي؟
ادم: لا هدي اول مرة
با: هو فالأول معرفش كيفاش، و لكن من بعد ما تعلم، تبارك الله عقلو خفيف
مي: تبارك الله، كل أولدي مال ماكلتك قليلة
ادم: لا هنا كناكل
مي: ياك معجبكش الطاجين، راه مصاوباه حفصة
ادم: لا بالعكس بنين
اويلي فين صاوبتو، ههه و خديجة غير كتحلف فيا تقول انا الي هدرت
سالينا العشا جمعنا الطبلة و غسلنا الماعن،
مي: بنتي حفصة، هاكي دي الما لآدم
انا: علاش هو فين؟
مي: فبيتو
انا: وخا، اري
دق دق، ادم: وي دخل
انا: سي آدم هادي انا حفصة، هاك الما
ادم: حفصة غير دخلي
انا: لا خرج نتا
ادم: ههه متخافيش انا ما كنعض
انا: صافي انا نحطو هنا، جي خودو
ادم: صافي هاني جاي، امتى غدي تعاودلي على حياتك اليومية
انا: أودي راه عادية و مملة، ما فيها ما يتعاود، و لا بغيتي تعرف كيفاش سير عند خديجة تقولك، انا و هي اصلا كنديرو نفس الشغل كل نهار
ادم: انا بغيت نعرفها منك نتي
انا توترت : اااه...تصبح على خير
ادم: ونتي من اهلو
اويلي هدا مالو؟ والله إلا مسطي، نمشي انا ننعس، خديجة: شنو قالك؟
انا: اييه بسم الله الرحمن الرحيم
خديجة: مالك شفتي جن؟
انا: وختي فين خرجتي ليا نتي؟
خديجة: ههه كنت غير هنا كندور، ايوا عاودي ليا شكنتو كتقولو نتي وآدم
انا: اويلي على شكنا كنقولو، ديت ليه الما و جيت فحالي، شبغيتني نقول
خديجة: صافي غير ضحكت معاك، زيدي خلينا ندخلو للدار
ادم متكي ففراشو و كيكتب، شوية تفكر حفصة: ههه شحال عنيدة هاد البنت، ولكن جاي معاها، كيصحابها غدي تفقصني بعنادها، ههه، خاصها تعرف بلي انا أعند منها، و ما كنفوت الحاجة حتى ناخدها
صبح الصباح فقت، صليت و خرجت نشوف هدوك شكيديرو،لقيت با جالس كيتسنا فالفطور و فاطمة الزهراء كتوجد فيه: صباح الخير ابا، فين هي مي؟
مي: هانا جيت، مالك؟
انا: والو غير سولت عليك
وجد الفطور و جلسنا كنفطرو، خديجة: با كاع متسنينا سي آدم، مزال ناعس
با: البارح خدم بزاف، قلت مع رأسي خليه ينعس و يرتاح ليه، و المشكلة الولد إلا مشا معايا غدي يبغي يعاوني وانا مبغيتش نعدبو
مي: اه فالأخر كيبقى ضيف، غير خليه يرتاح
كملنا فطورنا، مشا با و حنا نتفرقو لشغالنا، وهي تجي فبالي فكرة خطيرة هه تبا كم انا شريرة
