ضمادة للروح

١٨

في اليوم التاني ضرب لمحجوب ......
يوسف : السلام عليكم
محجوب : مين معاي
يوسف : معاك يوسف المبارك
محجوب: أووو ابو نسب .....كيفك وكيف بتنا
يوسف: الحمدلله ......ضرب لي المحامي بخصوص عقود عايزه توثيق
محجوب: أي أي ياولدي انا مجهجه في الشغل .... وماقادر أورد الطلبيات
يوسف : طيب احنا صعب نجي لكن تالين حتعمل توكيل لمحامي الشركه يجي من بكره يخلص الموضوع دا
محجوب : تكون ماقصرت
يوسف: كان في حاجات تالين نستها عندكم ياريت تبعتها مع المحامي
محجوب : حاجات شنو
يوسف : جوازها واوراقها الشخصيه شكلك نسيت تسلمني ليهم قبل مانمشي
محجوب : اي والله ياولدي مع الوداع نسيت خالص .
رجع لتالين .......اخدها الشركه عملت التوكيل للمحامي ......وسافر بس يوسف وصاه مايعمل حاجه قبل مايستلم جوازها واورقها منو ....وفعلا بعد يومين رجع المحامي وجاب معاه الحاجات........

بعدها مشو السفارة البريطانيه عشان في اجراءات لازم تتعمل ......الموظف كان بسألها ...هل انتي موافقه تقعدي في السودان وتواصلي تعليمك هنا ولا عايزه ترجعي ..... كان ممكن بكلمه واحده تنهي كل حاجه .....بس هي قالت للموظف انا قاعده مع زوجها وحابه تكمل تعليمها هنا ..... يوسف انبسط من كلمتها شديد وقال ليها ما حخيب املك ابدا زي ما وثقتي فيني .....

بعد اسبوع رجع البيت بدري ودي ما عوايدو خالص ...... كانت في الصاله بتتفرج فيلم .... جاب اوراق وقال ليها اتفضلي ...
تالين : اوراق شنو
يوسف : اوراق قبولك للجامعه
نطت من الفرحه وحضتنو من دون ماتشعر ..... لما حست بنفسها زحت طوالي .... وقالت ليو ...sorry.......... ضحك وقال ليها يعني ما أستاهل....
تالين: لا بالعكس ......شكرا ليك كتير ....ماعارفه اجازيك كيف
يوسف : يكفيني انك تنجحي وتتفوقي ..خصوصا ان الدراسه بدات ليها شهرين ...يعني لازمك مجهود مضاعف
تالين : ولا يهمك من هسي حمشي ادرس
يوسف: حتنزلي الجامعه من بدايه الاسبوع ....كلمت ريم تمشي معاك تجيبي الحاجات الناقصاك
تالين : بس انا ماعايزه حاجه
يوسف : اصلا ما على كيفك
ريم جات جاريه نطت فيها وحضنتها وقعدو يصرخو مع بعض وينططو ......كان بضحك فيهم ..قال ليهم ....بسجلكم الاتنين في الروضه اي جامعه حتقبل الهبل دا ... وطلع خلاهم بضحكو ...
ريم : ماقلت ليك ...كنت متأكده والله
تالين : مامصدقه والله ..حأدرس ...وكمان التخصص العايزه
ريم: يوسف طلع ماهين طبعا جامعه(......) رهيبه شديد ...اولا دراستهم بالانجليزي ما حتتعبي ....تانيا ناسها نضيفين وكلهم اولاد مغتربين ولا اولاد ناس مهمه في البلد
تالين : كلو ما فارق معاي ......المهم دراستي
مشو السوق وريم مابتتوصى طبعا..... جابت ليها السوق كلو تقريبا .....كانت ماراضيه وبتقول ليها كفايه كده انا ما ماشه أعرض أزياء ....قالت ليها بكره بتمشي وتشوفي البنات لابسات كيف .....

وجا اليوم المنتظر جهزت نفسها وطلعت ...... كان منتظرها برا......ركبت واتحركو ....في الطريق قال ليها ....طبعا ما اوصيك ....خلي بالك من نفسك شديد .....همك الاول والاخير يكون قرايتك .....ماتثقي بكل الناس و ماتفتحي مجال لاي زول....واختاري اصحابك بدقه شديده ................ ولما تخلصي اضربي لي عشان ارجعك.

دخلت الجامعه وماعارفه تمشي وين .....سألت بت واقفه عن مكان الكليه ....وتاني سألت لحد ماوصلت القاعه لما دخلت كل الطلبه قعدو يعاينو ليها ..... جاها واحد قال ليها أنتي معانا هنا ..... قالت ليو نعم .....رد واحد من بعيد ...يداب الواحد نفسو تتفتح للقرايه ...... في بت قالت ليهم ....ماصح البتعملوه دا و نادتها تقعد جنبها .....سلمت عليها وعرفتها بنفسها ..... البت قالت ليها انا الاء شكلك جديده ....... دا اول يوم لي ..... ماتخافي مافاتك كتير و الملازم والشيتات تحت امرك ....شكرا ليك...... هسي عندنا محاضره استاذ هشام و دا واحد شايف نفسو ودمو تقيل .....
بعد شويه الاستاذ جا داخل كان شاب في منتصف الثلاثينات وبدا يشرح ... ممكن واحد يشرح لينا قانون الاتزان الكميائي ؟..... مافي زول رفع يدو ..... بس في يد واحده مرفوعه ..... اتفضلي ......هو كذا وكذا.........طيب مبدأ التفاعلات الكميائيه ....هو.... إلخ ....... بتعرفي حاجه عن قانون حفظ الطاقه .....ايوا ...هو كذا وكذا .... الاستاذ خت القلم وقرب شويه .... اسمك منو .....تالين شهاب الدين ......ماشفتك قبل كده في الكلاس ...... دا اول يوم لي ........ امممم كويس، نرجع للدرس...
خلصت المحاضره والاستاذ طلع ....في واحده جات وقفت قدامها وربعت ليها يدينها ... خلاص جبتي لينا الهوا مع استاذ هشام ...
الاء: اقري قرايتك وماليك دخل
تالين : هو انا غلطت في حاجه
الاء : ماتشتغلي بيها .
طلعو مع بعض .... وفي بت بتنده من بعيد بصوت عالي وجايه عليهم .....
الاء ...... يابت .....الاء .... عملتي صاحبه وخنتيني
الاء : اعرفك تالين
اهلا ...تسنيم .... وسلمو على بعض ....
الاء : مالك ماجيتي
تسنيم : جيت لقيت الاستاذ دخل ...ماحاولت ادخل عشان مايحرجني
وهم واقفين جات بت قالت ليها..... تالين صح؟...... نعم .....استاذ هشام عايزك في مكتبو
الاء : أووووو الحكايه كبرت
تالين : في شنو خوفتيني
تسنيم : حصل شنو فهموني
الاء : كالعاده ....طلع كم سؤال من راسو عشان مانجاوب ويعقد يهزء فينا...... بتسلى الاخ .....والليله سأل وتالين جاوبت
تسنيم: o. m .g فاتني الفيلم
تالين : وعايزني ليه طيب
الاء : ما انتي خربتي عليو ... وما اتفشى فينا
تسنيم : المصيبه انو مافي طالب بدخل مكتبو الا نهله الكريهه
تالين: اكيد ما حمشي
الاء: امشي وإحنا معاك ماتخافي

مشو المكتب ....تالين دخلت والاء وتسنيم انتظروها جنب الباب

........طق طق طق .......اتفضل

لنا لقاء أخر......