ضمادة للروح

١

يوميا ان شاء الله الساعة ٦ مساء

ﻛﺎﻧﺖ ﺍﻟﺴﺎﻋﻪ 6 ﺻﺒﺎﺣﺎ ﻭ ﺍﻟﻤﻨﺒﻪ ﺑﻀﺮﺏ، ﻣﺪﺕ ﻳﺪﻫﺎ ﻣﻦ ﺗﺤﺖ ﺍﻟﺒﻄﺎﻧﻴﻪ ﻋﺸﺎﻥ ﺗﻘﻔﻠﻮ ﻭﻟﺴﺎ ﻛﺴﻼﻧﻪ ،ﺑﺘﺘﻘﻠﺐ ﻓﻲ ﺳﺮﻳﺮﻫﺎ ﻭﺑﺘﺤﻨﺲ ﻧﻔﺴﻬﺎ ﻋﺸﺎﻥ ﺗﻘﻮﻡ ، ﺩﻗﺎﻳﻖ ﻭﺳﻤﻌﺖ ﺻﻮﺕ ﺍﺑﻮﻫﺎ .....
_ ﺻﺒﺎﺡ ﺍﻟﺨﻴﺮ ﺗﺎﻟﻴﻦ
_ good morning dad
_ ﻳﻼ ﻗﻮﻣﻲ ﻣﺎﻧﺘﺄﺧﺮ ، ﺑﻌﺪ 4 ﺳﺎﻋﺎﺕ ﻻﺯﻡ ﻧﻜﻮﻥ ﻓﻲ ﺍﻟﻤﻄﺎﺭ
_ ok dad don't worry we well be ready on the time
_ ﺍﻭﻛﻲ ﺑﺴﺮﻋﻪ ﺍﻟﻔﻄﻮﺭ ﺟﺎﻫﺰ
ﻗﺎﻣﺖ ﻣﻦ ﺍﻟﺴﺮﻳﺮ ﺃﺧﺪﺕ ﺷﻮﺭ ﻭﺑﺪﺃﺕ ﺗﻠﺒﺲ ﻭﺗﺠﻬﺰ ﻧﻔﺴﻬﺎ ﻟﻠﺴﻔﺮ ، ﻃﻠﻌﺖ ﺍﻟﺼﺎﻟﻪ ﻟﻘﺖ ﺍﺑﻮﻫﺎ ﺑﻔﻄﺮ .
_ ﻳﻼ ﻳﺎﻋﺴﻞ، ﻋﺼﻴﺮ ﺍﻟﺒﺮﺗﻘﺎﻝ ﺟﺎﻫﺰ ﻭﻛﻤﺎﻥ ﺟﻬﺰﺕ ﻟﻴﻚ ﺗﻮﺳﺖ ﻣﺤﻤﺺ ﻭﻋﻠﻴﻪ ﺷﺮﻳﺤﻪ ﺟﺒﻨﻪ ﺷﻴﺪﺭ ﺯﻱ ﻣﺎﺑﺘﺤﺒﻴﻪ .
_ ﺍﻱ ﺍﻟﺪﻟﻊ ﺩﺍ ﻛﻠﻮ ﻳﺎﺩﻛﺘﻮﺭ ، ﺍﻧﺎ ﺣﺘﻌﻮﺩ ﻋﻠﻰ ﻓﻜﺮﻩ ﻭﺣﺘﺘﻌﺐ ﻣﻌﺎﻱ ﺗﺎﻧﻲ .
_ ﺗﻌﺒﻚ ﺭﺍﺣﻪ، ﻫﻮ ﺍﻧﺎ ﻋﻨﺪﻱ ﻛﻢ ﺗﺎﻟﻴﻦ ﻣﺘﻴﻦ ﺗﺪﺧﻠﻲ ﺍﻟﺠﺎﻣﻌﻪ ﻭﺍﺷﻮﻓﻚ ﺩﻛﺘﻮﺭﻩ ﻗﺪﺭ ﺍﻟﺪﻧﻴﺎ .
_ ﺍﺗﻜﻠﻤﻨﺎ ﻓﻲ ﺍﻟﻤﻮﺿﻮﻉ ﺩﺍ dad
I won't to study Biochemistry engineering
ﺑﺤﺐ ﺍﻟﻤﺠﺎﻝ ﺩﺍ ﺷﺪﻳﺪ ﻭﺑﻌﺪﻳﻦ ﻛﻔﺎﻳﻪ ﻋﻠﻴﻨﺎ ﺩﻛﺎﺗﺮﺓ ﻓﻲ ﺍﻟﻌﻴﻠﻪ ﺍﻧﺖ ﻭ mom ﺍﻟﻠﻪ ﻳﺮﺣﻤﻬﺎ
_ ﺣﺎﺿﺮ ﻳﺎﺳﺘﻲ ﺑﺮﺍﺣﺘﻚ ﺑﺲ ﻭﺍﻟﻠﻪ ﻟﻮ ﺩﺧﻠﺘﻲ ﻃﺐ ﻣﺘﺎﻛﺪ ﺣﺘﻜﻮﻧﻲ ﺩﻛﺘﻮﺭﺓ ﺷﺎﻃﺮﻩ .
_ ﻣﺠﺎﻟﻲ ﺍﻻﺧﺘﺮﺗﻮ ﻣﺎﺑﻌﻴﺪ ﻣﻦ ﺍﻟﻄﺐ ﺑﺮﺿﻮ
_ ﻳﻼ ﺍﻛﻠﻲ ﻋﺸﺎﻥ ﻣﺎﻧﺘﺄﺧﺮ
_ ﺧﻼﺹ ﺧﻠﺼﺖ
_ ﻛﻤﻠﻲ ﻓﻄﻮﺭﻙ ﺳﺮﻳﻊ
ﻭﻫﻢ ﻗﺎﻋﺪﻳﻦ ﻳﻔﻄﺮﻭ ﺟﺮﺱ ﺍﻟﺒﺎﺏ ﺿﺮﺏ ........
_ D/Shihabaldeen
_yes
_I came to picke you up to the airport are you ready
_yes we are . come in to help me with the luggage pleas
_sure
ﻃﻠﻌﻮ ﻣﻦ ﺍﻟﺒﻴﺖ ﻣﺘﻮﺟﻬﻴﻦ ﻟﻤﻄﺎﺭ ﻫﺜﺮﻭ ﺑﻠﻨﺪﻥ . ﻭﺍﻗﻠﻌﺖ ﺍﻟﻄﻴﺎﺭﺓ ﻧﺤﻮ ﺍﻟﺨﺮﻃﻮﻡ .
ﺩﻗﻴﻘﻪ ﻧﺘﻌﺮﻑ ﻋﻠﻰ ﺍﻟﻨﺎﺱ ﺩﻳﻞ ﻭﻧﻌﺮﻑ ﻗﺼﺘﻬﻢ ﺷﻨﻮ . ﺗﺎﻟﻴﻦ 19 ﺳﻨﻪ ﻣﻦ ﺍﺏ ﺳﻮﺩﺍﻧﻲ ﻭﺍﻡ ﺑﺮﻳﻄﺎﻧﻴﻪ ، ﺍﺗﻮﻟﺪﺕ ﻭﻋﺎﺷﺖ ﻓﻲ ﺑﺮﻳﻄﺎﻧﻴﺎ ، ﻣﻼﻣﺤﻬﺎ ﺧﻠﻴﻂ ﺑﻴﻦ ﺍﻟﻌﺮﺑﻲ ﻭ ﺍﻻﻭﺭﻭﺑﻲ ، ﻟﻮﻧﻬﺎ ﻓﺎﺗﺢ ﺷﻌﺮﻫﺎ ﺑﻨﻲ ﻃﻮﻳﻞ ، ﻋﻴﻮﻧﻬﺎ ﺧﻀﺮﺍﺀ ﻭﺍﺳﻌﻪ ، ﻣﻼﻣﺤﻬﺎ ﺟﻤﻴﻠﻪ ، ﻣﺘﻮﺳﻄﻪ ﺍﻟﻄﻮﻝ ﻧﺤﻴﻔﻪ ﺑﺲ ﺟﺴﻤﻬﺎ ﻣﻘﺴﻢ ﻭﻣﺘﻨﺎﺳﻖ، ﺭﻗﻴﻘﻪ ﺻﻮﺗﻬﺎ ﻧﺎﻋﻢ ، ﻃﻴﻮﺑﻪ ﻻﺑﻌﺪ ﺣﺪ .
ﺍﺑﻮﻫﺎ ﺩﻛﺘﻮﺭ ﺷﻬﺎﺏ ﺍﻟﺪﻳﻦ ﺟﺮﺍﺡ ﻗﻠﺐ ﺷﺎﻃﺮ، ﻣﻦ ﺍﻟﺪﻛﺎﺗﺮﺓ ﺍﻟﻤﺸﻮ ﻗﺮﻭﺍ ﺍﺗﺨﺼﺼﻮﺍ ﻭﺍﺳﺘﻘﺮﻭﺍ ﻫﻨﺎﻙ .
ﻓﻲ ﺍﻟﻄﻴﺎﺭﺓ ......
ﺗﺎﻟﻴﻦ : dad you look so happy ,I thought you dont wont to go back to Sudan
ﺷﻬﺎﺏ : ﻓﺮﺍﺷﺘﻲ ﻣﻴﻦ ﻣﺎﻋﺎﻳﺰ ﻳﺮﺟﻊ ﻭﻃﻨﻪ ، ﺣﺐ ﺍﻟﻮﻃﻦ ﺷﺊ ﻓﻄﺮﻱ ﺑﻨﺘﻮﻟﺪ ﺑﻴﻪ .... ﻋﺎﻳﻨﺖ ﻻﺑﻮﻫﺎ ﺑﺈﺳﺘﻐﺮﺍﺏ
but you always side that you cant go back
ﺷﻬﺎﺏ : ﻓﻲ ﻓﺮﻕ ﺑﻴﻦ ﺃﻧﻚ ﺗﻜﻮﻧﻲ ﻣﺎﻋﺎﻳﺰﻩ ﺍﻟﺤﺎﺟﻪ ﻭﺃﻧﻚ ﺗﻜﻮﻧﻲ ﻣﺠﺒﻮﺭﻩ ﻋﻠﻴﻬﺎ
ﺗﺎﻟﻴﻦ how:
ﺷﻬﺎﺏ : ﻳﺎﺑﻨﺘﻲ ﺍﻟﻘﺼﻪ ﻃﻮﻳﻠﻪ
ﺗﺎﻟﻴﻦ : ﺍﺣﻜﻴﻬﺎ ﻟﻲ ﺍﺻﻼ ﻃﺮﻳﻘﻨﺎ ﻃﻮﻳﻞ
ﺷﻬﺎﺏ : ﻣﺎﺷﻲ، ﺍﻧﺘﻲ ﻛﺒﺮﺗﻲ ﺧﻼﺹ ﻭﻣﻦ ﺣﻘﻚ ﺗﻌﺮﻓﻲ ﺍﻟﺤﺼﻞ، ﺷﻮﻓﻲ ﺍﻧﺎ ﻣﻦ ﻣﺎ ﻛﻨﺖ ﺻﻐﻴﺮ ﻭﺑﺤﻠﻢ ﺍﻛﻮﻥ ﺩﻛﺘﻮﺭ ﻭﺍﻟﺤﻤﺪﻟﻠﻪ ﻛﻨﺖ ﻣﺘﻔﻮﻕ ﺟﺪﺍ ﻭﺍﻣﻨﺘﺤﻨﺖ ﺍﻟﺸﻬﺎﺩﺓ ﺍﻟﺴﻮﺩﺍﻧﻴﻪ ﻭﺟﺒﺖ ﻧﺴﺒﻪ ﻛﺒﻴﺮﻩ ، ﻛﺎﻥ ﻓﻲ ﻣﻨﻈﻤﺎﺕ ﺑﺘﻌﻤﻞ ﻣﻨﺢ ﻟﻠﻄﻠﺒﻪ ﻋﻨﺪﻧﺎ ﻓﻲ ﺍﻟﻤﻨﻄﻘﻪ ﻭﺍﺧﺘﺎﺭﻭﻧﻲ ﻋﺸﺎﻥ ﺍﺳﺎﻓﺮ ﺍﻛﻤﻞ ﺗﻌﻠﻴﻤﻲ ، ﻓﺮﺣﺖ ﻭﺍﻟﺪﻧﻴﺎ ﻣﺎﻭﺳﻌﺘﻨﻲ ﻣﻦ ﺍﻟﻔﺮﺣﻪ ﻟﻤﺎ ﻣﺸﻴﺖ ﻻﺑﻮﻱ ﻛﺎﻥ ﻣﺘﺤﻤﺲ ﺟﺪﺍ ﻟﻜﻦ ﺍﻋﻤﺎﻣﻲ ﺭﻓﻀﻮ ﻛﻴﻒ ﺍﺳﺎﻓﺮ ﺑﻠﺪ ﺍﻟﻜﻔﺎﺭ ﻭﺍﻗﺮﺍ ﻣﻌﺎﻫﻢ . ﻫﻢ ﻣﻦ ﺍﻟﺒﺪﺍﻳﻪ ﻛﺎﻧﻮ ﺭﺍﻓﻀﻴﻦ ﻓﻜﺮﻩ ﺩﺭﺍﺳﺘﻲ ﻻﻧﻮ ﻋﻨﺪﻧﺎ ﻣﻌﻈﻢ ﺍﻻﻭﻻﺩ ﻣﺎﺑﺘﻌﺪﻭﺍ ﺳﻨﻪ ﺳﺎﺩﺱ ﺑﻄﻠﻌﻮﺍ ﻋﺸﺎﻥ ﻳﺴﺎﻋﺪﻭﺍ ﺍﻫﻠﻬﻢ ﻓﻲ ﺍﻟﺰﺭﺍﻋﻪ، ﻛﺎﻧﻮﺍ ﻋﺎﻳﺰﻳﻨﻲ ﺍﻃﻠﻊ ﺍﺳﺎﻋﺪ ﺍﺑﻮﻱ ﺑﻤﺎ ﺍﻧﻲ ﺍﻟﻮﻟﺪ ﺍﻟﻮﺣﻴﺪ ﻟﻴﻮ ، ﺑﺲ ﺍﺑﻮﻱ ﻛﺎﻥ ﺩﺍﻳﺮﻧﻲ ﺍﻗﺮﺍ ﻫﻮ ﻭﺍﻓﻖ ﻟﻜﻦ ﺑﺸﺮﻁ ﺍﺗﺰﻭﺝ ﻧﺎﺩﻳﻪ ﺑﺖ ﻋﻤﻲ ﻣﺎﻫﻮ ﺍﺣﻨﺎ ﻋﻨﺪﻧﺎ ﺍﻟﻮﻟﺪ ﻻﺯﻡ ﻳﻌﺮﺱ ﺑﺖ ﻋﻤﻮ ﻭﺍﻟﺒﺖ ﻣﺎﺗﻄﻠﻊ ﻣﻦ ﺍﻭﻻﺩ ﻋﻤﻬﺎ ﻧﻈﺎﻡ ﺍﻟﻘﺒﻴﻠﻪ ﻭﺍﻟﻘﺮﻳﻪ ﻛﺪﻩ، ﺑﺼﻌﻮﺑﻪ ﺣﺘﻰ ﺍﻗﻨﻌﺖ ﺍﻟﻮﺍﻟﺪ ﻧﻌﻤﻞ ﻋﻘﺪ ﻭﻟﻤﺎ ﺍﺧﻠﺺ ﺩﺭﺍﺳﻪ ﺍﺟﻲ ﻟﻠﻌﺮﺱ ، ﺍﻧﺎ ﻣﺎﻛﻨﺖ ﺑﻜﻦ ﻟﻴﻬﺎ ﺍﻱ ﻣﺸﺎﻋﺮ ﺑﺲ ﻭﺍﻓﻘﺖ ﻻﻧﻬﺎ ﺍﻟﻄﺮﻳﻘﻪ ﺍﻟﻮﺣﻴﺪﻩ ﻋﺸﺎﻥ ﺍﻗﺪﺭ ﺍﺳﺎﻓﺮ ﻭﺍﺣﻘﻖ ﺣﻠﻤﻲ . ﺟﻴﺖ ﺑﺮﻳﻄﺎﻧﻴﺎ ، ﻭ ﻛﻨﺎ ﻃﻠﺒﻪ ﺳﻮﺩﺍﻧﻴﻦ ﺑﺴﻴﻄﻴﻦ ﻓﻲ ﺍﻟﻮﻗﺖ ﺩﺍﻙ ، ﻋﻤﻚ ﺻﺪﻳﻖ ﻛﺎﻥ ﺍﻗﺮﺏ ﻭﺍﺣﺪ ﻟﻲ ..... ﻛﺎﻥ ﻫﻤﻨﺎ ﺍﻻﻭﻝ ﻭﺍﻻﺧﻴﺮ ﻗﺮﺍﻳﺘﻨﺎ . ﻭﻣﺮﺕ ﺍﻟﺴﻨﻮﺍﺕ ﻭﺍﺗﻌﺮﻓﺖ ﻋﻠﻰ ‏( ﻛﺎﺛﺮﻳﻦ ‏) ﺍﻣﻚ ﻛﺎﻧﺖ ﻣﺨﺘﻠﻔﻪ ﻣﺎﺯﻱ ﺍﻟﺒﺮﻳﻄﺎﻧﻴﺎﺕ ﺍﻟﻤﻌﺎﻧﺎ ، ﺯﻭﻟﻪ ﻃﻴﺒﻪ ﺟﻤﻴﻠﻪ ﻭﺣﻨﻴﻨﻪ ﺯﻳﻚ ﻛﺪﻩ . ﻓﻲ ﺍﻟﺒﺪﺍﻳﻪ ﻫﻲ ﺍﺗﻌﺮﻓﺖ ﻋﻠﻲ ﻋﺸﺎﻥ ﻛﺎﻧﺖ ﻣﺴﺘﻐﺮﺑﻪ ﻣﻦ ﺍﻟﺤﺮﻛﺎﺕ ﺍﻟﺒﻌﻤﻠﻬﺎ ﻓﻲ ﺍﻭﻗﺎﺕ ﻣﺤﺪﺩﻩ ﻛﻞ ﻳﻮﻡ ، ﻛﺎﻧﺖ ﺑﺘﻘﺼﺪ ﺍﻟﺼﻼﺓ ، ﺣﺴﻴﺖ ﺍﻧﻬﺎ ﻣﺎﻳﻠﻪ ﻟﻠﺤﺎﺟﻪ ﺩﻱ ﻭﻓﺮﺣﺖ ﺷﺪﻳﺪ ﺑﻘﻴﺖ ﻛﻞ ﻳﻮﻡ ﺍﻓﻬﻤﻬﺎ ﺍﺻﻮﻝ ﺩﻳﻨﻨﺎ ﻟﺤﺪ ﻣﺎ ﺃﺳﻠﻤﺖ ﻋﻦ ﻗﻨﺎﻋﻪ، ﻭﺑﺪﻭﻥ ﻣﺎﻧﺸﻌﺮ ﺣﺒﻴﻨﺎ ﺑﻌﺾ ، ﺍﺻﻼ ﺍﻧﺎ ﻣﻦ ﺍﻟﺒﺪﺍﻳﻪ ﻛﻨﺖ ﻣﺒﻬﻮﺭ ﺑﻴﻬﺎ ﻣﺎ ﺃﻛﺬﺏ . ﻃﻠﺒﺘﻬﺎ ﻟﻠﺰﻭﺍﺝ ﻭ ﻭﺍﻓﻘﺖ ﻭﻓﻬﻤﺘﻬﺎ ﺑﻤﻮﺿﻮﻉ ﻧﺎﺩﻳﻪ ﻓﻲ ﺍﻻﻭﻝ ﺍﺗﺮﺩﺩﺕ ﺑﺲ ﺍﻧﺎ ﻭﻋﺪﺗﻬﺎ ﺍﺣﻞ ﺍﻟﻤﻮﺿﻮﻉ . ﺭﺳﻠﺖ ﻷﺑﻮﻱ ﺟﻮﺍﺏ ﺍﻧﻮ ﻋﺎﻳﺰ ﺍﺗﺰﻭﺝ ﻫﻨﺎ ﻭﺍﻧﻔﺼﻞ ﻣﻦ ﻧﺎﺩﻳﻪ .
ﺃﺗﺨﻴﻠﺖ ﺃﻧﻮ ﺣﻴﻔﻬﻤﻨﻲ ﻭﻳﻘﺪﺭ ﻣﻮﻗﻔﻲ ، ﺑﺎﻟﻌﻜﺲ ﺟﺎﻧﻲ ﺟﻮﺍﺏ ﻗﺎﺳﻲ ﺷﺪﻳﺪ ﻛﻠﻮ ﺗﻬﺪﻳﺪ ﻭ ﻭﻋﻴﺪ ﺑﺲ ﺣﺒﻲ ﻷﻣﻚ ﺃﻛﺒﺮ ﻣﻦ ﺍﻱ ﺷﻲ ، ﻧﻔﺬﺕ ﺍﻟﻔﻲ ﺭﺍﺳﻲ ﻭﺭﺳﻠﺖ ﺟﻮﺍﺏ ﺗﺎﻧﻲ ﻓﻴﻪ ﺧﺒﺮ ﺯﻭﺍﺟﻲ ﻭ ﻭﺭﻗﻪ ﻃﻼﻕ ﻧﺎﺩﻳﻪ .
ﻓﻲ ﺍﻟﻔﺘﺮﺓ ﺩﻳﻚ ﻛﻨﺖ ﻣﺘﻮﺍﺻﻞ ﻣﻊ ﺳﻌﺎﺩ ﻋﻤﺘﻚ ، ﻋﺮﻓﺖ ﺍﻥ ﺍﻟﺪﻧﻴﺎ ﻗﺎﻣﺖ ﻭﻣﺎﻗﻌﺪﺕ ﻓﻲ ﺍﻟﺒﻠﺪ ﻭﻋﻤﻲ ﺍﺑﻮ ﻧﺎﺩﻳﻪ ﺟﺎﻁ ﻭﻋﻤﻞ ﻣﺸﻜﻠﻪ ﻛﺒﻴﺮﻩ ﻻﺑﻮﻱ، ﺑﺲ ﻋﻤﻨﺎ ﺍﻟﻜﺒﻴﺮ ﺃﺗﺪﺧﻞ ﻭﻋﺮﺱ ﻧﺎﺩﻳﻪ ﻟﻮﻟﺪﻭ ﻣﺤﺠﻮﺏ ، ﻫﻨﺎ ﻧﻮﻋﺎ ﻣﺎ ﺍﻧﺎ ﺃﺭﺗﺤﺖ . ﻭﺑﻌﺪ 6 سنين من زواجنا ﺟﻴﺘﻲ ﺃﻧﺘﻲ ﻳﺎﻓﺮﺍﺷﺘﻲ ﻟﻠﺪﻧﻴﺎ ، ﻛﻨﺖ ﺧﻼﺹ ﺍﺗﺨﺼﺼﺖ ﻭ بعد فترة ﻗﺮﺭﺕ ﺍﺭﺟﻊ ﺍﻟﺴﻮﺩﺍﻥ ﻭﺃﻓﺘﺢ ﻣﺴﺘﺸﻔﻰ ﻓﻲ ﺍﻟﺒﻠﺪ ﻭﺍﻟﻌﻼﺝ ﻳﻜﻮﻥ ﻣﺠﺎﻧﻲ ﺩﺍ ﺣﻠﻢ ﺣﻴﺎﺗﻲ، و ﺭﺟﻌﻨﺎ ﺍﻟﺴﻮﺩﺍﻥ ﻛﺎﻥ ﻋﻤﺮﻙ 3 ﺳﻨﻮﺍﺕ ﺗﻘﺮﻳﺒﺎ . ﻭﻟﻤﺎ ﻣﺸﻴﺖ ﺑﻴﺘﺎ ﺃﺑﻮﻱ ﻣﺎﺭﺣﺐ ﺑﻲ ﻃﺮﺩﻧﻲ ﻭﺳﻤﻌﻨﻲ ﻛﻼﻡ ﻟﺤﺪ ﻫﺴﻲ ﻣﺘﺬﻛﺮﻭ . ﻛﻨﺖ ﺑﺘﺮﺟﺎﻩ ﻋﺎﻳﺰﻭ ﻳﻌﻔﻲ ﻟﻲ ﻣﺴﻜﺘﻮ ﻣﻦ ﺭﺟﻴﻠﻨﻮ ﻭ ﻗﻌﺪﺕ ﺍﺑﻮﺱ ﻓﻴﻬﻢ ﻗﺎﻝ ﻟﻲ ﺃﻧﺖ ﻻ ﻭﻟﺪﻱ ﻭﻻ ﺑﻌﺮﻓﻚ ﻛﻨﺖ ﻋﺎﻳﺰ ﺍﺗﻔﺎﺧﺮ ﺑﻴﻚ ﻭﻟﺪﻱ ﺍﻟﺪﻛﺘﻮﺭ ﺍﻟﺤﻴﺮﻓﻊ ﺍﺳﻢ ﻗﺮﻳﺘﻨﺎ ﻭﻳﻌﻠﻲ ﺷﺄﻧﻬﺎ ﻭﺃﺗﺤﺪﻳﺖ ﺍﺧﻮﺍﻧﻲ ﻋﺸﺎﻧﻚ ﺗﻘﻮﻡ ﺗﻌﺼﻲ ﺍﻣﺮﻱ ﻭﺗﻄﻠﻖ ﺑﺖ ﻋﻤﻚ ﻭﺗﻌﺮﺱ ﻛﺎﻓﺮﻩ ﻭﺗﺠﻲ ﻗﻠﺖ ﻟﻴﻮ ﻳﺎﺃﺑﻮﻱ ﺍﻧﺎ ﺭﺟﻌﺖ ﻋﺸﺎﻥ ﺍﻋﻤﻞ ﺍﻟﻤﺴﺸﻔﻰ ﻟﻨﺎﺱ ﺑﻠﺪﻱ ﺟﺒﺖ ﻟﻴﻚ ﺑﺘﻲ ﻭﻣﺮﺗﻲ ﻭﻫﻲ ﻣﺴﻠﻤﻪ ﻣﺎﺷﺎﻳﻔﻬﺎ ﻣﺤﺠﺒﻪ . ﻭﻻ ﻗﺎﻝ ﻟﻲ ﺑﺘﻘﻮﻝ ﻓﻲ ﺷﻨﻮ ﻃﺮﺩﻧﻲ ﻭﻗﺎﻝ ﻟﻲ ﻣﺎﺃﺷﻮﻓﻚ ﺗﺎﻧﻲ .
ﺭﺟﻌﺖ ﺑﻴﻜﻢ ﺑﺮﻳﻄﺎﻧﻴﺎ ﻣﻜﺴﻮﺭ ﺍﻟﺨﺎﻃﺮ .......
ﻭﺑﻌﺪﻫﺎ ﺳﻨﻪ ﺍﺑﻮ ﺍﺗﻮﻓﻰ ﻣﺸﻴﺖ ﻟﻠﻌﺰﺍﺀ ﺃﻋﻤﺎﻣﻲ ﻃﺮﺩﻭﻧﻲ ﺯﻋﻠﺖ ﻭﻗﺮﺭﺕ ﺍﺭﺟﻊ ﺑﺎﻟﻠﻴﻞ ﺩﺍﻙ ﻭﺃﻧﺎ ﺑﻔﺘﺶ ﻟﻲ ﻋﺮﺑﻴﻪ ﻋﺸﺎﻥ ﺃﻣﺸﻲ ﺑﻴﻬﺎ ﺍﻟﺨﺮﻃﻮﻡ، ﻟﻘﻴﺖ ﻣﺤﺠﻮﺏ ﻗﺎﻋﺪ ﺟﻨﺐ ﺍﻟﺰﻟﻂ ﺗﺤﺖ ﺷﺠﺮﺓ ﻭﻛﺎﻥ ﺳﻜﺮﺍﻥ ﻗﺎﻝ ﻟﻲ ﺷﻬﺎﺏ ﺍﻟﺪﻳﻦ ﺟﺎﻱ ﻟﻴﻪ ﻋﺸﺎﻥ ﺗﺬﻛﺮﻧﻲ ﺍﻟﻮﺟﻊ ﻗﻠﺖ ﻟﻴﻮ ﻭﺟﻊ ﺷﻨﻮ ﻳﺎﺍﺑﻦ ﺍﻟﻌﻢ ﻗﺎﻝ ﻟﻲ ﺗﻜﻤﻞ ﺩﺭﺍﺳﺘﻚ ﻭﺍﻧﺎ ﻳﻄﻠﻌﻮﻧﻲ ﻣﻦ ﺍﻟﻤﺪﺭﺳﻪ ﻋﺸﺎﻥ ﺍﺯﺭﻉ ﺗﺴﺎﻓﺮ ﻭﺍﻧﺎ ﻗﺎﻋﺪ ﻓﻲ ﺍﻟﺒﻠﺪ ﺍﻟﻔﻘﺮ ﺩﻱ ﺗﻌﺮﺱ ﺍﻟﺨﻮﺍﺟﻴﻪ ﻭﺍﻧﺎ ﻳﻌﺮﺳﻮ ﻟﻲ ﺧﻄﻴﺒﺘﻚ ﻭﻣﺎﺍﻋﺮﺱ ﺣﺒﻴﺒﺘﻲ ، ﺍﻧﺎ ﺑﻜﺮﻫﻚ ﻳﺎﺷﻬﺎﺏ ﻭﺑﺤﻘﺪ ﻋﻠﻴﻚ ﻣﺎﺗﺠﻲ ﺗﺎﻧﻲ ﻛﻠﻨﺎ ﻣﺎﻋﺎﻳﺰﻳﻦ ﻧﺸﻮﻑ ﺧﻠﻘﺘﻚ .
ﺭﺟﻌﺖ ﻟﻨﺪﻥ ﻭﻗﺮﺭﺕ ﺍﻧﻮ ﻋﻤﺮﻱ ﻣﺎ ﺍﺭﺟﻊ ﺍﻟﺴﻮﺩﺍﻥ ﺗﺎﻧﻲ . ﺑﺲ ﻣﺘﻮﺍﺻﻞ ﻣﻊ ﺳﻌﺎﺩ ﺃﺧﺘﻲ ﺑﺎﻟﺠﻮﺍﺑﺎﺕ ﻋﺮﻓﺖ ﺍﻧﻮ ﺍﻋﻤﺎﻣﻲ ﺑﺮﺿﻮ ﺍﺗﻮﻓﻮﺍ ﺑﻌﺪ ﻣﺪﻩ ....... ﻭﺑﻌﺪﻫﺎ ﺍﻧﺘﻲ ﻛﺒﺮﺗﻲ ﻭﺑﻘﻰ ﻋﻤﺮﻙ 8 ﺳﻨﻮﺍﺕ .. ﺍﻛﻴﺪ ﻣﺘﺬﻛﺮﻩ ﺍﻟﺤﺼﻞ .... ﻣﺘﺬﻛﺮﻩ dad ﻣﺎﻣﺎ ﺟﺎﻫﺎ ﻛﺎﻧﺴﺮ ﻓﻲ ﺍﻟﺪﻡ ﻭﻛﺎﻥ ﻓﻲ ﺍﻟﻤﺮﺍﺣﻞ ﺍﻟﻤﺘﺄﺧﺮﻩ ﻣﺎﺗﺖ ﻃﻮﺍﻟﻲ ﻭﺧﻠﺘﻨﺎ ﺃﻧﺎ ﻭﺃﻧﺖ ﺑﺮﺍﻧﺎ .
ﻧﺰﻟﺖ ﺩﻣﻮﻋﻬﻢ ﺍﻻﺗﻨﻴﻦ ﻭﻛﻞ ﻭﺍﺣﺪ ﺑﻘﻰ ﻳﻤﺴﺢ ﻟﻠﺘﺎﻧﻲ ﺩﻣﻌﺘﻮ ... ﺳﻜﺘﻮﺍ ﻣﺴﺎﻓﻪ .... ﺑﺲ ﺗﺎﻧﻲ ﻋﺎﻳﻨﺖ ﻻﺑﻮﻫﺎ ﻭﻗﺎﻟﺖ ﻟﻴﻮ : ﻃﻴﺐ dad ﺍﻧﺖ ﻣﺎﺧﺎﻳﻒ ﺗﺮﺟﻊ ﺗﺎﻧﻲ ﻳﻌﻨﻲ ﺍﻗﺼﺪ ﻛﻼﻡ ﻋﻤﻮ ﻣﺤﺠﻮﺏ ..... ﻳﺎﺑﺘﻲ ﺍﻟﻜﻼﻡ ﺩﺍ ﻣﺮ ﻋﻠﻴﻪ ﺳﻨﻴﻦ ﻭﺍﻟﺪﻧﻴﺎ ﺍﺗﻐﻴﺮﺕ ، ﺑﻌﺪﻳﻦ ﻫﻮ ﺍﻟﻀﺮﺏ ﻟﻲ ﻭﻃﻠﺐ ﻣﻨﻲ ﺃﺭﺟﻊ ﻋﺸﺎﻥ ﻧﺴﻮﻱ ﻣﻮﺿﻮﻉ ﺍﻟﻮﺭﺛﻪ ﻭ ﺍﻟﺮﺍﺟﻞ ﺷﻐﻠﻮ ﻭﺍﻗﻒ ﺑﺴﺒﺐ ﺍﻟﺤﻜﺎﻳﻪ ﺩﻱ ﺍﻧﺎ ﻭﻋﺪﺗﻮ ﺍﺟﻲ ﺑﺲ ﻛﻨﺖ ﻣﺆﺟﻞ ﺍﻟﺴﻔﺮ ﻟﺤﺪ ﻣﺎ ﺗﻤﺘﺤﻨﻲ ﺍﻟﺸﻬﺎﺩﺓ ﻭ ﺍﻧﺘﻲ ﺧﻼﺹ ﺍﻣﺘﺤﻨﺘﻲ ﻭﻧﺠﺤﺘﻲ ﻛﻤﺎﻥ . ﻭ ﺃﻫﻲ ﻓﺮﺻﻪ ﺗﻤﺸﻲ ﺗﺸﻮﻓﻲ ﺑﻠﺪﻙ ﻷﻭﻝ ﻣﺮﻩ .
ﺩﻛﺘﻮﺭ ﺷﻬﺎﺏ ﺭﻓﻊ ﺭﺍﺳﻮ ﻭﺳﻨﺪﻭ ﻟﻠﻜﺮﺳﻲ ﻭﺳﺮﺡ ﻣﻊ ﺍﻟﺬﻛﺮﻳﺎﺕ ﻟﻤﺎ ﻧﺎﻡ ، ﺗﺎﻟﻴﻦ ﻃﻠﻌﺖ ﺍﻻﺳﻜﺘﺶ ﺑﺘﺎﻋﻬﺎ ﻭﻗﻌﺪﺕ ﺗﺮﺳﻢ .

‏( ﻣﻬﻤﺎ ﻫﺎﺟﺮﺕ ﺍﻟﻄﻴﻮﺭ ﻭﺃﺑﺘﻌﺪﺕ .... ﺳﻴﺄﺗﻲ ﻳﻮﻣﺎ ﻣﺎ ﻭﺗﻌﻮﺩ ﻟﻠﻮﻃﻦ ‏)

ﻟﻨﺎ ﻟﻘﺎﺀ ﺃﺧﺮ .....