ضمادة للروح

١٨

إنقضى اسبوع.......وبدا يوسف في الاجراءات وتسجيل الجامعه .......
مشى لامو وقال ليها.... إنتي صح أمي و فوق راسي ، لكن تالين ما تسأليها خالص ولعندك كلام يكون معاي .......
بعد يومين جا البيت وناداها ...... قال ليها اتفضلي ....... ديل شنو .......مبروك بقيتي سودانيه دا الجواز والرقم الوطني ......بدون شهادة ميلاد !!....... ياستي في بلدنا دي اي حاجه بتتحل بالقروش مع اني مابحب الطريقه دي بس للضرورة احكام، فاضل لينا موضوع السفارة البريطانيه حنمشي في اليومين دي وامورنا تبقى ميه ميه .....
شالت الورق ودخلت غرفتها .....تلفونها كان بضرب .....دا الرقم الغريب البتصل ليه مده
_ الو ...
_ السلام عليكم ... معاك علي بشارة المحامي .....ضارب ليك بخصوص الارض البعتيها لمحجوب
استغربت كلامو .... وهو لسا بتكلم وهي مافاهمه حاجه ..... قالت ليو دقيقه .... مشت ليوسف برا .....
تالين: في واحد بتكلم وماعارفه عايز شنو
..استعدل ومسك التلفون ....... مرحب
المحامي : مين معاي
يوسف : انت ضارب في تلفون زوجتي .......نعم
المحامي: زوجتك بايعه لمحجوب راشد قطعه ارض ومعصره سمسم واستلمت القروش بس القعود نصها ما موثقه ....لازم تجي بنفسها عشان توثقها ..
يوسف : خمس دقايق يا استاذ افهم الحاصل وارجع ليك ......فقل التلفون وسألها .. انتي بعتي حاجه لمحجوب
تالين: لا
يوسف : الزول دا قال انك بايعه ليه ارض ومعصره واستلمتي القروش
تالين : ابدا
يوسف : اتذكري ......المحامي دا شكلو واثق من كلامو
تالين : انا عملت توكيل عشان يمشي الشغل زي ماطلب مني
يوسف : احكي لي الحصل
تالين : جاب محامي البيت ومعاه اوراق مضيت عليهم
يوسف :قريتي الورق قبل ماتمضي
تالين : كانو بالعربي وانا مابعرف اقرا عربي كويس
يوسف : امممممم شوفي .... يا اما محجوب خدعك ومضاك على بيعه الارض ولا المحامي مافاهم الحكايه ....وانا برجح القول الاول
تالين : معقول !!!!
يوسف : خليها علي بحلها ........ وضرب للمحامي تاني ..... اول حاجه جبت رقمها من وين
المحامي : محجوب اداني الرقم وطلب مني احل الموضوع دا
يوسف : و العقود دي عندك
المحامي: بتكلم معاك وماسكه في يدي
يوسف : جميل جدا ....سجل رقمي ورسل لي صور منها في الواتساب............... 09
المحامي : طيب .....جايين متين للتوثيق
يوسف: بضرب لمحجوب وبتفق معاه
نزل لابوه وطلب منو رقم محجوب .....حاج احمد قال ليو الغريبه هو ضرب لي قبل كم يوم شال مني رقم تالين ....واثناء ماهم بتكلم مع ابوه المحامي رسل ليه صور العقود .
أستأذن وطلع ضرب للمستشار القانوني حق المجموعه ...واتلاقو
يوسف: استاذ بابكر .....اسف على الازعاج
بابكر : العفو ياباش مهندس ...... اتفضل
يوسف: شوف العقود دي سليمه
بابكر: سليمه ميه ميه ......خير
يوسف : بس الزوله الوقعت عليهم كان مفهمنها ديل توكيلات
بابكر : شوف انك تطعن فيهم دي صعبه شويه ...عايزه شهود ومحاكم وجرجره ...لكن اذا حابي مامشكله نرفع قضيه طوالي
يوسف : خير يا استاذ ماقصرت ...... ولو في جديد بديك خبر........
وطلع منو رجع البيت فهم تالين الحاصل ....
يوسف : اها انتي عايزه شنو .... نرفع قضيه وترجعي حقك
تالين : ماعايزه منهم حاجه خالص
يوسف: متأكده ...دا حقك وهو خدعك
تالين: متاكده
يوسف: مش قلتي جوازك عندو
تالين : ايوا
يوسف : طيب خلاص عندي فهم تاني