Music Academy

Chapter 60 "Downfall"

"Tapos na!" Malakas kong sigaw at hindi ko maiwasang mapatalon-talon sa recording studio dahil sa tuwa. Sa wakas, tapos na rin ang kanta na ilang linggo kong pinagpaguran. Masaya ako sa finish product nito lalo na't karamihan ng kaibigan ko ay tumulong para mabuo ito... Especially Frost.

"Congrats," Poker face na sabi ni Frost, well, hindi naman siya si Frost kung magkakaroon ng ekspresyon ang kanyang mukha sa mga simpleng bagay. Nasanay na rin naman ako sa ganyan.

Nakakapasok pa rin si Frost dito sa school kahit hindi na siya estudyante rito. Kamag-anak siya ni Henry and Henry is the ace student of Music Academy. Kaya ayon... Malaya pa rin siya nakakalabas pasok ng school. "Kain tayo? My treat." Alok niya.

"Alam mo naman na hindi ako tumatanggi sa libre." Inilagay ko na ang mga nakakalat kong gamit sa aking bag hanggang sa liparin ang isang papel na dinampot ni Frost.

"Petition to remove the forbidden rule?" Pagbasa niya sa papel. Actually kanina ko lang na-print 'tong petition na ito at wala pang ibang nag-sa-sign bukod sa sarili ko. "Para saan 'to?" Tanong niya.

"Last time, may estudyante kasing natanggal sa school dahil lang sa pagkakaroon niya ng relasyon from other school. Sa tingin ko ay hindi makatarungan iyon kaya naman naisip ko gumawa ng petisyon na naglalayon na tanggalin ang forvidden rule." Siguro mahihirapan ako para sa laban na 'to since na-establish itong Music Academy, umaandar na ang forbidden rule.

"Bakit, may karelasyon ka ba?" Saglit akong natigil sa tanong ni Frost ngunit mabilis ko rin ikinalma ang aking sarili. Am I too obvious. "I guess not, you're stupid and stubborn kaya paniguradong wala. That's a nonsense idea, Betty. That rule is basically the reason why students become successful after they graduated. Kasama sa training 'yan." Paliwanag niya.

"Basta! Wala naman mawawala kung susubukan ko, at isa pa, lahat naman kami ay magbe-benefit kung marami akong mapapirma dito." Kumpiyansa kong sagot sa kanya.

Sa totoo lang, ayoko na rin naman paghintayin ng matagal si Dela Torre lalo na't malinaw na sa akin ang lahat... Na gusto ko siya. Hindi ko rin gusto na maghintay pa kami ng maraming taon para lang masabi na legal kami, this is the little thing na magagawa ko para sa kanya so I will give this a shot.

"It's really a bad idea, tsk. Tsk." Iniling-iling ni Frost ang kanyang ulo. "Kain na lang tayo?"

Dinala ako ni Frost sa isang Ice cream parlor, this is the best! After long tiring weeks, eto ako! Matitikman ko na muli ang paborito kong ice cream, sobrang na-miss kong kumain nito. "Hindi ka ba nabe-brain freeze sa ginagawa mo? Walang preno 'yang bibig mo sa pagsubo ng ice cream." Frost just looked at me amazingly.

Saglit akong napapikit at tinunaw ang Ice cream na nasa dila ko. "Alam mo kasi, the best kasi talaga amg ice cream. Hindi mo kasi naiintindihan--"

Naputol ang aking sinasabi nung kumuha si Frost ng tissue at pinunasan ang labi ko. Hindi niya iton pinunasan na may lambing, pinunasan niya ang labi ko na para bang kulang na lang ay pati ang labi ko ay tanggalin niya na rin. "Masakit! Ano ba!" Tinabig ko ang kanyang kamay at natawa si Frost.

"Ang laki-laki mo na pero kailangan ka pa rin lagi na alagaan." Naiiling niyang sabi.

Kumain lang kaming dalawa ni Frost at nagkwentuhan. Ang maganda dito, maluwag na ulit ang schedule ni Frost. Wala na siyang test na pinoproblema at malaya na kaming nakakapaggala.

***

Napaaga ang balik ko sa classroom nung biglang nag-text si misis Marasigan na magkakaroon daw siya ng announcement kaya kinailangan namin bumalik lahat sa room.

"Para saan 'tong announcement? Change of rules ba sa finals?" Tanong ko kay DJ at nagkibit-balikat na lamang siya dahil maging siya ay hindi rin alam kung bakit kami pinatawag.