Music Academy

Chapter 38 "Stage Preparation"

Last three days before the midterm performance. Masasabi ko na medyo okay na kami ni Frost dahil naka-cope up na kami kahit papaano, it was all thanks sa napakahigpit na schedule to follow ni Frost.

Naglalakad kami nila Lisa patungo sa malawak na groung ng Music Academy. Sine-set up na ang stage. mas malaking stage ito, may mga naglalakihang Led TV at mga speaker na mas malalaki pa sa tao. Nagkakaroon din ng camera test nung pumunta kami.

"Nakaka-excite 'no?" Sabi ni D.J habang seryosong nakatingin sa stage. "Nung una ay kinakabahan ako pero ngayon ay para bang ang pagtuntong sa stage na iyan ang magbibigay sa akin ng maraming hapiness."

Her genuine smile, hindi mapagkakaila na gusto nga ni D.J. She was born with talents kaya hindi kataka-taka kung ma-maintain niya ang kanyang sarili sa top 10. Sa akin, okay lang kung bumaba ang rank ko... Mas maayos iyon dahil, hindi ko naman talaga deserve ang ganoong kataas na rank. My rank doesn't meet my talent.

"Galit-galit muna Cindy ah? We will make sure na ang performance namin ang pinaka magiging remarkable na performance sa araw na iyon." Sabi sa akin ni Lucas. A friendly competetion, not a big deal at all.

"Napanuod ko kayo mag-practice at napanuod ko yung efforts ninyo sa bawat training kaya paniguradong magbubunga iyan." Nakangiti kong sagot sa kanya.

"Pero Cindy, sure kayo na ballad ang gagawin ninyo? I mean... Ang layo no'n sa theme at requirements," Pagsasalita ni Lisa with her usual trembling voice. Sobrang manang ng dating. "Baka bumagsak kayo."

"Yeah. Our stage will be the most rebellious performance. Magpe-perform lang kami ng base sa kagustuhan namin at walang rules na sinusunod. Just make it the most memorable performance of our lives." Ngumiti ako pero pagkayuko ko ay nawala rin ito.

May magagawa ba ako para pigilan ang pag-alis ni Frost? Kapag nagkataon, iyon na ang huling beses kong makakasama si Frost sa iisang stage. Just thinking na mawawala na si Frost... Ang sakit.

"Mga sira talaga kayo," Naiiling na sabi ni D.J. "Buti na lang dumating si Frost kun'di baka nasapak ko na 'yon." Natawa naman kami sa sinabi ni DJ, siga talaga ang babaeng ito.

"Cindy, kamusta naman kayo ni Frost?" Napakunot ang noo ko sa tanong ni Jiroh tapos ang lawak pa ng ngiti ng gago na para bang nang-aasar. "I mean, kamusta ang practice ninyo ni Frost? May iba kang naisip 'no?"

"Ayos naman dahil tapos na kami magpraktis, ingatan ko raw ang boses ko kasi baka--"

"Malatin ka na naman!" Sabay-sabay nilang sabi at napatawa. They really know my weakness, parati akong minamalat kapag may important performance kami.

"Mga sira kayo!" Natatawa kong sabi at napabaling ang tingin ko sa stage ni sine-set up. Hintayin mo lang ako malaking stage, muli kong itatapak ang paa ko sa iyo at paniguradong ipapakita ko sa mga manunuod na malaki ang in-improve ng isang Cindy Gonzales.

***

"Kaya mo bang i-falsetto ang part na 'to?" Pagtatanong sa akin ni Frost habang nasa 8th floor kaming dalawa ng music department... as usual, iyon lang naman ang nag-iisang hide out ni Frost na wala masyadong nakakaalam.

"Mahirap pero try ko" Sabi ko.

"No, kung hindi mo kaya we will not do it dahil baka mas lalo lang masira ang performance natin. Mahirap kasi kapag hindi ka sure na magpa-falsetto ka dahil baka mauwi ka lang sa pagpiyok so let's do the usual." Pagpapaliwanag ni Frost at napatango-tango naman ako.

Habang busy siya sa pag-a-arrange at naghahanap ng pangit na part sa kanta namin ay nagtanong na lang ako para hindi ako maburyo. "Kamusta na kayo ng family mo? Okay na?"