Music Academy

Chapter 43 "Dealing with Problems"

"Sorry kuya, sorry!" Halos ilang minuto rin akong nagso-sorry sa lalaki kong natunggo dahil sa pagkasira ng phone niya. Nawaglit na sa isip ko ang tungkol sa room inspection.

"Miss, mababayaran ba nung sorry mo 'yon?" Sabay turo sa phone niya na sira-sira at basag-basag na. Alam ninyo ang plot twist? iPhone 7 pala ang phone niya. Gosh! Kahit ako ay nanghihinayang.

"Sorry kuya, I have to go na..."

"Ganoon na lang 'yon? You should pay for the damage. Hindi pwedeng tumakas ka." He said habang minamasahe ang sentido ng kanyang ulo. Halata ang pagkabwisit sa kanyang mukha.

Gaya nga ng sabi ko kanina suot niya ang PE Uniform ng kanilang school at may knee pads siyang suot. Mukha siyang athlete... Sa palagay ko. Naka-brush up ang kanyang buhok at sobrang mestizo niya, batak din ang muscle niya at hindi O.A.

"Babalikan kita mamaya kuya, kailangan ko lang talagang humabol sa inspection sa school." Sa t'wing papasok sa isip ko yung community service ay kinakabahan ako. Mas lalo akong kakabahan mamaya kay Yngrid dahil paniguradong uusok sa galit iyon.

"Hey miss, I'm trying to fix everything in a nice way. Show some good manners, huwag yung wala kang pakialam sa nangyari. If I can't fixed this, pupunta tayong baranggay." Namilog ang aking mata sa winika niya. Shit! Bakit kailangan umabot sa ganoon?

"No, ayusin na lang natin." Baka makarating sa school at magkaroon pa ako ng bad record sa student profile ko.

Bumuntong hininga ako, ihahanda ko na lang ang tenga ko mamaya sa sermon ni Yngrid. Umupo kami sa malapit na waiting shed. Naglabas siya ng papel at may sinulat. "Anong ginagawa mo?" Kunot noo kong tanong.

"An agreement, I just need your signature dito na sinasabing babayaran mo ang iPhone 7 ko na nasira mo." Idiniin niya talaga sa salitang 'iPhone 7' upang sabihin na hindi lang basta-basta ang nasira ko.

"Bakit may ganyan?"

"Inaayos ko nga ang mga bagay-bagay sa maayos na paraan. Anong pangalan mo? Number mo?"

Padabog kong kinuha yung papel at pumirma doon at isinulat ko na rin ang number ko sa itaas. "Happy now?" Isinukbit ko ang bag ko sa aking likod kasama ang guitar case. "Mauuna na ko ah? Kailangan kong humabol sa room inspection."

Hindi ko na hinintay ang naging tugon niya at tumakbo na ako paalis. Grabe! Anong oras na? Ayoko talaga ng community service. Huhu.

***

"Good job girls!" Para kaming sundalo ni Yngrid na nakatayo sa harap ng mga room inspectors. Lumabas sila at nakahinga kami ng maluwag ni Yngrid.

"Akala ko hindi ka sisipot! Loser ka talaga!" Sabi ni Yngrid at ibinagsak ang katawan niya sa kama. "Nakakapagod maglinis. Saan ka galing?"

"Sa may cafe," Hinilot ko ang aking paa dahil sa sakit, nagmadali kasi ako. "May nakabunggo nga akong lalaki and it cause a lot of head aches." I speak at iniisip ko yung mga nangyari kanina.

"Anong nangyari?"

"Nakasira ako ng phone kanina. iPhone 7." Napabalikwas ng tayo si Ymgrid at namilog ang kanyang mata. Halata sa mukha niya ang pagkagulat. "Magkano ba iyon?"

"38,000 pesos lang naman loser. Kalahati ng tuition natin," Sa pagkakataong ito ay ako naman ang nagulat sa presyo. Seryoso?! Napakamahal! "So, anong balak mo?"

"May agreement kami na babayaran ko siya! Gosh! Saan ako hahanap ng ganoong kalaking halaga? Papagalitan din ako ni mama't papa kapag nalaman 'to." Sabi ko sa kanya, nagtaas ng balikat si Yngrid na parang nais ipahiwatig na hindi niya alam ang dapat kong gawin.