Taming The Bad Boy [Complete] *REVISING*

Chapter 3 [The Playboy vs. The Amazona]

Revised: 6/16/15

Chapter 3

[The Playboy vs. The Amazona]

< Rian's POV >

"Oooh! Merong palang ganito?!" excited na sabi ni Justin.

Kanina pa siya ganyan, tuwang tuwa sa mga bagay dito sa grocery katulad ng canned goods na kung anu-ano. Ignorante eh. Haha, joke! Yung cart nga namin punong-puno ng de lata at instant noodles. Palibhasa anak mayaman kaya tuwang tuwa sa mga common na pagkain. Samantalang ako—-nevermind.

I sighed at patago kong binalik yung ilan sa mga noodles at canned goods na kinuha ni Justin. At this rate, magmumukha kaming nasa evacuation center dahil sa puro instant food yung kakainin namin for the next weeks.

"Ano ka ba, first time maggrocery?!" Alam kong masamang sigawan ang amo pero naiirita na talaga ako kay Justin.

"Oo!" He said happily.

"E di ba mag-isa ka lang sa condo mo? Pano ka kumakain?"

"Nagpapadala si mama ng grocery. Pero walang mga ganito." Malamang, eh sobrang puro MSG at kung anu-anong preservatives yung meron yang binibili mo eh. Kumuha siya ng instant spaghetti at nilagay sa cart. "Uy! Wow! Gusto ko nito!"

"Mama's boy..." bulong ko. Heh, buti na lang hindi niya narinig.

Nakakatawa panoorin si Justin habang parang batang nakakadiskubre ng mga bagong bagay. Psh, kanina kunwari pang ayaw niya, nagsuot pa ng beanie hat at sunglasses para daw wag siyang makilala nung mga 'chickababes' niya na gumagawa ng kabadingan tulad ng paggogrocery. Tapos ngayon masayang-masaya siya. Baliw lang.

"OY! TUMIGIL KA NA DYAN! PURO INSTANT NOODLES TSAKA DE LATA PINAGBIBIBILI MO OH!" Sigaw ko nung mapansin kong yung mga patago kong inaalis sa cart ay patago rin pala niyang iniismuggle pabalik. Naisahan ako dun ah!

"BAKIT KA SUMISIGA——Hey! Hi Babes!" Biglang bati niya sa babaeng naka-dress at kulot ang buhok na dumaan, sabay kindat pa. Namula naman yung babae at mukhang kinilig. Nginitian niya si Justin at nagpatuloy sa paglalakad papunta.

Akmang susundan ni Justin yung babaeng mukhang bago niyang prospect kaya naman hinila ko yung collar ng tshirt niya. Ang landi talaga ng lalaking 'to! Nakakastress!

"Hep! San ka pupunta?" Tapos tinaasan ko siya ng kilay.

"Kukunin yung number ng babae. Di mo ba nakita type din ako oh?" Tapos tinaas taas niya yung mga kilay niya. 

Di lang saksakan ng kalandian, punong-puno pa ng kayabangan.

"Ano ka, iiwan mo ko? Ako magbubuhat ng lahat ng de latang pinagkukukuha mo?!" At isa pa, kailangan ko nga siyang turuan magseryoso sa mga babae. Tapos hahayaan kong magdagdag pa siya ng bagong babae sa collection niya?