والله يحبج وراد يخطبج قبل المرحوم بس المرحوم سبقه ...اسمع ومصدومه شنو هل تناقض يحبني ويظربني يحبني وجان قاسي ويايه يحبني ويقبل يتزوجني ع الورق ...حجه باهر هوايه ونزل ...بقيت ايام منزل جوه ...فديوم باليل اندكت الباب منو؟؟؟ اني اوسم... شنوتريد .... افتحي الباب...فتحت الباب ...السلام عليكم...شكو شرايد.... ...بيتي وبراحتي شوكت ميعجبني اجي...بيتك!!!!..اي...من شوكت...من الليله ...تعالوا حبايب بابا تعالوا شوفوا شنو جبتلكم...الليله هنايه انام ....الي يجي بله عزيمه ينام بله فراش...بله فراش..اي..تعالي اوريج.فراشي سحبني من ايدي بقوه..شوفي هذا فراشي وهذه غرفتي وانت مرتي عرفتي شنو مرتي لو افهمج...ومرتك.وامك سمحلك نطنك اذن تجي يمي لو جاي بالبوكه...ميخصج ... اطلع بره أوسم مناقصتك قلبي خلصان البيه كافي عليه ..حظني بقوه .احظنيني حظنيني مثل محظنتيني بالظلمه تذكرين لو ناسيه اني مناسي ذيج الحظنه لج هيجتي عليه المواجع من حظنتيني بالظلمه حظنيني يالا...انت الي.. انت مرتي.. اني الي حبيتج ..لج رحمه تعرفين بليلة زواجج للصبح منايم لو متعرفين تعرفين اول مره ادخن بحياتي بليلة زواجج موبس جكاير حتى شرب شربت وسهرت بلملهى اريد انسى انسى الليله حبيبتي نايمه بحظن اخويه حتى بارق كرهته من وراج جنت اشوفكم سويه اتكطع من داخلي اموت الف موته من اشوفج تضحكين وياه وتتشاقون وكم مره شفته يحظنج من ظهرج وانت واكفه ع المغسله ع السنك نار تصير بصدري ....جنت تراقبنه ...اي جنت اراقبكم وتكطع من القهر ...بس انت جنت قاسي ويايه...حقي. اعاملج بقسوه حتى اكرهج ...بس مكرهتج...متت من سمعت بارق كال رحمه حامل تخبلت بودي اظربه طلقه بقلبه لان قتل حلمي... ...ومن تصوب بارق ظميري دمرني جنت احس بتأنيب الظمير كلت هذه عيوني كتلتك اخويه ظليت بالمستشفى مكابله وهمس بأذنه ابريني الذمه حجيت عليك هوايه وحسدتك هوايه كتله مستعد اتبرعلك باي عضو بس عيش ...ومن مات نمت عليه يردون يشيلوني مقبل ونمت ع التابوت خلصت نفسي عليه حسيت اني الي قتلته ومن كالت امي تزوجه لرحمه رفضت مقبلت كلت بارق نحرم منه واني اخذه كالوا جنت تريده كلتلهم لا وتالي امي وابويه لحوا عليه ومن شرطت صفا عليه زواجنه ع الورق وافقت وحلفت ع القرآن مقربلج لان بداخلي جنت احسج ممتلكات بارق مكدر المسج بس هسه متحملت صار ايام مشايفج مسامع صوتج احبج رحمه اعشق كلشي بيج من انت طفله ... ظليت ابجي بصوت عالي...احجي كولي اي شي لتبجين كافي...حجي هوايه بداخلي مده يطلع معرف اعبر عنه ...أوسم قسوتك ويايه خلتني اظوج منك واحب بارق بس مبطلت افكر بيك جنت اظوج من اذكرك لان مريد اخدع بارق وحبيت بارق والتفكير بيك مستمر متت بيوم زواجك بليلة زواجك جسديم بارق وعقلي وقلبي يمك ...ارجعي حبيني ...والله احبج .نعمت الله..ههههه..اي اظحكي نعمت الله ...اعشقج... والله مريد اظربج بس امي حرظتني عليج وتعرفين امي من تقره براس واحد..سامحيني.أسف..اوعدج ممد ايدي عليج ....
وصار أوسم يجيلي بدون علم صفا وامه..يصعد من باب الخارجي وعمو وباهر عرفوا اوسم ديجي يمي بس امه ومرته ميعرفن وحملت وأوسم فرحان ممصدك حيصير اب ...وتالي امه نتبهتله شافته وهو طالع مني ونتبهة بوجه اثر حمره.. مصيبه ميفوته شي وصعدتلي شبعتني ظرب ومخلت كلمه مكالته عليه وصار عندي اسقاط اتصلت ع اهلي اجووي اخذوني وابويه كله لأوسم يطلكني واني مقبلت واوسم مقبل وشرط ابويه ع أوسم يطلعني بيت لوحدي واجرلي اوسم شقه قريبه ع عيادته ورجعت اله ومدخلت بيتهم بعد بس عمو يجينه ومرات باهر يجينه هو وزوجته ...وحملت وهمات وحامي متعب ولدت ولد سميته تييم وبعد الولد حملت بتؤم ولد وبنت يوسف وديمه ودانيه كبرت ونجحت من السادس ابتدائي وكولش حلوه ماخذه من دنيا وبارق ومني وبارق الصغير بقه اسمه بالجنسيه اسد وبالبيت بارق صار عمره 9سنوات وتييم عمره 7سنوات والتؤم عمرهم 3سنوات اما صفا مصار عده اطفال والعجيب خالته متكول عنه عاكر مثل مجانت تكول ع دنيا .ومتقبل اوسم يطلكه ومشاكل عمتي وصفا لهذا اليوم مخلصانه منه وكل مشاكل أوسم وصفا تنعكس ع حياتنه ...كل هذه منسيت بارق ابد .واعترف الدلال الي شفته عند بارق مشفته عند أوسم اوسم كلش يحبني بس بارق جان مدللني اكثر منه مجان يرفظلي طلب ...ربي يرحمه هو ودنيا ويقدرني اني افرحهم بتربيتي لدانيه ولسه قلقه من المستقبل من دانيه تعرف اني مو امه وأوسم مو ابوه ياترى شنو ردة فعله .... واسد همات ميعرف اوسم عمه موابوه دائمآ نفكر بالمستقبل ......
دانيه من استشهد ابوهه جان عمره3سنوات وتعودت تكول لأوسم بابا فكبرت وهيه ع باله هو ابوهه واسد نفس الشي لان جان عمره 5اشهر ...
تزوجت مرتين بالزواجتين محسيت بفرحة عروس ولا لبست بدلة زفاف ولا زفه ولا هلهوله ولاحفلة مهر او حنه او سبعه ..معشت هذه الأحساس وبالمرتين اكطع مهر وقلبي متكطع والدمعه بعيني ...
وبعدني لليوم ممرتاحه رغم اني واوسم واحد يحب الثاني لكن بسبب عمتي وصفا ومشاكلهم متخلص شكد مرات اتمنى بارق موجود لان محد ميكدر لعمتي غيره
ربي يرحم كل شهداء العراق.... وتحيه للشهيد البطل ابوبكر السامرائي واكرر اختاريت صورته لان الشهيد بارق واخوه يشبهوله بالشكل وهذا كان طلب صاحبة القصه {رحمه ام اسد}...
.......شكرآ ع حسن المتابعه .....اتمنى استمتعتوا ¥¥¥¥¥¥.الكاتبه #سهير_¥¥¥¥¥¥¥
عذروني بنات النت كوه كدرت انزل كلش ضعيف
