اخذت قميص النوم ورحت للحمام لبسته وطلعت خجلانه واوصي نفسي اتشجع كافي بعد ...اويلي .اويلي حتركوا ال...ع هل خلفه.بارق.حتركوا عشيرته اليله اكون او لاأكون تعالي نروح لغير عالم نسيني حتى اسمي تعالي اظيع بيج وتظيعين بيه..حجيك يخوف..ااس كافي ..لتحجين......
جنت اشوف بعيونه أوسم وبداخلي استغفر ربي وغمض مكدراعاين ع وجه ...كمل كعد ع طرف الجربايه ونطاني ظهره روحي سبحي بدون ميعاين عليه ويفرك بوجه وشعره ...توقعته حيكولي شي اي شي ..رحت للحمام خلصت نفسي بجي ليش ياربي ليش شيصير لو دنيا عايشه شيصير والله احسه ديشوفني دنيا واني اشوف أوسم بعيونه ..من كمل ومعاين عليه حسيته انتبه ع نفسه لان جان يشوفني دنيا..سبحت وطلعت ومعاينت عليه راح للحمام ومنطق بحرف سكته سبح ورجع للفراش نام ونطاني ظهره ..احس العبره دتتكسر بصدري شويه وندار عليه وحظني حظنته وبجيت مسح دموعي وباسني بكصتي وخله راسي بصدره وع نفس السكته .....¥¥¥¥¥¥¥
رجعنه يوم ثاني لبيت اهلي باليل ماما.. رحمه حبيبتي حظرتلكم الغرفه روحي يم زوجج ...لا ماما مروح انام بفراشي الليله ...ميصير بنتي لازم ترحين يمه بعدكم عرسان ميصير روحي يمه.. مروح ابقى بغرفتي انام..رحمه صاير شي بيناتكم.. حظنت امي وبجيت وحجيتله ع الي صار من اول ليله لأخر ليله ...ظلت امي تحجي وتنصح وتعلمني شلون اخليه ينسى دنيا ويعيش ويايه ع اني رحمه مو دنيا واحبه واشغل نفسي بيه وانسى أوسم .....
يوم ثاني بعد الغدى طلعنه لبغداد وصلنه للبيت ظليت ارجف وعيوني متلت دموع اخاف ادخل للبيت نزل فتح باب الكراج واني اتمنى انهزم مريد ادخل للبيت دخلت السياره كلي هسه نور البيت بحبيبة ابوه وامه يالا كمرهم انزلي ...لا مريد انزل...تبقين بالسياره اقفله عليج.ههههه. بارق ذاك الدرج النه ...اي ...منه حنصعد لشقتنه ...لا لازم ندخل نسلم ع اهلنه....لا بارق مكدر ادخل استحي بعدين عفيه ...براحتج بس الافضل نسلم عليهم ونصعد ها ...لا استحي ...صعدت الدرج وهو كدامي ورجليه احس بيه حديد بالكوه اصعد الدرج دخلت للمشتمل كولش حلو ترتيبه واثاثه كوله حلوه والأجهزه بالكارتون بس بداخلي مخنوكه واريد ابجي مفرحانه بأي شي ...حياتي شوفي كلشي جديد كوله بالباكيت انت تفتحيه ع ايديج بس الثلاجه فتحته وباعي مليته كل الي يتمناه قلبج ياقلبي انت .تعالي شوفي غرفتج..لا مريد.احس رجلي متكدر تدخل للغرفه اخاف اشوف دنيا .تعالي..لا.لا.زين تعالي شوفي المطبخ.حلو عاش ذوقك كلشي حلو ..هسه انت رتاحي . غيري ملابسج غسلي واني انزل اسلم ع اهلي واجي ..نزل اتصلت ع امي ..كلتله احس دنيا ويايه بالبيت وظايجه وكارهه نفسي احس ورطت نفسي بشي اني موكده.ورجعت امي تنصحني لازم انسى دنيا وخلي بارق ينساهه ويفكربس بيه ولازم مشمت احد بيا .. اويلي عليج ياأمي الله يعين قلبج توصيني انسى اختي وخلي زوجه ينساهه .....
كلي بارق ترى عشانه يمهم جوه يالا تهيئي حتى ننزل جوه ع مسبح ..جهزتلك الحمام..يطول عمرج ربي😙😙..لبست صايه مشمشي واطرافه جلد النمر كلش حلو دزته داليا الي ومكياج خفيف وبدلت لدندونه ونزلنه وايدي ع قلبي مستحيه منهم وشايله هم من اشوف اوسم ..سلمت عليهم والكل فرحان بيه بس عمتي تجاملني لخاطر بارق واحنا مجتمعين اجه أوسم ختلت يم بارق وحطيت دانيه بحظني وظميت راسي وراه سلم ع بارق وباركله وسلم عليه برود بس شلونج رحمه ودار وجه وراح وكال اني متعشي مريد عشه .. ظجت من سلامه البارد جني البارحه متعشيه وياه ..عزه بعينك شنو هل جمال صاير كارثه ..راح واخذ عقلي وقلبي وياه واستغفر ربي وتعوذ من الشيطان ....
