اجه بابا من الدوام وهمات سئلني نفس السؤال مقتنعه .قرار نهائي. اكوله ...اي كوله اني موافقه...كله ابويه رحمه موافقه بس اني عندي شرط متسكنه ويه اهلك بيته لوحد ..عمو مكدر احطه بيت لوحد لان الوضع تعبان اخاف عليه وشلون من اروح خفر منو يبقى يمه ...شوفلك بيت قريب يم اهلك او يم بيت عمه او خالته وهمه عينهم عليه ...عمو اني مكدر اطلع من اهلي ..لعد عمو امك متخليكم بحالكم هم تتدخل بحياتكم وترجع نفس المشاكل ...عمو بيتنه كبير وابنيله بيت بالحديقه ...وامك ..امي شبيهه...متتدخل بحياتكم ..امي عليه معليك بيه ومسمحله بعد تتدخل بحياتي...اريدك توعدني متمد ايدك عليه ولاتزعله بيوم وتخلي دمعته بعينه مثل مسويت بدنيا...خجلت من نفسي من ذكر دنياودنكت اوعدك عمو ممد ايدي عليه لو شميصير ولا ازعله وربي يقدرني اسعده .هيه مفضله عليه ربتلي بنتي واني امد ايدي عليه تنكطع الايد الي تنمد ع ام بنتي .اني ويه نفسي اكول لو دنيا عايشه مجان سوت لدانيه مثل مرحمه مسويتله .فشلون اظربه لا عمو لتكوله وفضلكم ع راسي مجازيكم ولا اجازي رحمه .عمو مدام هيه موافقه نقره الفاتحه..نقراهه...وقرينه الفاتحه وكمت بوست عمي وعمتي والأولاد ..كالت سراب مدام هيج كملوهه اليوم كطعوه مهر شيخ ..والله ياريت نكطع مهر اليوم واروح لبغداد ارتب اموري وجيت اللوخ اجيب المهر واني حاظر عموالمهر الي تأمور بيه &&&&&
...وتفقوا ع المقدم والمؤخر وكل التفاصيل واني كاعده بغرفتي بعدني بصراع دموعي تنزل بس بداخلي مطمئنه معرف شنو هذا البرود الي بقلبي احس شي بداخلي يكولي لتبجين لتظوجين احس سكينه بداخلي بس عقلي ديغالطه اني طبيعتي كثيرة الكلام ويه نفسي بهذه الفتره زاد عندي كلام النفس احجي ويه روحي واجاوبه بدون صوت الحديث يدور بداخلي احس شي يجاوب شي وعقلي بعده بدوامته مره يكولي تسرعتي مره يكولي اتخذتي القرار الصواب ..واني دايخه بعالمي الخاص ندكت الباب..منو..اني ..لحظه بابا .كمت فتحت الباب ..هلو بابا تفضل ظل قلبي يدووووووك سريع ....تعالي بنتي اكعدي ..اي بابا...سدي الباب لتجي امج...سديته وجيت كعدت يمه حظني بأيد وايد كامش ايدي الثانيه...بنتي اني كتله لبارق يحوطلج بيت لوحد بس هو كال الوضع ودوامه ميكدر بيت لوحد فحيبنيلج بيت ويه اهله موافقه انت...بكيفك بابا...موبكيفي بكيفج انت موافقه...تنهدت .مادري.انت ششوف..اني والله لو بيدي ابقيج يمي ابنيلج هنايه بيتنه وهو ديروح ويجي ويجيج مخليج ترحين يم امه .بس دوامه شلون واكيد هو ميقبل يكولون عنه كعيدي عند نسابته .فقبلت يبنيلج بيت وع شرط امه متتدخل بحياتكم ..هاهيه لعد..وتفقنه ع المهر ويريد يكطع مهر شيخ اليوم نجيب الشيخ ...خفت حسيت نفسي ظاك عليه حسيت دموعي دتنزل بصدري ..ها بابا نجيبه الشيخ هسه ...اااااه...اااا.....ببببكيفك بابا😕😕😢😢يالا بنتي شايفه الخير وحظني وباسني وحظنته وبجيت وطلع ابويه وحظنت المخده وظليت ابجي بحركه ورجع حديث نفسي .ليش تبجين اذا ظايجه ليش مرفضتي ..لا موظايجه.بس لو جان يسألني عن أوسم جان جاوبته اي موافقه نكطع مهر هسه وبدون تردد .بس اوسم ميريدج.وهذا يريدج...هذا لان مربيه بنته يريدني لا أكثر ..وبعد فتره اندكت الباب ..جتي امي وسراب حظنت ماما ودموعي مثل المطر بوستني وكالت كومي غسلي وجهج اجه الشيخ وغيري ملابسج سراب كومتني اخذتني غسلتلي وجهي جني طفله وتحجي ويايه وتحاول تلطف الجو سراب حبابه كلش وطلعتلي لبسه ..هذه كلش حلوه عليج البسيهه لبسته وكعدت ..يالا بسرعه هسه يدزون عليج افتحي شعرج اروح اجيبلج مكياج مني ..وجتي تمكيجني وبعده حديث نفسي مستمر وشويه واجه مروان وعيونه حمره معرف دموع معرف شبيه رحمه يالا كملتي ...اي .اي كملته لبست شال كبير ع راسي ونزلت امي واني وراهه كعدت بالصاله اجه الشيخ وبارق وابويه واخوتي واني مدنكه واحس بودي انهزم من نفسي ودموعي تلعب بعيوني واحاول اكمشن مخليهن ينزلن وبدوا يحجون واني احجي ويه نفسي نفس الحدث من سنين ديتكرر .التاريخ يعيد نفسه. بس هل مره اني البطله مو دنيا والفرق جان الكل فرحان هسه الكل ظايج الفرحه بس بعيون سراب.. ودانيه تكمز بالوسطه متعرف شنو الفلم ذكرتني بنفسي بمهر امه وابوهه جنت طفله واكمز وفرحانه واجمع جوكليت من الكاع ويه الجهال وسمعت ابويه يكولي رحمه بابا دفظيه وكولي نعم ...شنو..الرجال قلبه نكطع عاد عليج بالعشر مرات كولي نعم اقبل والدي وكيلي..نعم اقبل....موهسه من يرجع يعيد...خجلت من نفسي وكمشت ايد ابويه حييل بديه اثنينهن واريد اكوله هزمني مريد اتزوج مريده اني كذابه مموافقه ..
وعاد الشيخ كلامه وهمس أبويه بأذني جاوبي كلت نعم""""وكمل ويه ابويه وبارق وبعده بده الكل يباركلنه ويندعون النه الكلام المعتاد الي ينكال بمثل هل لحظه واني رحت بغير عالم رجعت للدوامه تالي انتبهت محد مموجود يمي بس بارق ودانيه وين البقيه معرف..
بارق:.........رحمه..رحمه.......ننننعم... صار شكد احجي ياج وانت ساكته وين وصلتي
..موصلت..ودنكت ظل بارق يحجي ويايه واني عقلي شارد بالي مو يمه اتمنى الي كدامي أوسم مو بارق...مسمعت ولافهمت كلمه من كلامه وعفته وهو يحجي وكمت رحت لغرفتي قفلت الباب وظميت راسي جوه المخده اريد انام اريد ابطل تفكير ذبحني التفكير ونمت بملابسي هو اني نمت لامنمت عقلي صاحي اعاين ع الساعه 11ونص معقوله اني نمت كل هل وقت لا يمكن الساعه مخلصه بطاريته غيرة ملابسي وطلعت الكل ماكو وين رحت للمطبخ الضوه طافي لكيت الكل نايم والساعه صحيحه يعني اني نمت كل هل وقت صليت مغرب وعشى وطلعت محاظراتي ادرس يوم ثاني الصبح جتلي امي كلتلي البارحه جيت دكيت الباب شكد مفتحتي قلقت عليج...تعجبت ع نفسي شلون نمت نومه عميقه بس احس اني منايمه..وكالت بارق راح لأهله ..داومت ومكلت لصديقاتي انخطبت وكطعت مهر اخجل اكول انخطبت لزوج اختي واني جنت مسولفتلهم عن أوسم ...نحلم بمستقبل مثل منتمنى وتالي ننصدم بالقدر .
....يتبع
