عمو جان كلش فرحان بيه وبدانيه وبارق شكله طاير من الفرحه ممصدك دانيه كدامه تلعب بيت اهله وهمات فرحان بيه وينظرلي بعجاب وكل شويه يكولي المشمشي والنمر حيخلوني اعييط... بس عمتي شكله بعده نحيس وطول الكعده تنظرلي بنظرات موطبيعيه وأوسم صعد منزل بعد وظال بالي سلامه البارد حتى مباركلي كملنه عشه جان العشى كوله من بره باهر جايبه رحت للمطبخ اني ونجوى زوجة باهر مقبلت اسوي شي كلتله لعد احظر الجاي كمل الجاي صبيت جاي واخذته الهم واني طالعه من المطبخ نزل أوسم تقابلنه وجه بوجه نظرلي بنظرة معرفت افسره وراح كعد يمهم رجعت للمطبخ قلقه خايفه من نظرته صبيتله كوب جاي وخليته بنفس الصينيه واستجمعت قواي واخذت الجاي ورحت قدمتلهم عمو اول مأخذ الجاي ظل يندعي الي ولبارق عمتي اخذت وهيه ساكته باهر اخذ وكال تسلمين ام دانيه وصلت بارق اخذ وبتسملي عاشت ايدج ام بنتي وصلت لأوسم وايدي ترجف وقلبي تخربطت دكته ونار صارت بجسمي وعركت وبداخلي اكول شحيكولي اخذ أوسم الجاي مكال ولاكلمه وخله الكوب ع الطبله صاحلي عمو تعالي اكعدي أشر ع مكان بينه وبين بارق كعدت عمو خله ايده ع كتفي وظل يمدح بيه وبالجاي ويسأل عن اهلي ..عمتي كالت والله كبرانه رحمه الدلوعه وصايره مرآه وتعرف تسوي جاي الصدووك توقعته مطيب لو نجوى مسويته متوقعتج انت ..بداخلي كلت بدت بثه عمتي اشتغلت البسامير مالته ..ابتسمتله وكتفيت بارق رد عليه وسكته وظل عمو يسولف ويايه واني بالي يم أوسم وخايفه من بارق كل ظني بس عيني تجي بعينه يشوف أوسم بعيوني اوسم نسحب بصمت من الكعده ومشرب الجاي...بعد ساعتين همس بارق بأذني اخذي دندونه نوميه وتهيئي اخذت بنتي وصعدت وخايفه اوصل يم غرفة أوسم ويطلع واشوفه شميت ريحة جكاير طالعه من غرفته نصدمت معقوله اوسم صاير يدخن دخلت لشقتي وبالي باقي يمه نومت بنتي وتالي اجه بارق ظجت منه مريده ظليت اتحجج ببنتي ...رحمه دندونن نايمه تعالي...لا بعده منايمه ..كل متغفه دانيه اكرصه او احركه حتى تكعد غرفة دانيه بداخل غرفتي..كافي نامت تعالي ..اخذت سيت نوم ورحت للحمام اغير ملابسي مقبل اطلع بدلي كدامي ..بارق تعرفني اخجل منك..لويش مو زوجج ...اي زوجي بس بعدني اخجل...متطلعين تغيرين كدامي ...أهووووانت ليش تلح خليني براحتي ...رحمه أهووو مريد اسمعه مره ثانيه وعناد لتعاندين..ممعانده اني انت تعاند... رحمه لتستغلين طيبتي وياج .هاااا بديت.بديت شنو.. بديت تطلع ع حقيقتك ..حقيقتي..اي..شنو هيه حقيقتي..صوته نبرته تخوف ونظرته حاده..ماكو شي..ليش غيرتي احجي شنو حقيقتي ...خفت من صوته يحجي بحده ويايه ..رحت يم بنتي نزلت دموعي بسرعه ورجعت احجي ع نفسي همات جفصت وياه شلون بيه معرف اتصرف هو عصبي واني ثوله...شلون بيه ياربي دنيا وأوسم حيدمرولي حياتي طلعهم من عقلي حتخبل غيرة ملابسي وطلعت لكيته ماكو بالغرفه سمعت صوت الTvعرفته بالصاله طوخت الحمره وتعطرت وعطرت الغرفه وطفيت الاضويه وعلكت اظوية النوم وطلعت لبارق لكيته متمدد ع القنفه رحت كعدت يم رجليه دلكتهن وكتله همات زعلت عليه...مزعلت... شبيك لعد ...هاي شبيك بعد لتعديه امحيه من قاموسج.. والشي الي انهيج عنه متكرري مره ثانيه..سكتت والدمعه اخ منه الدمعه تحظرت بسرعه كمت اروح للغرفه سحبني من ايدي ونومني ع جسمه ...شطالعه تردين تموتيني ... بوسني صالحيني ...موكلت مزعلان ...مزعلان بس ظجت من حجايتج...شتسوينلي الليله حتى ترظيني ...بكيفك..اركصيلي...معرف ..ممعقوله هذه الخصر المنحوت ميعرف يهز يالا كومي اركصي ...¥¥¥¥ بعده رحنه للغرفه تذكرت دنيا وأوسم تجمدت مشاعري...رحمه شبيج جنج خشبه.جايبج صخره خوموصخره ...اي شسوي..مغمضه عيونج فتحي كولي احبك كولي اي شي .بادليني نفس المشاعر ...بارق اني احس هذا الشي يخصك انت بس ميخصني .. ماكو هيج شي ..مثل مالرجال يحتاج هذا الشي المراه تحتاجه
وظل يشرح ويحجي ويحاول يقنعني بالموظوع ..واني بالي مو يمه..مكدر اكوله مخنوكه من المكان صوت دنيا بأذني من دخلت لسه ونظرات أوسم وبروده ممفاركه عيوني...
بقيت فتره جامده ويه بارق احاول احبه بس من أشوف أوسم تتخربط اوضاعي وأوسم حييل جاف ويايه وجنه ميعرفني ولا متقابلين قبل.واذا سلمت عليه يرد من وره خشمه..بديت اظوج منه حسيته متكبر ومغرور يمكن لان صاير دكتور..جنت اخاف من صوت الطياره الأمريكيه جانت تمر بسرعه وصوته عالي يخمش القلب همه متعودين عليهه بس اني وبنتي كلش نخاف منه وثنينه نركض ع بارق نختل بحظنه من تجي وهو يفرح يكولي صرت احب صوته اعرف حتجيني حظنه سريعه ومرات اني جوه يمهم نركض ع عمو بنتي تحظنه واني اكمش ايده حييل وعمتي تشتغل عليه تصنيف وظحك ... واذا شافتني اركض لحظن بارق احسه تدخن قلبه يعطب واذا مرن طيارتين يعني اطوول بحظنه وهو ميصدك بعد ميتركني....
¥
¥¥¥¥
