بالفاتحه احس النسوان بعالم واني بعالم ثاني حاظنه ملابسه وحجي وياهن ...وكل شويه يغمى عليه ...وابني تمرض لان ارضعه واني نفسيتي زفت وامي محتاره بجهالي ...وبعدني اتمنى كل هذه كابوس هسه اصحى منه ويرجع بارق ... كملت العده بشقتي وامي يمي هيه الي مداريتني اني وجهالي واني ..حتى المي مشتهي ورجعت احجي ويه نفسي بدون صوت """كلام نفس"""" يعني واحجي ويه بارق ويه دنيا اااخ يادنيا اشتاقيتي لبارق واخذتيه مني عفتيني للهم حملني هم طفلين ظحيت بحياتي حتى لا دانيه تتيتم تالي تيتمت مرتين. بس زدت همي تعلاوه اكابل ملابسه وصوره واحجي وياهن واللوم نفسي لان جنت متعبته بالبدايه ولان جنت اتحجج اني تعبانه او نايمه ..موبس دانيه وأسد تيتموا حتى اني اتيتمت .افتح اللابتوب مالته وفتح صفحته وشوف صوره هو واسد ودانيه وسمع اغنية لاترحلين من بعدج يموت ورد الياسمين.. جان يحب هذه الأغنيه.... ¥¥¥¥¥
خلصت العده وسافرت امي وبقيت بشقتي يم عيالي عايشه بألم بوحدتي وذكرياتي وصوت بارق ميفارك اذني كل شويه اسمع صوته يصيحلي كمرهم لو رحمتي كل جزء بالبيت يذكرني بيه والكل بالبيت صارو يسموه لأسد بارق .....
وفد يوم عصريه كاعده بالحديقه اتذكر من جنت اكعد بالحديقه اني وبارق وهويلاعب جهاله اجتلي عمتي خطبتني لأوسم!!!!!!انصدمت مجنت متوقعه ابدااااآ ....رفضت...ورفضت....ورفضت...مقبلت تزوج غير بارق ورجع عمر ابن خالتي خطبني ورفضت وخطبني احمد ابن عم بارق ورفضت ...عمو صحته تعبت وصارت عنده 3جلطات بأسبوع واحدوهو بالمستشفى بالعنايه المركزه طلب يشوفني ...رحتله واخذت جهالي كمش ايدي وكلي اذا تحبيني وافقي ع أوسم...بقيت فتره طويله افكر ....اجووي اهلي وظلوا يقنعوني اوافق كلتلي امي تذكرين من حلمتي بشحاطه متشابهه ولونه مختلف لبستيهن ومشيتي بيهه سئلتيني وكتلج قسمه ومكملت تفسير هذه القسمه بارق واوسم يتشابهون بيناتهم اختلاف بسيط وهسه اكولج وافقي ظحيتي لخاطر دانيه هسه ظحي لخاطر ابنج ولخاطر نفسج الي جانت تتمنى اوسم . ترملتي وبعدج صغيره...بس هسه مريده ملي نفس بيه اساسآ من اشوفه قلبي يتكطع اشوف بارق بوجه واسمع صوت بارق بصوته حتى ظليت منزل جوه ...
...وجان باليل احلم ببارق لابس دشداشه بيضه وشكله مزادد جمال واجه عليه اخذني من ايدي جنت واكفه تايهه بوسط شارع اخذني من ايدي وصلني لراس شارع واكف أوسم خله ايدي بأيده وراح بدون ميكولي اي شي...فزيت ابجي بعلو صوتي حظنتني امي سولفتله الرؤيا كلتلي بارق قلق عليج فأخذج لأوسم حتى يحميج متعرفين المستقبل اظاملج وافقي ماما وريحيني... .....يتبع
