بقينه اسبوع بغداد وتالي رجعنه لتكريت تمنيت دنيا بيته لوحد حتى ابقى يمه ورجعت اسولف بسوالفه ويه نفسي وتعلق بيه اكثر واكثر ..
دنيا☆هلكت من التعب بالعرس وبعد العرس وعمتي مراضيه عليه وبارق كل عاده ميحب اشكيله واذا جاوبت امه ميقبل ويزعل عليه وبعد شهر من عرس باهر نجوى طلعت حامل وعمتي ممصدكه طايره من الفرح وتبسمربيه و وزاد همي وكأبتي ونجوى تتوحم واني لازم اداريهه وغسل ملابسه وملابس زوجه واشيل وحط كدامه ومتحملت بزعت روحي وبارق عصبيته زادت ويايه وميتحمل مني حرف وكل يوم عركه ويايه وره ميطلع من البيت تستلمني امه بالأهانه والعارات وصاربارق يمد ايده عليه اكثر وأكثر ومرات يكابلني ويبجي ع بجيي ومرات يطردني من البيت ويكوله لأوسم اخذه لأهله ارجع مشوف خلقته بالبيت وروح زعلانه لأهلي يومين والثالث بارق من الصبح يجيلي يعتذر ويوعدني بعد.ميزعلني ويكولي اني احبج فتحمليني لان نفسيتي تعبانه ورجع وياه لنفس المعاناة والتعب ومره اني أواسيه ومره هو يواسيني .. وهمات نرجع نختلف ومره اروح زعلانه لبيت عمي او خالتي او اروح لأهلي ومرت بعد اشهر واشهر وسنه وسنتين واني وبارق نتأمل يصير عدنه طفل يحينه من جديد وحتى نخلص من كلام الناس وامه تلح عليه يتزوج وهو يرفض لان ميريد يكسر بخاطري وباهر صار عنده بدل الطفل اثنين . واختي داليا تزوجت بدبي وهمات صار عده اطفال اثنين ..والله مغار منهم بس انقهر ع نفسي اتمنى اعيش احساس الأمومه#سهير صارت الناس تظم عني جهالهم خاف احسدهم والي تحمل متكول اني حامل وتعبت حييل وصلت لمرحله كتله لبارق طلكني وتزوج ...لادنيا لتكوليه ترديني اموت ...لااريدك تعيش احساس الاب جائز ربي قاسملك الذريه من غيري روح تزوج وخللف احسن ميخلص عمرك ويايه بالأنتضار وظليت الح عليه يوميه طلكني وتزوج وهو يرفض ومرات يزعل عليه يومين اكثر ..وتمرضت حييل وتعبت نفسيآكتله وديني لأهلي بارق اني تعبانه محتاجه ارتاح كم يوم واخذني لأهلي بالطريق انتهيت حييل تعبت مصدكت اوصل للبيت وشوف اهلي لان حسيت نفسي حموت وصلت لأهلي منتهيه من التعب العصر لحت عليه ماما تاخذني للدكتوره كلتله تعبانه مبيه اروح باجر العصر نروح ويوم ثاني رحت للدكتوره وسوتلي تحاليل وكعدت انتظر النتائج واني نايمه ع كتف امي مكدر افتح عيوني ..
