بديت احبه لبارق واحسب الدقائق لجيته وهو مغركني بحبه ودلاله . يوميه يجيبلي الغده من بره ميقبل اطبخ ميريد اوكف بالمطبخ والجو حار واتعب صدووك مخليني أميره وامه متخبله تكولي انت كاعده بالعش مثل العصفور وهو يحمل الج بهل المسواك اديه راحت من التعب ومرات تكوله شدعوه هيج متخبل عليه المرآه اذا الرجال دللهه زايد تركبه وهو ميديراله بال او يرد عليه رد يخليه تلصم.. ومره بارق خفر واني بغرفتي جيت اتصل ع بارق ملكيت موبايلي تذكرت اني تركته جوه يشحن وصعدت .جنت لابسه دشداشه قصيره لبست عليه روب ولبست شال ونزلت وادور ع الموبايل و جان تنطفي كهرباء السحب وتجي الطياره والكل نايمه وركض معرف وين اروح وظلمه انصدمت بشي عطت بصوت وارجف وتعوذ من الشيطان واريد اتحرك.رجليه ماتت من الخوف . تلمست الشي هذا انت عمو وصوتي يرجف..لا مو عمج هذا اني .... حظنته بقوه وظميت راسي بصدره من الخوف حياتي خوفتني شوكت اجيت ..اسمع بس النفس .حبيبي.شوكت اجيت..شعندج نازله ..حسيت نبرة الصوت شويه تختلف .ابتعدت واحس قلبي حيوكف..انت منو..اني أوسم ..هيييي عزززززه.اسفه والله ع بالي بارق..شعندج نازله..اااااه..امممم.نزلت ادور موبايلي...ولكيتيه....لاملكيته...من كد الخوف دخت معرف نفسي باي جزء بالبيت ظليت اتلمس بالحايط لحد موصلت للدرج وركض ع الدرج خلصته برمشة عين قفلت الباب وظليت ادك ع وجهي عزززه بعينج.اسويتي .بعد موبايلي منزله جوه ...اريد انام مكدر رهبة الموقف ببالي مكدر انساهه بقيت بعده اخجل انزل جوه واذا نزلت الا متأكده أوسم مموجود بالبيت ...
¥¥¥¥¥¥
بارق:كمرهم ...نعم...اليوم شكلج معاجبني. شبيه الحلوه..تعبانه احس حراره بجسمي ومعدتي تغلي ودوخه بعيوني ...اخذج للدكتوره...لا...لا شنو هسه اتصل ع أوسم يحجزلج عند الدكتوره الي يمه ...لا مريدهسه اصير احسن...كومي غيري ملابسج ولتعاندين وجهج اصفر وحتى عيونج صار يومين منتبهلج انت موطبيعيه.....اتصلت ع أوسم حجزالج ...اوه مبيه اروح اريد انام....كافي نوم صار يومين انت بس نوم يالا بسرعه وين ملابس دندونه اني اغيرله وانت بسرعه دنلحك قبل متطلع الدكتوره شوفيه غربت الدنيا....
رحت للدكتوره حالتني للمختبر سويت تحليل وطلعت انتظر النتيجه ونعسانه مبيه افتح عيوني وبعد ربع ساعه صاح بأسمي كام بارق .... واشوف بارق يطلع من يم المحلل ويرجع يحجي وياه وعيونه حمره وشكله معرف اوصفه ...اجه يمي وعيونه بورقة التحليل ..هااا شنو؟؟؟ عندي تيفوئيد..😕😕😕 لج كومي ياتيفوئيد انت حامل ...والله صدووك...وعيونج...تعالي نروح لأوسم تاخذين سونر اريد اشوفه...لا مريد.استحي..تعالي..ماريد نروح لغير دكتور سونر مريد أوسم ..مو أوسم جهازه حديث ..ما.ماريد. مجنت ممخبوصه بالحمل مثل بارق جان ممصدك فرحته متنوصف ورحنه لغير سونر دكتوره جانت وبارق مركز بالسونر ممصدك ديشوفه وهو عمره ست اسابيع بس واخذ الصوره وعلكه بالسياره رجعنه للبيت طول الطريق يبوس بأديه رحمه انت اسم ع مسمى يابا اذا طلع ولد شسويلج الا اخلي الكل تسولف بالي اسويه الج..سويلي شي واحد بس..واحد بس كولي اشياء..بس شي واحد تطلعني بيت لوحدي...تتدللين بس ولدي بسلامه وهديتج بيت ...والله...ليش الي بيته لوحده احسن منج..رحمتي حامل ياربي مجازيك ع هل نعمه ..كمرهم ممشتهيه شي ..لا.ابد...فكري اريد تشتهين فد شي مموجود وادوره الج اريد اعيش هذه الاحساس ..ههههه..وين يعجبه تتعشه ام جهالي ..بمطعم صمد...صمد.صمد. تتدلل الحلوه...نزل العشى اشكال بس مشتهيت اي شي اريد بس انام ...ناخذه سفري خاف بالبيت تشتهين تاكلين...اي اخذه ...اخذنه العشى ورجعنه للبيت صعدنه سويه للشقه مالتنه وهو خايف عليه من الدرج ويكولي اصعدي ع كيف بايه بايه واني اظحك عليه يمعود شدعوه قابل ملصوق بعلج ويوكع من الدرج... اي اخاف عليج وع أسد ....اسد منو...ابني الي بطنج ...ليش متأكد ولد...احساسي يكولي ولد...ان شالله بس شنو هذه الأسم اسد قلة اسماء والثاني نسميه نمر لو فهد هههه...احب هذه الاسم وحتى بالدائره كوله تسميني ابو أسد...أاااخ ع اسد وامه .رحمه احبج بكدرحمة الله ....ع كيفك لينمرد اسد بطني بالراحه ياراكل ....اي والله لينمرد اسودي عذرني باباتي حظنتك حييل ..عمي ذكريني ترى انسى واحظنج بقوه خاف تتأذين .انزل ابشرهم واجيج .ونوميه الوكيحه حتى نشوف دربنه.مواااااه..مواااه... ¥¥¥¥¥¥¥
.
.نزل بارق يكولهم واني غيرة ملابسي ونومت بنتي ونمت ..اجه بعد ساعه تقريبآ ظل يحاول يكعدني اني سويت نفسي نايمه نومه عميقه... جنت دائمآ اتحجج اني نايمه بس اريد انهزم من ذيج الشغله....
بعده بدت معاناتي ويه الوحام وحامي جان قاسي وكرهت بارق مشتهي حتى اسمع صوته اكره ملابسه عطوراته كولشي يخصه اظوج منه ..احبه واشتاقله وهو بالدوام يجي يمي اتكهرب منه وبس اتقيأ حييل تعبت ودخلت مستشفى وتالي طلعت للبيت وبقيت ع المغذيات وبارق يصيحلي أوسم يحوطلي الكانونه ويتابع المغذي جنت اخجل من أوسم بس مظطره احسن مروح للمظمد ولان جنت حيييل تعبانه مبيه امشي مجنت اكل ولا اشرب وبده أوسم يلين ويايه شويه ويشجعني اكل لان صار عندي جفاف ويجيبلي علاج ومغذيات ومتألم ع حالتي ويتابع ويايه نصائح الدكتوره ....
....يتبع
