وافقت ع أوسم وبقلبي غصه نفس احساسي من خطبني بارق جنت احس نفسي مذبوحه والعبرات تتكسر بصدري ..كطعت مهر وقلبي متكطع وكل شويه ابجي التاريخ يعيد نفسه ويايه نفس الالم بالمرتين عروس مذبوحه... صعدتلي صفا زوجة أوسم وعيونه بيه نارو مخلت كلمه مكالته عليه واخر شي جتي تطلع وكفت بالباب كالت خلي بالج أوسم متزوجج ميت ع خلقتج أوسم يموت عليه امه خطبتج اله لخاطر الجهال خاف تاخذيهم وترحين تتزوجين وتحرميهم منهم وهو قبل يتزوجج بشرط.شرطته عليه اني وخالتي ان يبقى زواجكم ع الورق بس ولما وافق بهذه الشرط وافقت ع زواجكم فلتفرحين .مبقينج هنايه مربيه للجهال لا اكثر...نصدمت بالي سمعته ....
..مرت ايام وايام وأوسم ميحجي ويايه غير شلونج ام بارق اومحتاجه شي ام بارق..وحتى اذا جابلي مسواك يوديه الي بيد اولاد باهر ... وبدت معاناتي ويه عمتي وصفا اثنينهن متحدات عليه عمتي متكولي جهالج ابد تكولي جهال بارق ..جهال بارق اكلوا..جهال بارق ناموا شربوا..وهكذا ابد متكول جهالج اكلتيهم شربتيهم...تأكدلي كلام صفا انو مبقيني مربيه لجهالي وفد يوم جان رمضان وقبل الفطور واني صايمه كلتلي عمتي اغسلي الزوالي ومقبلت وهدت عمتي السانه عليه واني مسكتت رديت عليه لان وصلت لمرحله مكدر اسكت قلبي محمل عليهه وروح اخذ جهالي واطلع من البيت معرف وين اروح امشي بالشوارع مريد اروح لاي احد من كرايبي خاف يرجعوني امشي وشكي حالي لبارق من جان عايش محد ميكدر يفتح حلكه ويايه صدووك جنت اميره وهسه مربيه اذن المغرب والشوارع فرغت رحت كعدت بمطعم جان بارق ياخذني اله طلبت فطور لخاطر دانيه اني مأكلت طلعت موبايلي من الجنطه لكيت باهر متصل عليه و زوجته وعمو ورقم غريب متصل هوايه وراسلي رسائل فتحت الرسائل طلع أوسم يكولي جاوبي اني أوسم مجاوبته صارت الدنيا ليل وجهالي ناموا واني معرف وين اروح اتصلت ع مروان بس كتله الو كال ليظل بالج صارت احسن مريومه سويت نفسي اعرف بنته مريضه سئلته عنه كال هسه طلعت من العمليات وليظل بالج نهيت الاتصال وياه واني داانهي الاتصال فتحت خط ع باهر اظطريت اجاوبه وظل يحجي ويايه وقنعني اكوله اني وين كتله بالمطعم وكال دقايق واني يمج....
اوسم جاوبتني رحمه بالمطعم اروح اجيبه اني انت متجي ويايه ....شلون مااجي اني اريد اطير اله هسه وكتله كتله متنساهه طول مهيه عايشه ...بروحه لبارق متمد ايدك عليهه.... اروح وياك.... متروح اني اجيبه واجي...
.اجالي باهر ورجعت وياه وحجيته الي صار وعدني يوكف ويايه وميخلي احد.يتجاوز عليه ولا يغثني بكلمه وكلي اذا اوسم حجه ويايه مجاوبه لان هو خايف عليه ...وصلنه للبيت. اوسم واكف بالباب وشكله عصبي فتح الباب دخلنه اول منزلت من السياره انهال أوسم عليه بالظرب بالكوه خلصني باهر من ايده ..وباهر يكوله موحلفتك بروح المرحوم متظربه ...طالعه والوضع تعبان رياجيل كاعده بالبيت وهيه طالعه تريد تجيبلنه العار ...نصدمت من كلامه صعدت للشقه وصعد باهر ويايه ....رحمه عذريه لأوسم ترى اعصابه مندمره عليج ..رحمه أوسم يحبج ....تهي بهييييي...يحبني كل هذه الظرب والعذاب وهو يحبني...والله يحبج .....
يتبع......
