تزوج اوسم صفا بنت خالته وعيوني تراقبهم ..صفا متخبله ع أوسم وهو موبحاله احسهم كل واحد بوادي واكثر من مره اسمع عمتي تحجي وياه توصيه عليه او تكوله طلعه عشيه بره غديه شوف بارق شمسوي لرحمه شوف باهر شمسوي لنجوى وهو ميديراله بال يتركه تحجي ويطلع ...واذا شافني يكولي زحمه شلونج..زحمه...اي زحمه...ليش زحمه مورحمه...موانت حامل فالراء صارت فوكاه نقطة صرتي زحمه...ههههه.
¥¥¥¥
دخلت بشهر التاسع ورحت لأهلي اولد ...يوم 3.4.2008ولدت ولد وسميته أسد ع اختيار بارق...بارق ممصدك اجه الولد وكأنه اول طفل يصير عنده وخايف عليه ويوصي ماما عليه وفرحة اهلي متنوصف حتى اهل بارق كوله فرحانه بأسد..واسد كولش حلو وهوايه يشبه بارق ...كملت 40يوم يم اهلي واجه بروقه اخذني لبغداد رجعت لنفس الشقه ورجعت احب بارق اكثر من قبل وهو يحبني اكثر من روحه جان يكولي احبج اكثر من النفس اساسآ انت هذا النفس الي يصعد.وينزل بصدري ويأشر ع صدره ...رحمه فرحان بيج لان متغيره هوايه صايره لينه ويايه وحبابه ومطيعه وبطلتي الخبالات....ههههه....خبالات...جنتي مرات تقفلين ...بس هسه لا صايره ورده ...بروقه..عيونه...شوكت نطلع بيت لوحدنه...بس اصبري عندي قطعتين عرضتهن للبيع ابيعهن وشتري قطعه بمنطقتنه وابنيه الج ع مرامج...تبيع قطعتين ...اي مو اثنينهن منطقتهن موهلكد ميجيبن سعر زين وحده بالثعالبه واللخه بالراشديه ....ابيعهن وشتري يمنه بالسيديه وبنيلج بيت كمرهم بس اصبريلي ......
كبر اسد وصار عمره 3اشهر وبارق متخبل عليه ويصور كل حركاته ونومته وكعدته جان وقته الفيس شي جديد وينزل صوره ع صفحته ع الفيس جان بارق يفتح نت ع المودم وعنده لاب توب ازوزو اشتراه من عمان .....من جان بارق يروح للدوام افتح الفيس وشوف صفحة أوسم جان دائمآ ينزل اشعار حزينه واغاني هيثم يوسف الحزينه كذابه وماأريد اعتب عليك ....صفا مستقتله ع الحمل وكل متشوفني تكولي أوسم يتمنى احمل واني متأكده هذه امنيته مو امنيته لان هو ولا دايرله بال حتى يهتم اله حملت اولا ...اوسم غير اسمي من زحمه الى نعمة الله ...ليش معرف ....
¥¥¥¥¥
بيوم 18.9.2008جان خميس وبارق خفر واني كاعده باليل انوم أسودي اتصل عليه بارق...الوووو...هلو حبيبي شلونك....الحمدلله ...شدسوين دنوم ابنك شلع قلبي مينام لان نام المغرب وعيوني قفلت اريد انام....لالتنامين هسه جايج...صدووك...وعيونج هسه حطلع من الدائره ....شعجب..موتغير جدول الشفتات وحطلع هسه من الدائره وعندي استراحه 4ايام ترحين لأهلج...صدووك لو تشاقه...والله شبيج...طبعآاقبل...يالا لعد ونسيني الليله حتى اشوف اخذج باجر لو لا بقت عليج يعني انت وشطارتج....تعال وشوف ....اويلي عليج جايج واشوف وموتكولين نعسانه واريد انام الليله خميس ماكو نوم الليله صباحي .نومي الفصاعين وتحظري.ان شالله نص ساعه واني يمج....انتظرك حياتو ااموووواه....امووواه...احبج ..حتى اني كلته بدلع .....
نومت جهالي وهيأت اجواء الخميس وسبحت ولبست وتمكيجت وكعدت انتظر بارق يجي مرت ساعه ..ساعه ونص وبارق ماكو اتصل ميجاوب ...يتبع
