حسيت نفسي رجعت اتعلق بأوسم واظوج من بارق ....اتصلت ع امي كلتله تعالي اخذيني ...جتي ماما واخذتني يمه بارق مقبل بالأول لان ميكدر يفاركني ويفارك دانيه بس تالي قبل لان اني كلش تعبت من الوحام لدرجه حتى دم اتقيأ وخصوصآ من اشوف بارق او اشم عطره حتى ملابسه كرهتهن وهو بالدائره احبه يجي للبيت احس نفسي مخنوكه منه...ورجعت امي تنصحني شلون اتعامل ويه بارق ومنطي عقلي فرصه يرجع يفكر بأوسم وتقنعني هذا الاحساس تجاه بارق ينتهي ويه الوحام وبعدين ا رجع احبه وتتقبله نفسي مثل الأول...بقيت عند اهلي .لحد نهاية شهر 4بالحمل تحسنت رجعت لبارق ورجعت احبه واشتاقله وبدت بطني تكبر وبارق ودانيه يسولفون وياهه ...وأوسم خطب بنت خالته وبدت تجهيزات العرس مالته واني معرف شنويصير بقلبي ياربي شبيه اني شعليه بيه يتزوج لا اني احب بارق ليش ظايجه من زواج اوسم مليت التفكير بيه يفرض نفسه عليه ....تزوج أوسم بدابة سنة2008 بيوم العرس جنت حييل متكأبه والدمعه بعيني وامي تحجي عليه ...ماما مدري شبيه احس نار بصدري امي معرف شلون اوصفلج احساسي من فرشت فرشة العرس بأديه ونظفت الغرفه هذه الغرفه المفروض الي..اني الي جنت احلم بأوسم ليش ماتت دنيا ليش ...ماما كافي بعد حرام تحجين هيج اوسم ممقسوملج و بارق ممقصر وياج بشي ... امي اعرف واني احبه لبارق بس نار بصدري من وره أوسم موبيديه من خطب لسه واني اعصابي تلفانه شلون بيه من اشوفه منا وجاي هو ومرته والله تعبت اريد اعيش ويه بارق بمكان بعيد مشوف بيه أوسم لان من اشوفه مشاعري تتخربط موبيدي والله موبيدي اني احب بارق مريد افكر بأوسم اريده يطلع من عقلي ....هسه يطلع من عقلج.تلتهين بطفلج وتنسين حتى امج ...وكل متذكرينه تعوذي من الشيطان ...وبلكي صدووك يطلعج بيت لوحد وترتاحين من التفكير....يتبع
