The Creepy Statue of Kasandra 2 'The Model"

Final Chapter

Makalipas ang ilang dalawang buwan?
Araw ng kasal..
Nasa simbahan na si Jerico at ang mga bisita, naimbitahan sila Jake at Gail na kagagaling lang ng Italy.

...

Hinihintay ni Jerico si Assunta sa loob ng simbahan.

At ilang sandali pa ay dumating na si Assunta sakay ng magarang puting sasakyan na pangkasal.

At pumasok na ito sa loob ng simbahan kung saan naghihintay si Jerico at pamilya nito.

Gumandang muli si Assunta, pumuti ito at nawala ang mga pilat sa balat at kuminis din ang balat nya, ngunit hindi ito kasing ning-ning ng pag gamit niya ng benditas, pinasuri ni Jerico si Assunta sa mga ekspertong mga dermatologist kaya gumanda si Assunta.

Habang naglalakad sa aisle si Assunta ay naalala niya ang sinabi ng kaniyang ina bago ito mamatay.

"Anak, kung may mabuti kang kalooban at kung totoo ang pagmamahal na nararamdaman mo kay Jerico at ganon din sya sayo ay may maidudulot ito na kabutihan para sayo."

"Ano po yun inay ?"

"Hindi ko masasabi ngunit nararamdaman ko dahil malinis ang iyong kalooban, kaya tandaan mo maaari ka pa ring maging maligaya anak."

Masayang sinalubong ni Jerico si Assunta at humarap sila sa dambana...
Labis na kaligayahan ang kanilang nararamdaman ng mga sandaling iyon

Ngunit ........ kahit hindi imbitado si Lara ay dumalo ito.

Nakaupo si Lara sa likuran nila Jake at Gail, nasa harapan naman nila Jake ang mga naging kaibigan ni Assunta sa bording house na sina Loisa at iba pa, nandoon din sina Elena at Oscar , masaya silang lahat para kay Assunta.

Nakatingin si Lara ng masama sa mga kinakasal, masamang masama ang loob niya...

"Akalain mo, despite of everything, pinakasalan pa din siya ni Jerico, ang galing no wagas na pag mamahal talaga!" Sabi ni Gail.

"Oo nga, hindi man siya kasing sutla ng dati hindi nagbago pagmamahal sa kaniya ni Sir Jerico"

"Saan kaya nakukuha ang mga benditas na yun, biruin mo hindi ka lang gaganda ng walang katulad, mamahalin ka pa ng lalaking makakahaplos sayo, what if gamitin ko yun haha!" Nagbibirong sabi ni Gail.

"Huwag ka nga magbiro ng ganyan, baka mamaya yung enigma pa ang makuha mo baka pumangit ka pa, o kung gusto mo puntahan mo si Aling elena, siguradong alam niya kung saan nakukuha yon." Nagbibirong sabi naman ni Jake.

"Ikaw nga ang nagbibiro eh, ayoko nga nakakatakot."

Makalipas ang ilang sandali ay pinatawag na sila Jake para kuhanan ng mga larawan kasama ng bride and groom.

Ngunit lingid sa kanilang kaalaman ay narinig sila ni Lara, at umalis na ito.

Makalipas ang ilang Linggo, nagpunta ng Sta. Barbara si Lara.

At pinuntahan niya si Elena..

Nakita niyang nagwawalis ito ng bakuran..nagkataong wala ang asawa niyang si Oscar ng mga oras na iyon.

"Hoy matanda!"

Nagulat si Elena kay Lara.

"Anong ginagawa mo dito, at bakit wala kang galang?"

"Hindi na ako mag papaligoy ligoy pa! Sabihin niyo sa akin kung saan matatagpuan ang mga benditas."

"Aba ang lakas naman ng loob mong tanungin yan, wala kong alam sa mga sinasabi mo."