Liars Catastrophe

Liar 48: Capturing the Moments

"Magandang umaga sa inyo lahat!" Humihikab na sambit pa niya. "Gutom na ako." Dugtong pa niya.

"Tara na kasi sa kainan. Tawagan ninyo na lamang iyong iba na doon na dumiretso." Suwestiyon ni Tim Tim. Sumang-ayon naman kaagad si Gabriel at saka si Lian, kaya naman wala kaming nagawa ni Alyx kung hindi ang sumunod sa kanila papunta doon.

Habang nag-lalakad ay kasabay ko si Alyx at Lian na pinag-gigitnaan ako.

"Saan tayo ngayon?" Tanong ko sa kanilang dalawa.

"Gusto ko sa Teddy Bear Museum." Nakangiting wika ni Lian.

"Jusangjeolli Cliff!" Halos pasigaw na imik naman ni Alyx na para bang gusto niyang doon muna kami pumunta habang maaga pa. "Tapos sa Jungmun Saekdal Beach." Dagdag pa niya.

"Sige sige. Lahat nang malapit dito puntahan natin. Road trip." Nakangiting pagsasabi ko pa kaya naman halos mapatalon silang dalawa sa saya.

"Hala! Masaya iyang road trip! Mas masaya sana kung sama sama tayo sa isang sasakyan, hindi iyong hiwahiwalay na kagaya kahapon." Nakangusong sambit naman ni Alyx.

"Iyon lamang ba?" Natatawang tanong ko naman. Napakadali namang sabihin kayna Kuya Thunder na gusto namin ng sasakyan kung saan kami makakasakay lahat.

"Oh my gee? Pwede?" Hindi makapaniwalang tugon ni Alyx. I nodded my head eagerly and her smile widened. Pagkatapos ay niyakap pa ako nang pagkahigpit higpit kaya naman halos hindi na ako makahinga, pinigilan lamang siya ni Lian kaya't nagkatawanan kaming tatlo.

Nauuna sa amin iyong tatlong lalaki at parang may pinag-uusapan sila kaya't hindi nalingon sa amin kaya naman hindi nila kami ganoong napapansin. Hinayaan ko na lamang dahil kami din namang tatlo ay may sariling usapan.

"Kamusta pala ang usapang love life?" Kinikilig na biglang sambit ni Alyx.

"Ayieee. Ano? Bakit puyat si Thon Thon?" Biglang tanong ni Lian. Imbis na magpaliwanag agad si Alyx ay inirapan kami nito at saka nagpapadyakpadyak ang mga paa.

"Bakit?" Halos sabay na tanong namin ni Lian.

"Malay ko ba sa lalaking iyan. Kagabi habang tulog ako aba may kausap sa cellphone, tapos noong makita niyang naalimpungatan ako ay biglang lumabas! May itinatago sa akin iyan eh. May kabit yata!" Nag-aalborotong sambit nito at saka sinamaan ng tingin ang likod ni Thon Thon.

"Shh! Marinig ka, ang ingay mo!" Pagsasaway ni Lian sa kaniya. Napalingon kasi sandali iyong mga lalaki noong magmaktol si Alyx. Medyo humakbang din kami paatras para hindi nila masyadong marinig ang usapan namin. Tutal ang layo na nila sa amin.

"Kwento." Sabi ni Lian.

"Ano bang nangyari?" Tanong ko naman.

"Kasi ganito..." Panimula niya. "Kagabi kasi nag-away kami ng slight."

"Slight? May salitang slight sa inyo ni Thon Thon?" Natatawang panloloko ni Lian. Kaagad siyang nabatukan ni Alyx doon. Natawa din ako kasi wala talagang salitang slight kay Thon Thon at Alyx.

"Ayon nga, nag-away kami kasi naman ayaw niyang ibigay iyong phone niya sa akin. Tapos ang loko-loko, pinag-taasan ako ng boses! As in!" Halos maghimutok si Alyx nang puntong iyon. "As in talagang never siyang nagtaas ng boses sa akin, ngayon lang!" Halos gusto na niyang sugudin si Thon Thon kung hindi lamang namin siya pinigilan.

"Baka naman napasobra na 'yong kakulitan mo?" Sambit ko naman.

"Kaya nga, ang gulo mo pa naman tapos lagi ka din kayang pasigaw." Sang-ayon naman sa akin ni Lian habang tumatango tango.

Napasinghal naman sa amin si Alyx dahil doon. Pero nagsalitang muli. "Hindi. Iba kasi iyong nangyari kagabi. Sanay naman si Thon na maingay ako, tapos may sikreto kasi talaga, kasi mahinahon pa naman nagsasabi sa kaniya at pabiro pa tapos gaganunin niya ako. Ha!" Asar na litanya pa ni Alyx.