KAEDE (Way Back to Your Heart)

CHAPTER TWENTY-THREE:

CHAPTER TWENTY-THREE

George's

Hindi ko na sinabi kay Daddy na nakita ko si Ynah. Sigurado kasi akong kapag ikinuwento ko yun sa kanya eh sasabihin niya na namang masmakakabuti kung patatawarin ko nalang ang babaeng iyon. Wala akong planong gawin iyon pagkatapos ng pag-iwan niya sa amin ni Dad, at pagkatapos niyang itangging anak niya ako. Nagawa kong maging masaya ng sila Daddy, Lolo Morgan, Cheska at ang mga kaibigan lang ang kasama ko, ng wala siya sa buhay ko. Hindi ako magpapaapekto sa kanya at wala akong pakialam kahit pa asawa niya ang tito ng asawa ko. Hindi ko naman sila makakasama sa bahay at mukha namang wala silang balak na bumisita sa bahay nila Kaede. At sana huwag na talaga silang bumisita doon.

Inasahan ko ng magrereact sila Cheska kapag kinukwento kong nakita at nakausap ko si Ynah at hindi nga ako nagkami na todo ang magiging reaksyon nila. Halatang lahat sila ay nag-aalala para sa akin.

Maging ang daddy ni Kaede na si tito Leo ay parang nag-alala din ng malaman nitong nagkita kami ni Ynah. Nangako naman siyang hidi niya iyon banggitin kay Daddy.

"Pwede mo din akong ituring na pangalawang tatay mo, George." nakangiting sabi niya minsan. "Hindi man ako kasing kulit ng Daddy mo pwede mo naman sa akin sabihin sa akin kung may bumabagabag sayo o kaya kung gusto mo ng kausap. Para na din kitang anak."

Nandiyan din si Granny na walang sawang nagbibigay ng payo sa akin at walang sawang nagtuturo sa aking magluto. Kaya naman hindi na din ako masyadong nalulungkot.

Although tapos na ang fashion show at wala na akong rehearsal ay nanatili pa ding puno ang araw-araw kong schedules. Nadagdagan ang oras ng taping para sa TV show kung saan ako naghohost at nagjujudge na kung minsan pa eh sa Laguna, Antipolo, Subic o sa malayong lugar pa ang set ng taping. Ganun din ang mga projects na ibinigay sa akin nila Matthew at Theo mula sa mga nagiging kliyente nila na nagpapatayo ng buildings at mga bahay. Bukod pa doon ay nagkaroon din ako ng sunod sunod na guestings sa iba pang TV shows at photoshoot para maging cover ng ilang magazines. Buti na nga lang at rest day ko tuwing linggo kaya kahit isang araw at may pahinga ako.

Pagod-pagod madalas pero worth it naman dahil gusto ko at masaya ako sa ginagawa ko.

"Buti hindi ka nagkakasakit sa dami ng ginagawa mo buong araw?" tanong ni Matthew habang pinapanood naming magtrabaho ang mga construction workers sa site ng pinapatayong condominium unit. Siya kasi at si Theo ang engineers ng city development project na ito at ako naman ang architect.

"Healthy lifestyle lang sapat na." natatawang sagot ko kaya napangiti siya.

"Hindi mo ba naiisipang igive up ang isa sa mga ginagawa mo?" tanong pa niya. "Paano kayo makakabuo ng baby ni Kaede kung halos hindi na kayo magkakitaan sa isang araw." natatawang biro niya pa.

Jusko kahit naman yata magdamag kaming nasa bahay nung kaibigan niyang yun eh hindi pa din kami makakabuo dahil hindi pa naman kami nagsesex kahit kailan. Hanggang makeout lang kami na madalas may istorbo pa.

"Darating din kami sa phase na yun pero siguro hindi pa ngayon. Alam mo na busy sa career." natatawang sagot ko. "Pero alam mo naiinggit ako sa inyo ni Margaux. Makakadalawang chikiting na kayo."

"Oo nga eh." nakangiting sabi niya.

Naging close ko na ang lalaking ito dahil siya ang madalas kong katrabaho plus asawa pa siya ng malapit naming kaibigan ni Cheska na si Margaux at kaibigan siya ng asawa ko. Kaya madalas nakakabiruan ko siya at nakakakwentuhan.

"Kamusta nga pala ang pagbubuntis niya? Hindi ko na nakikita ang babaitang yun. Pinagbabawalan mo yatang umalis ng bahay, ano?" tanong ko habang nakataas ang isang kilay. Muli naman siyang natawa.