Marrying My Ex [MinSul]

Chapter 29

CHAPTER 29 - Bakit Jaehee?

Taejoon’s POV

“Dahan-dahan lang…”

Inaalalayan ako nina Taemin at Kibum habang bitbit naman nina Jonghyun at Jinki ang mga gamit ko. Nakalabas na kasi ako sa ospital. Natanggal na ang cast ng paa ko pero hindi pa ganun ka-ayos ang paglalakad ko. Hindi pa kasi masyadong magaling ang pilay ko.  Pati ang mga benda ko sa ulo pati sa chest part, tinanggal na din. Hindi ko nga alam bakit wala si Jaehee kanina. Siguro isusurprise ako nun ngayon dahil na discharge na ako.

Binuksan ni Kibum ang pinto. Ineexpect ko na biglang may puputok na party popper. Tapos may malaking hand-written ni Jaehee na banner na naglalamang “Welcome Home, Taejoon. I love you!” tapos may balloons at maraming pagkain at si Jaehee, ang babaeng pinaka-mamahal ko ang una kong makikita at yayakap sa akin.

Pero hindi eh. Walang party popper. Walang banner. Walang balloons at pagkain. Pero ang pinaka-masaklap…

Walang Jaehee.

Nagtataka akong pumasok. Iba ang atmosphere dito. Sina Mommy, Daddy, Tito Minwoo at Tita Sojeong lang ang una kong nakita na nasa sala. Bigla namang kinausap ni Dad yung apat na baliw kong kaibigan tapos umalis sila agad. Uhm…

“Nasaan po si Jaehee?” tanong ko sabay upo sa sofa.

Iba na yung nararamdaman ko eh. Parang may mali. Kinakabahan ko. Kahapon lang kasama ko siya sa ospital. Okay na kami eh. Hindi ko alam pero parang blessing in disguise ang disgrasya ko, kasi yung buong tagal ko sa ospital, yun yung pinaka-masayang pangyayari mula nung bumalik si Jaehee, kasi okay na kami. Hindi man malinaw kung ano ba talaga kami. Kung kami na nga ba talaga ulit kasi hindi ko naman siya natanong. Hindi ko nasabi ng buo yung “I love you.” Wala! Malabo talaga! Pero bakit ngayon, hindi ko siya makita… Nasaan siya?

Tumayo si Tito Minwoo at may iniabot na papel sa akin. Napatunganga naman ako. Ano naman ito?

“Taejoon, bumalik na sa America si Jaehee.” Sabi ni Tita Sojeong. Nanlaki ang mga mata ko.

“P-po?” Napatawa ako. “Joke po ba ito?” Mga pa-effect nitong mga ito talaga oh. Sabi na nga ba talaga, may surprise eh. Tapos palabas ito. Akala nila, kakagat ako. Pero sige na nga. Para naman maging maayos itong plinano nila. Ang hirap kaya paartehin ni Dad! Hahaha.