I Knew You Were Trouble (SOON TO BE PUBLISHED)

15: Nag-alala lang

A/N:

Update para sa ekonomiya. Pak!

CARLO SANTIAGO'S POV

"Mga gago! Magsilabas kayo!" Sigaw ko.

Nasa tapat kami ngayon ng teritoryo ng BGS. Dito kasi dumiretso si Uno nang malaman niyang nabaril si Meagan. Kutob niya sigurong ang mga 'to ang may kagagawan. Wala na namang ibang may gagawa nito kundi sila lang lalo pa't sila na mismo ang nagsabi kay Van na kung hindi pa kami iiwas kay Meagan, mas lalo lang siyang mapapahamak.

Hindi marunong sumunod sa usapan ang mga gagong 'to!

Isa-isang nagsilabas ang mga miyembro ng kaaway naming grupo. Pinalibutan nila kami nang may kasamang ngisi sa mga labi nila.

Huling lumabas sa kuta nila ang leader ng Black Gang. Suot pa nito ang leather jacket ng grupo niya na may hitsura ng lion sa likuran.

"Van Alvarez, ikinagagalak kong makita ka rito. Hindi ko inaasahan ang pagbisita mo. Nagustuhan mo ba ang pinagawa ko para sa girlfriend mo, ha?" Mahahalata ang kayabangan ng lalake sa tono niya ng pagsasalita.

"Sinasabi ko na nga ba! Putangina ka, marumi ka talagang maglaro." Kalmado lang ang pagkakasabi ni Van pero, mababakas mo sa kanya ang galit.

Isang maling salita lang ang sabihin ng kabilang gang, hindi maganda ang mangyayari.

"E kasi naman, pare, dapat hindi mo siya iniwasan. Mas lalo tuloy kami nagkaron ng pagkakatao-Ack!"

Nagulat kami sa sobrang bilis ng pagkilos ni Van. Nakahiga na sa sahig ang leader ng Black Gang hawak-hawak ang tiyan niya.

Malakas siyang sinikmuraan ni Van.

"You're a coward! Bakit hindi ka lumaban ng patas?!" Sigaw ni Van habang pinagsususuntok ang leader ng Black Gang sa mukha nito.

Ngayon ko lang nakitang magalit nang ganito kagrabe si Uno. Malamang ay sinisisi niya ang sarili sa nangyari kay Meagan.

Naramdaman kong nagsimula nang magsisugod ang mga miyembro nila. Naghanda na kaming anim para sa pagsisimula ng laban ng dalawang magkaibang gang.

ABIGAIL MENDOZA'S POV

Nandito ako ngayon sa ospital kung saan isinugod si Mei. Umiiyak kasing tumawag sa 'kin si Luke at sinabing nabaril daw ang Ate niya kaya naman kaagad akong pumunta rito.

"Luke, may alam ka ba kung sinong may gawa nito sa Ate mo?" Tanong ko sa nakatulalang si Luke.

Maski naman kasi ako, walang kaide-ideya sa kung sino mang pwedeng gumawa nito. Wala namang kinukwento si Meg na may kaaway siya o kaya nakagalit.

"Wala po, Ate Abbi. Hindi naman po nagsasabi si Ate sa 'kin kung may kaaway siya."

Jeez, pareho lang pala kami.

"Sila Van, alam ba nila ang nangyari?"

Tumango siya.

Hindi kaya may kinalaman sila Van dito? Nasaan na nga ba sila ngayon? Ilang linggo ko na silang hindi nakikita a. Wala na rin namang ikinukwento si Mei tungkol sa kanila.

"Abbi!"

Napalingon ako sa tumawag sa 'kin.

"Mom, Dad!" Yumakap ako sa kanila. "Ano na pong balita? Natawagan mo na po ba sila Tita Olivia at Tito Daniel?"