[The Wrongful Desire] រដូវកាលទី២ COMPLETE✔️

ភាគ២៣:ងើបមុខឡើង!

"អូហ៏!ថ្ងៃនេះលោកប៉ានិងប៉ាប៉ាមកទទួលពួកយើងទាំងពីរនាក់តែម្តងហើយ"នីកូលញញឹមលោតឡើងអង្គុយលើភ្លៅថេយ៉ុងនិយាយប្រាប់បងប្រុសដែលចូលអង្គុយនៅកៅអីរថយន្តក្បែរឪពុក

"ក៏ព្រោះតែថ្ងៃនេះពួកយើងនឹងទៅលេងផ្ទះលោកតានោះអី"លឺថេយ៉ុងនិយាយប្រាប់នីកូលក៏ញញឹមបង្ហាញភាពត្រេកអរឡើងមក នាងក៏នឹកលោកតា និងលោកយាយអូលីវៀរដូចគ្នា

"ល្អណាស់អូនកំពុងតែនឹកលោកតានិងលោកយាយអូលីវៀផង មែនទេបងប្រុស"នាងតូចងាកមកសួរបងប្រុសដែលញញឹមងក់ក្បាលយល់ស្របតាម

"អាវេស៏!ឯងនៅឈរដល់អង្កាល់ទៀតម៉េចមិនឡើងឡានមក?"ជុងហ្គុកទម្លាក់កញ្ចក់រថយន្តបន្តិចអោយឃើញត្រឹមតែភ្នែកគេហៅជំនិតដែលឈរមើលអីក៏មិនដឹង

"ខ្ញុំក៏ចង់ឡើង តែមានអ្នកមកចាប់ជាយអាវប្រាប់ថាចង់ជួបអ្នកប្រុស"វេស៏ញញឹមថយចេញបន្តិចបង្ហាញពីក្មេងប្រុសដែលចូលមកចាប់ជាយអាវឃាត់គេមុននេះអោយសមាជិកគ្រួសារស្ទេស៏ហ្វតទាំងអស់បានឃើញ

"ក្មេងមកពីណា?"ជុងហ្គុកខ្សឹបតិចៗមានអារម្មណ៏ប្រហែលៗមុខតែក៏នឹកមិនឃើញថាដូចនរណា

"ខ្ញុំសុំពេលបន្តិច"ឃេនឌ្រីកមើលស្គាល់ច្បាស់ក៏បែរមកសុំការអនុញ្ញាតពីលោកប៉ានិងប៉ាតូចហើយពេលពួកគាត់ងក់ក្បាលទើបគេបើកទ្វារឡានចុះទៅ និងប្រាប់អោយវេស៏ចូលទៅចាំក្នុងឡានបាន

"ឃេន- "អាល្អិតអាក់បន្តិចស្មូញមុខឈឺពេលត្រូវមនុស្សអាយុបងមួយឆ្នាំចាប់ច្របាច់កដៃអូសមកឆ្ងាយពីឡានបន្តិចដែលមិនអាចអោយសមាជិកគ្រួសារគេមើលឃើញបាន

"មានការស្អី?"នេលសុនស្ទាក់ស្ទើរបន្តិចទើបហុចប្រអប់នំឃុកឃីមួយមកអោយឃេនឌ្រីក

"នេះជានំដែលខ្ញុំចូលចិត្ត ប៉ាតូចរបស់ខ្ញុំបានធ្វើអោយតែខ្ញុំយកមកអោយបងជាការអរគុណដែលជួយបង្រៀន"ឃេនឌ្រីកចងចិញ្ចើមសម្លឹងមើលនំឆ្លាស់គ្នានឹងអាល្អិតចំពោះមុខ

"យើងមិនយក! "

"ទទួលទៅ!វាជាទឹកចិត្តខ្ញុំចំពោះមិត្តថ្មី"

"យើងនិយាយពីពេលណាថាជាមិត្តឯង? "នេលសុនអោបប្រអប់នំជាប់ទ្រូងឈ្ងោកមុខចុះវិញ រាងខ្មាស់ដែរព្រោះឃើញគេជួយបង្រៀនស្មានតែព្រមរាប់អានគេជាមិត្តហើយ

"មិនអីទេអញ្ចឹង"ឃេនឌ្រីកសម្លឹងមើលអាល្អិតដែលនិយាយខ្សោយៗស្តាប់មិនចង់លឺ

"ដែលយើងជួយព្រោះគ្រូសុំអោយជួយ! រៀនចេះពេលណាយើងឈប់រវល់ហើយ!"ថាតែប៉ុណ្ណេះគេក៏ដើរបកមកឡើងឡានវិញទុកអោយនេលសុនបានត្រឹមអោបប្រអប់នំដែលគេតាំងចិត្តយកមកទាំងទឹកមុខសោកសៅ

"មុននេះនរណា?មិត្តកូនមែនទេ?"ចូលមកដល់ឡានវិញថេយ៉ុងក៏ចាប់សួរនាំព្រោះឃើញអូសកូនគេចេញទៅត្រណាត់ត្រណែងបែបនេះគេក៏អត់មិនបារម្ភមិនបាន ព្រោះគ្មានមិត្តឯណាគេអូសគ្នាអញ្ចឹង

"សិស្សចូលថ្មីនឹងណាប៉ា គេតាមមកសួររឿងកិច្ចការ"ឃេនឌ្រីកឆ្លើយទាំងអារម្មណ៏មិនល្អ ឃើញអាមុខស្លូតៗស្មឿកៗនឹងហើយរំខានអារម្មណ៏អស់ក៏ដឹងថាគេមិនស្អប់មុខតាំងតែពីពេលលួចនិយាយខ្សឹបខ្សៀវពីគេក្រោយខ្នងលើកមុននៅតាមមករាប់អានធ្វើមិត្តស្អី?

ជុងហ្គុកនិងថេយ៉ុងសង្កេតឃើញទឹកមុខកូនហើយងាកមើលមុខគ្នាហាក់គិតមិនយល់ថាបើគ្រាន់តែសួររឿងការងារសាលាចាំបាច់អីកូនប្រុសគេម៉ួម៉ៅដល់ថ្នាក់នេះ

__________

Hope you all enjoy ជាមួយសាច់រឿង luv you guys<3