تحزمت بحزام راشي

الجزء 51

لاحت الغطا تتنهج .. وقفات تتشوف راسها مزال بحوايج الخروج... جمعات شعرها الفوق .. و رتبات الفراش بالعكز شاف ليفاليز ديالها مزال فيهم الحوايج عكزات تحطهم في البلاكار .. جبدات شنو ايخصها للدوش.. تكات على الكوافوز دقايق تتفكر واش تلبس حوايجها في الدوش ولا في البيت !

ياسمين: لبس في الدوش ؟ ولا تنخرج ؟

وهي تتفكر دخل تيمسح شعرو .. لاوي عليه فوطة...

ادريس: فقتي.. صباح الخير..

ياسمين: (شداتها الحشمة حطت يدها على رقبتها وردت عليه) صباح نور .. بصحة...

إدريس: (مشا تيجبد حوايجو) الله يعطيك صحة..

هزات اغراضها وخرجات للدوش .. لقاتو مرون..

ياسمين: الحمد الله حتى هو مرون بحالي..

دوشات و لبسات تماك .. شافت لصدرها كان صغيوور..

ياسمين: الله ياربي كفاش غانلاقي داك ولد ناس بهاد الحالة ؟

لبسات كسيوة لاسقة على جسمها جاتها زوينة وخا الصدر مكاينش عنها ارداف بارزيين..

نشفات شعرها .. وطلقاتو تتشوف معه وتفكر في كلامه ! ودور سينتة دالبارح و تراجع تصرفاته ..  تتسول راسها واش بصح ما تيعجبوش منظر دشعرها ؟!

ياسمين: والله لا بقات فيه..
 
فتح عليها باب دوش حتى قفزات..

ادريس: انا نزل نسلم على دار مسافرين لبلاد..

ياسمين: اه وخا

مشى وهي خرجات جبدات كريماتها وعطورها تدهن و تقول مدهنت .. حتى ولا كاملها تتبري...

حتى سمعت صوت مباركة في الدروج ..

مباركة: ياسمن وااا ياسمن نزلي تسلمي عليا.. واش انا نݣد نطلع فدروووج...

ياسمين: انا جايا امي مباركة...

رجعت مباركة جلست حدا دريس تتشوف فيه وضحك تتحس براسها رتاحت من جهتو..

هند: (جالسة تتلعب مع فاطمة الزهراء)وينوو على لحبيبة ديالي مفركسة تمشي معانا..ومالك مغوبشة معاجبكش الحال..

محمد: (طل عليها تيضحك) هاا بتتييي مال الزين ديالي مالو ..

محمد:  الدار في امانتك ادريس.. رد البال..

ادريس:  (هز ليه براسه) صافي كون هاني..

نولت ياسمين .. لابسة عباية ورامية عليها شالها...

ياسمين: (تبسمت ليهم) الله يوصلكم على خير..

محمد: الله يرضي عليك ابنتي..

سلمو عليهم وخرج معاهم ادريس هز معاهم شي اغراض لكوفر ودعهم وتحركو ..طلعت ياسمين الفوق تتوجد الفطور راشقة ليها وادريس دخل هاز فيدو الخبز حطو وهي حطت طبلة وجلسو تيفطروو..ياسمين هزات تيليفون تتشوف في داكشي اللي لاحت وشكون مصيفط ليها لقات كاع اصدقائها دراري وبنات تيباركو ليها عرفوها تزوجت وهي تضحك وترد وعليهم ويد تتاكل بها وهو قالب وجهو مكاينش معاها..