تحزمت بحزام راشي

الجزء 43

عبد الغني: (بهدوء مركز عيونه عليها) انا بغيت (تمس مدوز يدو على شعرو) شوف نت..

احلام: تنا ..

عبد الغني: (تنهد من قلبه) مكرهتش كون كنتي معايا دابا.. تلوني هاد ظلمة اللي انا فيها..

احلام: (تتفوه حاطة يدها على فمها) عينيك في شكل شارب شي حاجة ؟

عبد الغني: امم لا .. غدا ديالي ياك؟ ..

احلام: ضروري ههه ..دابا نمشي نعس فايقة بكري..

عبد الغني. (تبسمت) تصبحي على خير..

احلام: تلاقا الخير..!

* فاقت في الصباح اول حاجة دخلات للكوزينة قادات كيكة بشوكولا .. تتوجدها بحب...

الغالية: (دخلات تتشوف) هاد لكيكة لبرگاش ؟

احلام: (لعقت صبعها من شكلاط) لا .. ياك قلت لك انشوف صاحبتي اليوم .. اوا غانديها ليها.. تتوحم مسكينة..

الغالية: اوا بصحتها .. دبا امتا يشرفنا نسيب؟

احلام: (شافت فيها تضحك) غاتندميني حيت عاودت ليك ..نهار يكتاب لا كان مكتاب يلاه تنعرفو اماما...

الغالية: (بجذية) بلا منوصيك داك لخروج ودخول لا، لابغاك يجي يديك معززة مكرمة من داركم .. تعارف حدو شهر وشهرين .. تفوتيهم تولي بسالة...

احلام: واخا احبيبة ديالي..

دخلات احلام دوشات عليها وخرجت لبست عليها.. جمعت الكيكة ونزلات..

وصلات للدار لاحت سوارت و دخلات تتجبد شنو تلبس .. نشفات شعرها وصاوباتو .. حطات مكياج خفيف .. جالسة قبالة المرايا و طالقة الموسيقى ..ختارت لبيسة مريحة .. فب البيج ، سروال واسع مع جيلي دياله قصير مشدود بصدايف صغار حطات براسلي مع ساعة في يدها.. زينات اصابعها بخواتم ذهبية ، هزات مونطو رماتو على اكتافها... ختارت صاك صغير ونظارات حطاتهم على عينيها تعطرت وخرجت من الدار تتصوني ليه..

احلام: صبااح نور..

عبد الغني: (حاط تيليفون رافع الصوت وتيلبس عليه) صباح الخيير.. انا لبس ونجي بلا متحركي طموبيلتك...

احلام: اوكي

هز ساعتو تيلبسها كان لابس كلشي في الاسود .. سروال بجياب .. تيشرت فوقها قاميجة بيض و كحل ازرارها متفوحين .. ولبس جاكيت خلاها حتى هي مفتوحة .. مع صبادرين .. نايك جوردان فرجلو .. ونزل مزروب قال صباح لخير لأنيسة ومشى خارج..

لقاتو تيتسناها بعيد على دارها ، متكي على الطموبيل تيشوف فيها متبسم متكي على طموبيل هاز قهوة في يده .. غير وصلات عنده حط يده على ظهرها جارها ضامها عنده وتحنى لعندها قبل خدها بقوة حتى وجعها فكها ولحيتو الخشنة كلات بشرتها الناعمة..