စစ်ဘက်ဆိုင်ရာတိုင်ပင်ခံ မျိုးဆက်များ

Chapter 14.5/14.6

အခန်း ၁၄ ခန္ဓာကိုယ်ကို ဘယ်လို စစ်ရမှာလဲ (အပိုင်း ၅)

မနက်ဖြန် သူတို့ သူပုန်စခန်းကို ဝင်ရောက်စီးနင်းမည်သလို စစ်သူကြီးတစ်ဦးအနေဖြင့် စုမိသားစုစစ်တပ်တစ်ခုလုံးအတွက် သူ တာဝန်ယူရမည် ဖြစ်သည်။ အရပ်မြင့်မြင့်အသွင်သဏ္ဍန်ကြီးက ရုတ်တရက် ထရပ်ပြီး တဲထဲကနေ ထွက်သွားတော့သည်။

"အရမ်း နောက်ကျနေပြီ၊ ဘယ်သွားမလို့လဲ" တဲစခန်းထဲက မေးခွန်းတစ်ခုထွက်လာပြီး အသံက သိပ်မကျယ်ပေမယ့် သေချာနားထောင်ရင် လှောင်ပြောင်သရော်မှုတွေနဲ့ ပျော်ရွှင်နေတဲ့ အရိပ်အမြွက်တွေကို အလွယ်တကူ နားလည်နိုင်တယ်။

ဒီညရဲ့ကောင်ကင်ကြီးက တကယ်ကို လှပလွန်းပါတယ်ကွာ.....

***

စစ်စခန်းတွင် ရေအမြဲပြတ်လပ်နေလေ့ရှိပြီး ကုယွင်က မြစ်ထဲမှ လေဟာပြင်တွင် ရေချိုးရန် ဆန္ဒမရှိသဖြင့် ရေပုံးတစ်ပုံးသယ်ဆောင်ကာ သူမတဲထဲသို့ ဝင်သွာပြီး ရွှံ့များကို ရေဖြင့် သန့်စင်လိုက်သည်။ သူမတစ်ကိုယ်လုံးတွင် ရွှံနှင့်ဖုန်များ ဖုန်းနေတာကြောင့် ကုယွင်က သူမခန္ဓာကိုယ်ကို ရေစိုဝတ်ဖြင့် သုတ်ပြီး အနက်ရောင်အ၀တ်အစားသို့ ထပ်လဲလိုက်သည်။ ဤခေတ်တွင် အတွင်းခံအဝတ်(ဘရာစီယာ)များ မရှိသောကြောင့် သူမက ရင်ဘတ်တစ်ဝိုက်တွင် အထည်စများစွာကို ပတ်ချည်ထားလေ့ရှိသည်။ ထိုမှသာ ပြေးသည့်အခါ သို့မဟုတ် အင်အားသုံးသည့်အခါ ပိုအဆင်ပြေမည် ဖြစ်သည်။ ဒါပေမယ့် ဒီနေ့ကတော့ အရမ်းနောက်ကျနေပြီဖြစ်တာကြောင့် ကုယွင်က ထိုပိတ်စကြိုးများကို ကြိုးပါသောရင်ခံ(နန်းတွင်းကားတွေထဲမှာ ဝတ်တဲ့ အတွင်းခံမျိုးကို ပြောတာပါတဲ့)နှင့်အတူ ဘေးတွင် ချထားလိုက်ပြီး အနက်ရောင်အင်္ကျီတစ်ထပ်တည်းသာ ဝတ်ထားကာ ရိုးရှင်းသော သစ်သားကုတင်ပေါ်တွင် တင်ပျဉ်ခွေထိုင်နေခဲ့သည်။

တကယ်တော့ သူမလက်ပေါ်က ဒဏ်ရာက သက်သာနေပြီဖြစ်ကာ ဘာမှ စိုးရိမ်စရာ မရှိတော့ပါဘူး။ ဒါပေမယ့် သူမက စိုစွတ်နေတဲ့ မိုးသစ်တောထဲမှာ တစ်နေ့လုံး လမ်းလျှောက်နေခဲ့ရတာကြောင့် ပိုးဝင်မှာကို ကြောက်တဲ့အတွက် ကုယွင်က ပတ်တီးလဲဖို့ ကြိုးစားလိုက်သည်။ ကုယွင်က သူမလက်မှ အင်္ကျီလက်များကို အ‌ပေါ်သို့ လိပ်တင်လိုက်ပြီး ပိတ်ပါးစကို ညင်သာစွာ ဖြည်းဖြည်းချင်း ဖြည်ချလိုက်သည်။ တခါတလေ သွေးများ စိမ့်ထွက်တာကြောင့် ဒဏ်ရာမှာ သွေးစအချို့ရှိနေပေမယ့်လည်း ကံကောင်းစွာဖြင့် ပတ်တီးစတွင်သာ ကပ်နေသည်။ ကုယွင်က ပိတ်ကျဲစကို တတ်နိုင်သမျှ အမြန်ဆုံး ဖယ်ရှားရန်အတွက် အံကြိတ်ထားလိုက်ပြီး မျက်လုံးများကို မှိတ်ထားကာ ခက်ခက်ခဲခဲ ဆွဲထုတ်လိုက်တာကြောင့် ပိတ်စက စုတ်ပြဲသွားပြီး သူမက နာကျင်မှုကြောင့် ရှုံ့တွနေလေသည်။ ထိုအချိန်တွင် သူမတဲ၏တံခါးကန့်လန့်ကာက ကြမ်းတမ်းစွာ ပွင့်သွားပြီး အရပ်မြင့်မြင့်နှင့်သန်မာသော ပုံရိပ်က တံခါးကို ပိတ်ဆို့လိုက်သည်။