စစ်ဘက်ဆိုင်ရာတိုင်ပင်ခံ မျိုးဆက်များ

Chapter 13 (7,8)

ထိုအကွာအဝေးတွင် အချိန်အတော်ကြာ လှုပ်ရှားမှု မရှိခဲ့တာကြောင့် ကုယွင်က ဓားကို တင်းကျပ်စွာ ဆုပ်ကိုင်ထားရင်း ဓားရှည်ကို အနည်းငယ် ထုတ်ကာ အသင့်ပြင်ထားလိုက်သည်။ နူးညံ့သော ညည်းညူသံနှင့်အတူ အေးစက်သော အလင်းရောင်တစ်ခု တွဲလျက် ပါလာပြီး ပင်းလျန့်က ဓားအိမ်ထဲမှ ထွက်လာသည်။

သူမ ထိုနေရာကို စစ်ဆေးဖို့ သွားခါနီးမှာ မြစိမ်းရောင်ပုံရိပ်တစ်ခုက သစ်ပင်များနောက်ကွယ်မှ ဖြည်းညှင်းစွာ ထွက်လာခဲ့သည်။

ကုယွင်က ခဏတာလောက် အထိတ်တလန့် ဖြစ်သွားသည်။ သူမက ရှည်လျားပြီး တောက်ပြောင်သော အနက်ရောင်ဆံပင်များ ခြေကျင်းတဝတ်အထိ ရောက်နေသော လှပသော အမျိုးသမီးတစ်ဦး ဖြစ်ပြီး သူမတွင် ထူးထူးခြားခြား အဆင်တန်ဆာများ မရှိပေ။ အစိမ်းရောင်အရွက်များပါသော စပျစ်နွယ်စိမ်းတစ်ပင်က သူမ၏ဆံပင်များကြားတွင် ပျံဝဲနေပြီး ထိုနွယ်ပင်ကို ဆံပင်များကြားတွင် ချည်နှောင်ထားသည်။ သူမ၏မြစိမ်းရောင် ၀တ်စုံကလည်း အလွန်ရိုးရှင်းနေပြီး ရှုပ်ထွေးသောအလွှာများ မပါရှိချေ။ ပခုံးဖော်ထားသော အင်္ကျီပုံစံက သူမ၏ ဖြူဖွေးကြည်လင်သော ညာဘက်လက်မောင်းကို လေထဲတွင် အတားအဆီးမရှိ ပေါ်လွင်နေစေသည်။ ထိုနေရာတွင် အစိမ်းရောင် ဖဲကြိုးလေးတစ်ချောင်းသာ ရှိသည်။ မဟုတ်ဘူး။ အဲ့တာက ဖဲကြိုးမဟုတ်ဘူး၊ ကုယွင်က ထိုအရာကို စူးစိုက်ကြည့်လိုက်ရာ အမျိုးသမီး၏လက်မောင်းတွင် ရစ်ပတ်ထားသည်မှာ ဖဲကြိုး မဟုတ်ဘဲ တစ်မီတာခန့်ရှည်သော ခန္ဓာကိုယ်သေးသွယ်သည့် မြွေစိမ်းလေးတစ်ကောင်သာ ဖြစ်နေသည်။ ထိုမြွေစိမ်းလေးက သူမ၏လက်ကောက်ဝတ်ကနေ ပခုံးအထိ ရစ်ပတ်ထားတာကို တွေ့လိုက်ရပြီး ထိုမြွေစိမ်းလေး၏အနီရောင်မျက်လုံးများက ကုယွင်ကို စိုက်ကြည့်နေကာ ရံဖန်ရံခါတွင် သူ၏အနက်ရောင်လျှာလေးကို ထုတ်ပြနေသည်။ ထိုအမျိုးသမီးက ပတ်ဝန်းကျင်မှ သစ်ပင်သစ်ရွက်များနှင့် ရောထွေးနေပုံရပြီး လိုက်ဖက်ညီနေကာ ထူးဆန်းလွန်းလှသည်။

အကယ်၍ သူမက ဘာသာမဲ့ မဟုတ်ခဲ့ပါက ကုယွင်က သူမ တောင်ပေါ်တွင် နတ်သူငယ်တစ်ကောင်ကို မြင်နေသည်ဟု တွေးမိပေလိမ့်မည်။ အခုတော့ ကုယွင်က သူမလက်ထဲမှ ဓားကို ပိုတင်းကျပ်စွာ ဆုပ်ကိုင်ထားရင်း "မင်းက ဘယ်သူလဲ၊ ဘာလို့ ဒီမိုးသစ်တောထဲမှာ ရှိနေတာလဲ"