شلوني وانا مضبطتكم ببارت اطول من حياتي؟
يلا عاد استمتعوا بالبارت واكتبوا تعليقاتتتتتت
هواي علمود يصيرلي واهس اكتب بعد
لا تنسون لايك وتعليقات لطيفة مثلكم
~~~~~~~~~~~~~~~~~~~~~~~
قيد : شبيها؟؟
دُجى : موت ماما ماكان قضاء وقدر وآصف عنده معلومات عن هالشي
قيد : هه چنت متوقع
دُجى : شنو؟
قيد : موت والدتچ چان منبع شك بالنسبة إلي
دُجى : وهسه صار عندنا قضية ثانية نهتم بيها!!
قيد : مو وقته خلي نفض هالسالفة ونرجع نفتح هالقضية لأن اكو شي مبهم ولازم نخلي كل الاحتمالات
شوي وقاطعهم الولد الي كان شايل الصور بأيده وانطاهم لقيد الي دفعله حسابة و رجعوا للحديقة الي گاعدين بيها أهلهم ، انتبهت دُجى لـ روح إلي كان وجهها احمممررر دم و عيونها ما انشالت عن الأرض ولما دققت أكثر بالموجودين شافت خالد منضم وياهم وهو عكس روح منطلق ولكن ما يباوع ناحيتها
دُجى : لعد وين چنت خالد ، ماشفناك بالتكريم؟
خالد : لا عيني موجود بس ما منتبهين عليه
دُجى : هاا!! ، يلا مو كأن الوقت تأخر ؟
هيثم : اي والله الساعة 10:56 يلا نترخص منكم
بدأو يودعون الموجودين و راحوا ناحية سيارتهم و رجعوا للبيت و أول ما وصلوا وقبل لا يدخلون للبيت سمعوا صوت واول ما التفتوا شهگت دُجى و تحمحمت روح ودخلت ودخلت دُجى وياها
أبهر : شعندک يبن الغريب؟
آصف : هذا سلام؟
هيثم : تفضل بوية أدخل
دخل هيثم آصف وأما عن أبهر كان واگف على اعصابة ويتوسل لنفسه أن ما يلزم آصف ويسحلة بالشارع ، أول ما دخلوا للبيت وجه هيثم آصف ناحية الديوان بحكم أنه يعرف شنو رح يصير إذا إلتقوا دُجى وآصف بمكان واحد
هيثم : سولف بوية ليش جاي ؟
نزل آصف على ركبة و قبل لا يوصلن ركبة للگاع عيونه بدأت تصب دموع ، أخذت شهگاته تطلع وحده ورى الثانية و ماكان على هيثم إلا أن ينزل مستواه ويوگفه على طوله ويحضنه ويواسيه
آصف : عمي والله العظيم أحبها ليش هيچ تسوون بيه؟؟
هيثم : وليدي هذا الأحسن صدگني
آصف : أنا مالي ذنب بأبوي ، مستعد هسه اتبرأ منه گدام الله وأمة محمد كلهم بس رجعلي حبيبة گلبي
رجعلي الي هواها گلبي ، عمري كله ما چذبت عليه ولا خنتک حتى لما حبيتها اجيت وگلتلک ، تعب گلبي والله تعب
هيثم : تعذرني يا وليدي ، إلي صار بيني وبين أبوك مو شوية و دم أسرار لحد الأن يطالب بحگة لكن ساکت حفاظاً على اولادي
YOU ARE READING
قيد الدُجى
Mystery / Thrillerتركض بأرجاء المركز و تتلفت يمين ويسار داعية إن الي اجت علموده ماصار له شي لكن الي خوفها اكثر عدم وجود مبتغاها ، بجت بقوة ودموعها ملأت خدودها وقررت تسأل أحد وتستنجد بيه لعل وعسى يفيدها لكن لسوء الحظ خانها التعبير : وين اخذتوا اخووي رجعوووه حرام عليك...
