قيد الدُجى

Part ⁴

هلا يحلوين
اليوم البارت الرابع واتمنى يعجبكم
لا تنسوا التصويت والتعليق بين السطور لطفاً
واستمتعوا 💕💕.

~~~~~~~~~~~~~~~~~~~~~

دُجى : انتي!!..ريم؟؟

ريم : دجاووي؟؟؟

روح : ريم دجاوي؟

ضحكت على روح الي دخلت ويانا بالصدمة ماحسيت الا وريم حاضنتني بقوة اختنكت صراحة ههههههه

ريم : لج حيوانة يومين حرام عليج وينج؟

دُجى : ظروف ظروف

روح : يعني هسه أنتي وريم صديقات؟

ريم : وأنتي وأختي ود صديقات؟

صراحة موقف جدا غريب يعني اول مرة أعرف أن صديقتي ريم هي أخت صديقة روح...شويه و طلعت بنيه بعمر روح و اجت بسرعة وحضنت روح

ود : عبالي ماتجين لأن شفتج تأخرتي

روح : اسكتي كله بسبب اختج وأختي اجتهم لحظة إدراك

ضحكنا على حجي روح ودخلنا جوى ردت أرجع بس كالت ريم سلمي على امي دخلنا جوى وشفنا مرة يعني عمرها يجي 50 سنه هيج شي رحت عليها وسلمت

و اخر شي سلمت عليهم وطلعت وبطلعتي...باوعت لكيت أكو مجموعة شباب واكفين ويباوعون استغربت يعني شنو الفرع هذا بس الهم؟

مشيت لراس الفرع لأن كل تكسي ماكو ماتمر شسالفة ماعرف...وكفت شويه لكيت تكسي و صعدت ورجعت للبيت

#

"ruh pov"

صعدنا انا و ود فوك لغرفتها علمود ندرس وفعلا درسنا قرابة الساعة و نوب جهزنا النا اسئلة وزارية وضلينا نحل بيها واخذنا ساعة ثانية ومن خلصنا

بدأنا نصحح لأنفسنا ومثل المتوقع انا 100 وود 100 صفكنا وكعدنا نهلهل ونضحك متونسين هاي ضبطنا الامتحان

ود : خلجيب حبشكلات ناكل ونراجع

روح : اوك أنا رح اراجع احياء على ما تجين

وكفت على حيلي وضليت امشي وادردم هاذي طريقتي بالدراسة و ود نفسي ما تختلف عني ضليت اقرأ واقرأ وحسيت بالباب انفتح و سمعت صوت

: ود حيوانه جيبي الـ...

باوعت للي فتح الباب شاب طويلل طويل وواضح عنده عضلات ولحية خفيفة و عيونه مجرورة جر وخشمه صغير ماعرف ركز هواي بملامحه

: ءء أسف عبالي ود

كال هيج وطلع حتى ما عرفت شرد عليه أصلا أنا استحيت يعني اول مرة تصير ومتفشلة هواي متفشلة مع العلم يعني هو الي دخل للغرفة موانا
قاطعني صوت ود