لا تنسون التصويت و التعليق بين الاسطر وشكراً
~~~~~~~~~~~~~~~~~~
دُجى : اسفة على كلامي الك هذيج الليله بالمركز جنت مصدومة وحجيت هواي اشياء وسبيتك و دعيت عليك وانت مالك دخل
حجت دُجى الي يجول بخاطرها من زمان و جانت كلش متوترة من ردة فعله بس على عكس المتوقع اندار الها قيد وكال
قيد : واتصالج تالي الليل و التجاوز ما راح تعتذرين عليه؟
فتحت عيونها بصدمة ماجانت متوقعة الرقم الي اتصلت عليه ورفض طلبها طلع قيد جانت متوقعة الناس كلها الا قيد
قيد : اعتذارج مو مقبول اكره الي يتجاوزون على الغير و اهانتج اليه كدام اصدقائي أردها
اذا نرجع لهذيج اللحظة لما دخلت دُجى على قيد الي جانوا موجودين هم زيد و خالد و لما دخلت بطريقة جدا همجية جان اكو مجموعة من الضباط و الناس واكفين برا ويباوعون للمشهد الصاير
يعني قيد انهان اهانه علنيه حرفيا.... احمر وجه دُجى و لما اجت تعتذر مرة ثانية ما انطاها قيد فرصة خلى و مشة
دُجى : والله طبك مرض هاي بعد فوكاها داعتذرله وهو مشه والله يالله
تأفأفت تأخرت كلش عن البيت...همين مرة ثانية وصلت لبيت اهل ريم ودكت الباب و شوي وانفتح الباب و شافت زينب وسلمت عليها ودخلت
دُجى : شلونج خالة شخبارج
زينب : الحمدلله حبيبتي اتفضلي البنات قبل شويه خلصن دراسة و كاعد ياكلن
دُجى : عذبناكم هالفترة ويانه اعذرينه
زينب : لا حبيبتي لا عذاب ولا شي بالعكس متونسه بجيتكم انتي وروح
ابتسمت دُجى وكعدت تسولف شويه وي زينب و ريم الي انظمت الهم...وشوي وكالت ريم لـ دُجى ان تجي لغرفة ود يشوفون شنو يسوون البنات
ولما دخلوا لكوا كل من روح و ود كاعدات وياكلن و مستمرات يدرسن و الواضح أن خلصوا وبدأو يراجعون ما تبقى من اسئلة الفصل
دُجى : ها بشروا؟
روح : الـ100 بالجيب حبي
ريم : عاشووووو يلا خلنشغل ساجدة
دُجى : لج ما تتوبين كله ساجدة هسه فترة امتحانات و محد يتوفق بسبب الاغاني شغلي قرأن احسن
ريم : اوووي يلمتدينة
دُجى : انجبي...يلا روح جهزي نفسج علمود نرجع مسطططووورة هستو يالا خلصت من الجامعة
ريم : شعجب متأخرة
دُجى : اليومين الي غبتهم عن الجامعة طلعهم علي الاكبر من عيوني و تعبانة تعبانة
ريم : اروحلة فدوة شكد يخبل هيج انا و يصحلي وقت اكابلة واكعد اخخخخ هنيالج
ود : ها ولج حبجيات طلعتي
ČTEŠ
قيد الدُجى
Mystery / Thrillerتركض بأرجاء المركز و تتلفت يمين ويسار داعية إن الي اجت علموده ماصار له شي لكن الي خوفها اكثر عدم وجود مبتغاها ، بجت بقوة ودموعها ملأت خدودها وقررت تسأل أحد وتستنجد بيه لعل وعسى يفيدها لكن لسوء الحظ خانها التعبير : وين اخذتوا اخووي رجعوووه حرام عليك...
