التعليق بين الفقرات مفيد للصحة
واللايك كذلك مفيد دائماً يوصي فيه الطبيب
💕.
~~~~~~~~~~~~~~~~~~~~
قيد : اجاج إبليس شخصياً
التفتت علي و جانت عيونها مشتعلة بنار و عافسة وجهها واصلاً واضح أنها جاي تسبني ومطيحة حظي بينها وبين نفسها
دُجى : ايي خير؟؟
قيد : خير مرا وحدا؟
دُجى : فضها عاد شتريد مني؟
قيد : مرتي مايصير اشوفج؟
غمزت إلها وتوجهت للسرير الموجود بالغرفة وكعدت عليه وفردت رجلية وأخذت راحتي بالكعدة كدامها ولا اهتميت الها
قيد : ايي غرديلي شتعرفين عن آصف إيهاب نادر ؟
أول ما طرحت عليها هالسؤال وجها صار ينطي ألوان و ضلت تمتمت و بسرعة نفت براسها و تقدمت علي و غردت
دُجى : ما أعرف عنه شي غير أن هو إبن خالي لا أكثر ولا أقل
قيد : تقنعيني أنتي وهو مو بعلاقة و أصلا ما اجه عليج تالي الليالي مثل المصاحب؟
دُجى : ما مضطرة ابجي گدامك واتوسل بيك أنا كلت الي عندي وعن سالفة ليش اجانه بنصف الليل ، أبوية متعارك وي خالي إيهاب وآصف جان ديطمئن على أبوي واجا بنصف الليل لأن طلع مستعجل ومن وصل وصل متأخر ودك الباب وصادف انا جنت كاعدة بالحديقة وسمعت الباب
قيد : خليني أصير غشيم ومطي وگرن و اكلج اوك اقنعتيني بس شتفسرين الدموع؟...و البجي؟
دُجى : أسباب شخصية وهسه صار دوري أسألك
قيد : عجبتيني
تمددت على الفراش و بدأت أنتظر تطرح سؤالها بس جانت صافنة... طولت صفنتها هواي وآخر شيء مليت و أشرت الها تبدأ
دُجى : ليش خطبتني؟ ، أعرف مو حباً بيه ولا علمود تسترني سولف ليش خطبتني؟
قيد : هاي السالفة مو وقتها...، كل شي بوقته حلو لا تتعبين عقلج الصغير يا زوجتي العزيزة
وكفت على حيلي و باوعت الها بثقة وبدأت اتقرب الها شوووي شووي وهي ترجع لورى و تتلفت يمين يسار أشوفها تبحث عن شي تدافع عن نفسها بي
#
"Duja pov"
بدأ يتقرب علي وانا أبتعد و لحد ما لزگت بالحايط وهو يقترب ولا همه آخر شي لمحت مكص موجود على رف الكتب و لزمته بقوة
دُجى : أقسم بالله ادخلة بنص بلعومك ولا أهتم لشنو رح يصير
قيد : سويها لو بيج خير
YOU ARE READING
قيد الدُجى
Mystery / Thrillerتركض بأرجاء المركز و تتلفت يمين ويسار داعية إن الي اجت علموده ماصار له شي لكن الي خوفها اكثر عدم وجود مبتغاها ، بجت بقوة ودموعها ملأت خدودها وقررت تسأل أحد وتستنجد بيه لعل وعسى يفيدها لكن لسوء الحظ خانها التعبير : وين اخذتوا اخووي رجعوووه حرام عليك...
