وأخيراً وصلتني الأحداث طبعاً
شسوي مو بأيدي...المهم
لا تنسون الـ لايك و الـتعليق بين الفقرات وشكراً 💕✨
~~~~~~~~~~~~~~~~~~~~~~~
قيد : أحبها وفضها
ود : شنو تضحك عليههه
بدأت تضرب بيه عود تطلع قهرها وانا اضحك على سوالفها....منو كالها انا احب العرمة؟...هيه عرمة مثل ما سميتها لسانها طويل وترادد و ماتحترم الأكبر منها
وأصلا بزواجي بيها مجرد علمود أخوي خالد يتزوج الي يحبها و احرگ دمها لا أكثر ولا أقل هه أول ما أنا قيد أحب ؟... ماعرف شي إسمه حب
دخلنا للصالة وشفت الاهل كلهم متجهزين و خو خالد عطره واصل قبله....توجهت ناحيتة و باوعتله وهو فهم شنو أقصد بهاذي النتظرة
خالد : شبيك ترا مرتبط
قيد : ديلا عاد رح أموت خلودي انطيني رقمك خلنرتبط
خالد : أنجب ماخون روح
قيد : هسه ياريت روح معترفة بوجودك
كفختة على كفته وضحكوا ود و ريم الي جانوا حرفيا مثل الفار والبزون وي خالد....صح خالد إخونه من أبوي بس شاهد الله يحبون خالد أكثر من ما يحبوني
ود : دروحوا روح صديقتي والي ميعجبني ميعجبها
خالد : اوووووي كطعتي كلبي تصدكين؟
ريم : ها ولك خلودة طلعت طايح ومحد مسمي عليك
خالد : أي والله يابعد اخوج مادري شلون حبيتها مادري شلون طحت على كولتج مادري الي أدري بيه إذا ما أخذها أموت
ود : هسه تجيك سهام و تزوجك بنت أختها وتخليك تلطم على راسك
"سهام أم خالد الحقيقية"
خالد : والله بيج زيد يعبر القارات...مو بس القارات لا حتى مجرة درب التبانة
ود : خاب صدك بسلا تسويها وتجي لعرسك؟
خالد : علمود الغي أبو العرس واتزوج سكتاوي
ضحكت على سوالف خالد...حرفيا مايطيق سهام بعيشة الله... دائماً اسمع كلمة الام الي تربي مو الي تجيب وماجنت اصدك بهالحجي بس لما شفت خالد صدكت وايقنت أن هالكلام صحيح
#
زينب : يلا خلي نروح هم يالله نحصل طاولة هذا المطعم دومة مزدحم
قيد : حجزت طاولة عائلية
ود : عاشت ايدكككك
ريم : يخي قيد لوما أخوي جان اتزوجتك
ضحك قيد و زينب ضربت ريم على راسها...لأن ريم من نوع دوم تجفص ومن تحجي حجاية ما تفكر
المهم تحجي الي يجي براسها وبس
KAMU SEDANG MEMBACA
قيد الدُجى
Misteri / Thrillerتركض بأرجاء المركز و تتلفت يمين ويسار داعية إن الي اجت علموده ماصار له شي لكن الي خوفها اكثر عدم وجود مبتغاها ، بجت بقوة ودموعها ملأت خدودها وقررت تسأل أحد وتستنجد بيه لعل وعسى يفيدها لكن لسوء الحظ خانها التعبير : وين اخذتوا اخووي رجعوووه حرام عليك...
