احم احم بكرا دوام يعني شنوووو
اي دونت نو....المهم حبابين خلال هاذي
الفترة اذا تقدرون ترجون وتعلقون وتسعدوني
بلايك للرواية لأن جد جد جد رح تفرحوني
وهسا اخليكم مع الرواية انجوييي
~~~~~~~~~~~~~~~~~
: عفية بالشاطرة
دُجى : خير شرايد؟؟
: لا بس سمعت ابليس دخل للجنة
دُجى : اكولك قيد أنت ما تستحي؟؟
قيد : لا خليت المستحى الج حبيبتي...المهم ابوج بلغني بالموافقة بس؟
دُجى : اذا على سالفة روح تحلموووون أختي صغيرة ومومال هيج سوالف تعبانة دورولكم غير وحده احسن الكم
فصلت دُجى المكالمة بينها وبين قيد وهي تفووور رح تموت من القهر كل مرة كل مرة تحاول تبتعد يرجع يقربها منه أكثر
شوي واتصلت على صديقتها إسراء وحجت لها كل شي من البداية للنهاية
إسراء : ياااايييابةةةة هذاك الحلو قيد نفسه
المصكصك للنعال؟؟؟
دُجى : اييييييععع يربي نوب مسويته حلو منيلة الجمال شو يفشل ومزنجر وفوكها شايف نفسه على شنو ماعرف
إسراء : عمي والله حظوظ تكول موحلو وهو يمللخخخخ يملللخخخخ ولج ميشيل فرع العراق اخخخ يربي رح أموت....امدى حظج سريوة حظي ماكعد امدى حظظظظييي
دُجى : ادبسززز هو انا شتوقع منج ما خليتي واحد ما كرشتي عليه بقت على قيد؟
إسراء : انجبي أنا حالياً واقعة بالحب
دُجى : ياستار منو تعيس الحظ؟
اسراء : هو صح حب من طرف واحد بس يلا تتذكرين هذاك اليوم من رحت وياكم للمركز؟
احم احم الضابط زيد اخذ عقلي يييببببوووووييييي
دُجى : امدى حظي المصخم اي والله وأنتي ما حبيتي غير واحد لا يعرفج ولا يشوفج بعد؟
إسراء : غير سوالف كلبي الارعن
دُجى : اخخخ يا إسراء شسولفلج
اسراء : شكو سولفي؟
"بدأت دُجى تسرد كل شيء بالتفصيل من قدوم آصف لحد موافقتها على قيد"
إسراء : ياطايحة الحظ بربج؟؟؟؟
دُجى : لا تلوميني لومي كلبي الملطلط
إسراء : أي والله صدك ملطلط
بعد ما خلصوا المكالمة نزلت دُجى شافت الموجودين بعدهم كاعدين وياكلون ويباوعون لفلم و شوي ووكعت عين دُجى على فيروز وهي تتأمل أبهر الي غاص بالفلم وفصل عن الواقع
ابتسمت دُجى كونها تعرف أن فيروز من زمان هايمة بأبهر بس أبهر مالاحظ حب فيروز تجاهه...تنهدت وتوجهت بجانب ابهر الفارغ وكعدت
YOU ARE READING
قيد الدُجى
Mystery / Thrillerتركض بأرجاء المركز و تتلفت يمين ويسار داعية إن الي اجت علموده ماصار له شي لكن الي خوفها اكثر عدم وجود مبتغاها ، بجت بقوة ودموعها ملأت خدودها وقررت تسأل أحد وتستنجد بيه لعل وعسى يفيدها لكن لسوء الحظ خانها التعبير : وين اخذتوا اخووي رجعوووه حرام عليك...
