قيد الدُجى

Part ⁹

بلا أمر عليكم
تصويت و تعليق بين الفقرات وشكراً 💕✨

~~~~~~~~~~~~~~~~~~~~~~~~

قيد : وين اخذوها؟؟؟

: اخذها رجال ضخم وشاربه طويل وطلع ماعرف وين راحوا بس عليك الله انقذها يمكن يسوولها شي

طلعت ركض اكيد مو بعيدين...جرحي يموتني بس ماكدر اتهاون العرمة بخطر واذا استفردوا بيها وحدهم يصير الأسوأ

شفت اكو طابق رابع رحت بكل سرعة صعدت و سمعت صوت العرمة وهي تصرخ وتستنجد النار اكلت كلبي اكل ماكدرت اسيطر...طلعت سلاحي

وزدت سرعتي و ضليت اشبخ درجتين درجتين إلى أن وصلت و شفت الرجال الي كالت عنه البنية يحاول يفتح قفل الباب...بسرعة رفعت المسدس

وصوبت على رجل الرجال لأن واضح هو مهم فأحتاجة بالتحقيقي...كلبي ينبض بعنف اذا اخطأت بالرماية ممكن العرمة تتأذى...سميت بأسم الله و رفعت السلاح و.....3..2..1

ِ

ٌ

ُ

ٕ

ٕ

ٕ

َ

ٕ

ٕ

ٕ

ٕ

رفعت عيني وشفت الرجال يشهگ بالكاع والعرمة واكفة وتصرخ وتبجي بسرعة ركضت ناحيتة وماحسيت على نفسي الا وأنا خافيها بين ضلوعي ماعرف حسيت انها تحتاج هذا الحضن

مع العلم حرام بس حالات خاصة اكيد!!!.... أسمعها تبجي وتصرخ ومجاي تسكت من الخوف اكيد الحقير خوفها هيه بس شوفته تسوي خرعه خوما يجرها بنعف

قيد : هشششش عرمة هشش لا تبجين اجيت انقذج

دُجى : خـ..خـ...خخطفوني أأ..أأذوني...حـ...حـاولوا
يـ..يـ..اخذوني لـ...لمكان بعيد

قيد : هشش لا تخافين أنا هنا اطيح حظه الي يفكر يوصلج لا تبجين

دُجى : أأ..أريد أهلي رجعني لأهلي

قيد : يلا چا خلي نروح

باوعت ناحية الخرا المبطوح ع الكاع ويصرخ و استغفرت الله و وجهت المسدس ناحية ايده وضربته بكل بقوة...العرمة جفلت شويه بس ما خافت لأن

مخلي كاتم صوت علمود لا احد يجي لهذا الطابق قبل ما يتحاصر هالمبنى....الواضح ان المبنى فرغ
لأن صوت الرصاص اختفى!!

نزلنا انا و العرمة و جان الوضع هادئ جداً الاقتحام جان هادئ وضل هادئ....صمت بصمت....نزلنا وشفت
الشباب واكفين ومكتفين الكل حرفيا والبنات مدخلينهم لسيارات خاصة بالقوات الذهبية

أبتسمت وشكرت الشباب تعبنا و نتيجة هذا التعب نوصل للأرهاب الساقطين....باوعت لـ دُجى و لكيتها تبجي بصمت تنهدت