قيد الدُجى

Part ¹

كاعد اقرأ ملف القضية الي جايتني ومن تقاسيم وجهي واضح أنها صعبة نوعاً ما ماجانت بهذيج السهولة و...قاطعني صوت تلفوني

باوعت للتلفون لكيته اتصال من حبيبه كلبي نبع حناني أمي

: هلا يروح روحي هلا بزنوبة

امي . ولك قيد ما تتوب يرادلك صوندة خضرة مثل ايام قبل

ضحكت بصوت عالي أحب سوالفها واحب اكول الها زنوبة هي تضوج تكول انا جبيرة وانا اكول الها زنوبة

قيد . هلا يروحي أمريني؟

بينما جاي اسولف وي امي قاطعني دخول شخص
باوعت للباب شفت الي جايني خالد انتظرت ينطق بس تقدم لي بهدوء و صار كدام وجهي وصاح بصوت انوثي

خالد : ااااههه حبيبي ااااههه اهه اهه اااههه اريدك قيد... قيييدد..عوف التلفون هسه

صفنت عليه و شوي ما احس الا امي الي تصرخ

امي : ولك كواا*** شجاي تصخم عزا العزاني سودة بوجهج زينب سودةةةة

قيد : يمة خل اكمل واجيج

امي : شتكمل قي...

قطعت الإتصال بينه وانا اباوع للكدامي الي بدأ يهز جنة راقصة ملهى ولو ركصه احسن من راقصات الملهى

خالد : ااااههه قيد اااههه قوي اريد الليلة احبل منك

يكول كلامه الوصخ ويضحك الساقط ضحكت وكلت اله بصوت واضح فيه الخبث والعصبية

قيد . افااااا هسه اذا ما اخليك تعرج أسبوع ما أطلع رجال

بس كمت بسرعة اجه يريد يفلت بس ركضت سريع وراه ولزمته بس وقبل ما الزمه واكطع النعال فوك راسه قاطعنه دكه الباب باوعت له وانطيته نظرة حسابك بعدين

باوعت للباب وقلت بصوت شبه عالي ادخل و دخل علينا الملازم زيد دگ التحيه و باوعت اله بنظرة إستفسار و تنهدت مبين عليه كابت عصبيته

زيد : اكو بنيه مسويه هوسه بالمركز و تصيح اخوي مظلوم طلعوا اخوية وتريد تشوفك؟

وقبل ما اجاوب خالد ابو لسانين نبط من يمه و صاح بينما يحاول يفك أيدي عنه

خالد : كوا**د احد كلك كول قصة حياته كول بنيه تريد تشوفك وفضها

زيد انطاه نظرة الي سدك حلكك لا افركه بنعال للعلم احنه اصدقاء خالد اخوي و زيد صديقنا من أيام الابتدائية

ما كملنه حجي الا ودخلت بنيه لابسه عباية على راسه و شال اسود و شعرها نصة طالع و عيونها مغوركة "مليئة" دموع و كوة لازمه نفسه

: حسبي الله ونعم الوكيل عليكم اخوي شسوالكم حرام عليكم

باوعت اله مبين مراح تعدي على خير...باوعت على خالد وزيد وأشرت الهم يطلعون برا و اكيد خالد ما عجبه الوضع